Дербес компьютер. Дербес компьютерді? ??рылысы

Дербес компьютер. Дербес компьютердің құрылысы

Добавить комментарий

Сабақтын тақырыбы: Дербес компьютер. Дербес компьютердің құрылысы

Сабақтын мақсаты:

Білімділік: Оқушыларға дербес компьютер және оның құрылғылары туралы нақты білім беру.

Дамытушылық: Қызығушылығын арттыру, логикалық ойлау арқылы толық және нанымды жауап беруге дағдыландыру.

Тәрбиелік: Компьютермен жұмыс жасағанда қауіпсіздік ережелерін есте ұстауға, өз уақыттарын дұрыс пайдалана білуге тәрбиелеу.

Сабақтың түрі: Аралас сабақ.

Сабақтың қолданылатын көрнекі құралдар: компьютер, оқулық, жұмыс дәптері,

интерактивті тақта.

І. Ұйымдастыру кезеңі.

1) Оқушылармен сәлемдесу.

2) Оқушыларды түгендеу.

3) Оқушылардың назарын сабаққа аудару.

ІІ. Үй тапсырмасын сұрау.

1. Есептеуіш техникасының даму тарихы

1. XV ғасырда пайда болған санау құралы қалай аталады?

2. Аналитикалық машина жобасын жасаған кім?

3. Джон фон Нейманның архитектурасымен жасалған ЭЕМ қалай аталады?

1. ЭЕМ буындарын және элементтік базасын атап көрсетіңдер.

1. Оқушыларға берілген компьютер жайлы зерттеу жұмыстарын сұрау.

ІІІ. Жаңа сабақ

Компьютер – ақпараттық процестерді жүзеге асыратын құрал.

Негізгі құрылғылары:

• Жүйелік қорап

• Монитор

• Пернетақта

• Тінтуір

Шеткері құрылғылары:

• Ақпаратты енгізу құрылғылары

• Ақпаратты шығару құрылғылары

Жүйелік қорап компьютердің негізгі тораптарын қамтиды:

• жүйелік (аналық) тақша;

• процессор;

• оперативті жады;

• тұрғылықты диск;

• алмалы дискілермен жұмыс істеуге арналған диск жетегі;

• СD және DVD диск жетектері;

• бейнесызбалық бейімдеуіш;

• Дыбыстық тақша;

• енгізу-шығару порттары.

Аналық тақша – бұл компьютердің барлық құрамдас бөліктері қосылатын күрделі көп қабатты мөрлік тақша. Аналық тақша — мыс өткізгіш жолшықтар желісімен қапталған, олардың бойымен мәліметтер тақшада құрастырылған микросхемалар мен компьютердің басқа құрылғылары қосылатын слоттарға жеткізіледі.

Процессор немесе микропроцессор компьютердегі орталық мәліметтер өңдеу құрылғысы болып табылады. Процессор микросхема ретінде ұсынылған және оперативті жадымен қатар аналық тақшада орналасады. Процессор бағдарламалар жұмысына қажетті есептеулерді орындайды. Процессордың жылдамдығы мегагерцпен (МГц) немесе (ГГц) өлшенетін оның ырғақтық жиілігімен анықталады.

Оперативті жады. Компьютердің оперативті жадысы

(ОЗУ) немесе Random Access Memory мәліметтерді қысқа мерзімге сақтау үшін қызмет етеді.

Жүйелік блок: жад

Тұрғылықты диск (тұрғылықты диск жетегі) немесе Hard disk Drive (HDD) – бұл компьютердегі негізгі мәліметтер қоймасы.

Тұрғылықты дискінің сыйымдылығы түрлі компьютерлерде алуан түрлі болады да, мегабайтпен және гигабайтпен өлшенеді.

Алмалы дискілермен жұмыс істеуге арналған диск жетегі. 3,5 – дюймдік дискеттерді оқиды. Бұл дискілер ауыстырылатын тасымалдаушылар болып саналады. Олардың сыйымдылығы 1,44Мб. Компьютерде алмалы дискілерге арналған диск жетегіне “А” әрпі белгіленеді.

СD және DVD диск жетектері. Мәліметтерді ықшам дискілерге жазуға және оқуға мүмкіндік береді. СD және DVD дискілер – ауыспалы тасымалдаушылар. Дискілер бір рет жазылатын (CD-R және DVD-R) және қайталап жазылатын (CD-RW және DVD-RW) болып бөлінеді

Сызбалық бейімдеуіш (видеокарта). Бейімдеуіштің кескіндерді сақтау үшін ғана пайдаланылатын меншікті оперативті жадысы бар “Тұрғылықты жері” бойынша бұл жады көбінесе Бейнежады (videoRAM немесе VRAM) деп аталады.

Дыбыстық тақша компьютерге жоғары сапалы дыбыс тудыруға және оны компьютергежазуға мүмкіндік береді.Дыбыстық тақша ұсынатын дыбыспен жұмыс істеудің кеңейтілген мүмкіндіктері компьютерлік ойындарда және басқа қазіргі заманғы бағдарламаларда талап етіледі.

Енгізу-шығару порттары. Порттар – корпустың алдыңғы немесе артқы тақтасындағы ажыратқыштар, оларға әдетте кабель арқылы әр түрлі құрылғылар қосылады.

Монитор немесе дисплей – компьютердің экранына ақпаратты шығаратын құрылғы. Экран түстеріне қарай дисплейлер монохромды және түрлі-түсті болып, ал шығарылатын информация түрлеріне байланысты символдық және графиктік болып бөлінеді.

Пернетақта. Компьютерге ақпарат енгізуге арналған құрылғы. Пернелер бірнеше блокқа бөлінеді: Символдық пернелер Функциялық пернелер Нұсқаушы пернелер Цифрлық пернелер

Тінтуір.“Тышқан тәрізді қол тетігі” пернелікпен бірге ЭЕМ-ді басқару үшін қолданылады.Тінтуірдің екі түрі болады: үш батырмалы, екі батырмалы.

Ақпаратты енгізу құрылығысы.

Ақпаратты шығару құрылғылары.

ІҮ. Жаңа сабақты қорытындылау. Оқушыларға тапсырма

1. “Кім білімпаз?”

Пернетақта нешеге бөлінеді?

Ақпараттық процесс дегеніміз не?

ASCII коды кестесі неше бөліктен тұрады ?

Ақпараттың өлшем бірлігі?

Бірінші бағдарламалаушы кім?

Caps Lоck пернесі қызметі?

1. Құрылғылардың жүйелік блокта орналасу сәйкестігін анықта.

3) Адасқан құрылғылар. Оқушылар әр құрылғыны өз орнына дұрыс қою керек.

Мен компьютермен жұмыс істегенде, міндетті түрде монитор мен принтерді іске қосамын. Тышқанмен әріптерді теріп, сурет салу керек болса, жүйелік блоктыпайдаланамын. Ал мәтінді басып алу үшін пернетақтаға қағаз саламын.

4) Құрылғыларды жәшіктерге сал. Оқушылар енгізу құрылғысын бір бөлек, шығару құрылғысын бір бөлек жәшіктерге салу керек.

Принтер, тінтуір, джойстик, сканер, пернетақта, плоттер, монитор.

Ү. Үйге тапсырма: 1. Әр оқушыға өз компьютері жайлы жазып келуге тапсырма беру.

2. Дербес компьютердің баспа құрылғылары туралы зерттеу.

3. Баспа құрылғылары түрлері.

ҮІ. Бағалау. Оқушыларды біліміне қарай бағалау.