ШЫҒЫС ҚАЗАҚСТАН ОБЛЫСЫ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫ
«СПОРТТА ДАРЫНДЫ БАЛАЛАРҒА АРНАЛҒАН ШЫҒЫС ҚАЗАҚСТАН ОБЛЫСТЫҚ МЕКТЕП - ИНТЕРНАТЫ» КММ
Ашық сабақ |
Тақырыбы: «Компьютердің қосымша құрылғылары, қосымша құрылғыларды орнату, драйверлер».
Өткізген: Информатика пәні мұғалімі
Қабылшай Б.
Өскемен қаласы
2016-2017оқу жылы.
Ашық сабақ жоспары
Сыныбы: 8К
Пәні: Информатика
Күні: 10.11.2017ж
Сабақтың тақырыбы: Компьютердің қосымша құрылғылары, қосымша құрылғыларды орнату, драйверлер.
Сабақтың мақсаты: Компьютердің қосымша құрылғылары туралы түсінік беру, қосымша құрылғыларды орнатуды үйрету, драйверлері туралы түсінік беру. Оқушылардың компьютерлік сауаттылықтарын дамыту. Құрылғылармен өз бетінше жұмыс жасай алуға бейімдеу.
Сабақтың түрі: Жаңа (ашық) сабақ
Пәнаралық байланыс: геометрия, ағылшын тілі, орыс тілі
Көрнекілік: компьютер, оқулық, таратпа парақтар, интерактивті тақта, слайд.
Сабақтың барысы:
I. Ұйымдастыру
II. Үй жұмысын тексеру
III. Жаңа сабақ
IV. Бекіту
V. Қорытынды
VI. Бағалау
VII. Үйге тапсырма беру.
Сабақ барысы
І. Ұйымдастыру: Оқушылармен амандасу, түгендеу, сабаққа дайындықтарын тексеру. Оқушыларды 3 топқа бөлу жаңа сабақ мазмұнындағы сөздер арқылы (cканер, принтер, модем).
ІІ. Үй жұмысын тексеру: Сұрақтарға жауап беру (Кубик лақтыру арқылы).
- Дербес компьютер дегеніміз не?
- Дербес компьютердің минимум тізіміне қандай құрылғылар кіреді?
- Тасымал компьютерлер дегеніміз не?
- Қалта компьютерлер жайлы не білесіздер?
- Планшеттік дербес компьютерлер дегеніміз не?
- Компьютердің процессоры дегеніміз не?
ІІІ. Жаңа сабақ
Миға шабуыл әдісі (Қосымша құрылғылары туралы).
Қосымша құрылғылар – компьютердің жүйелік блогына қосымша жалғанатын құрылғылар. Оларды жүйелік блоктың сыртына да, ішіне де қосуға болады.
Принтер(Printer) - бұл кез- келген ақпараттарды компьютерден қағаз бетіне шығаруға арналған құрылғы.
Сканер (Scanner)– қағаздағы ақпараттарды компьютерге енгізуге арналған құрылғы. Оған мәтіндер, сызбалар, суреттер, графиктер, кестелер және т.б. жатады.
Дыбыс колонкалары (Speakers) –дыбыстық ақпаратты шығаруға арналған құрылғы.
Микрофон (Microphone) – дыбыстық ақпаратты енгізуге арналған құрылғы.
Еarphone (наушник) - дыбыстық ақпаратты шығаруға арналған құрылғы
Модем (router)– компьютерді интернетпен қосып тұратын құрылғы.
Диск (disk), флешка (usb flash drive), дискета (floppy disk),қатқыл диск (hard disk) – ақпараттарды сақтайтын және тасымалдайтын құрылғы.
Джойстик (Joystick)- Компьютерлік ойындарда қолданылатын тетік.
Плоттер (Plotter) сызбаларды (графиктерді,суреттерді) қағазға шығаруға арналған құрылғы
Проектор (Projector) – компьютердегі ақпаратты интерактивті тақтада көрсетуге арналған құрылғы.
Веб камера (web camera) - бейне кескіндерді электрондық пішімге айналдыратын құрылғы.
Драйвер (Driver)- компьютер құрамына кіретін әртүрлі құрылғыларды басқаруға арналған арнайы программалар. Әрбір құрылғыға өзінің драйвері сәйкес келеді. мысалы, принтер драйвері, сканер драйвері.