Роботтар әлемінде

Сабақтың тақырыбы: Роботтар әлемінде

Сабақтың мақсаты:

Білімділік: оқушылардың информатика пәніне деген қызығушылықтарын арттыру, танымдық іс - әрекеті мен ақпараттық мәдениетін қалыптастыру.
Дамытушылық: ойлау қабілеттеріндамыту, сөз мәдениетін жетілдіру, шығармашылық ізденістерін арттыру.
Тәрбиелік: өз білімдерін дамытуға, бір–бірін құрметтеуге, роботтар тарихын білуге тәрбиелеу.
Сабақтың типі: Сыныптан тыс жұмыс
Сабақтың түрі: сайыс сабақ

Қатысушылар: 5 кл
Жабдықталуы:Компьютерлер, интерактивті тақта, тапсырмалар, викториналық сұрақтар, конструктор бөлшектері.
Көрнекілігі: Слайд презентация, кеспе қағаздар.
Пәнаралық байланыс: ағылшын тілі,бейнелеу өнері, қазақ тілі

Жүргізуші: Сәлем бердік, құрметті ұстаздар, әділ – қазылар, оқушылар! Сіздермен бірлесе отырып «Роботтар әлемінде» атты ойынымызды бастауға рұқсат етіңіздер. Ойынға 4 топ қатысады.

Жүргізуші:

«Біреу озса сайыста, біреу артта қалады
Ренжімей тараса, озбағандар жарады.
Жарыс заңы ежелден – жеңімпазды анықтау,
Озат болу шарты сол – еңбектену, жалықпау.» - дей келе сайысымыздың кезеңдерін таныстырып өтейік.

Жарыс кезеңдері:
І. Биографиялық поэма (Биопоэма) (таныстыру)

ІІ. «Дайындал! Тыңда! Алға!» (сөре, мәре)
ІІІ. Шебер қолдар (конструктор құрастыру)

ІV. «Жас суретші» (робот суретін салу)

V. Мәреге бір қадам (Lego конструктор)

VI. Роботтар биі

Сабақтың барысы:

Әділқазы алқасын сайлау.

І тур: Биопоэма. Әрбір топқа параққа жазылып, өздері туралы келесідей сауалдарға жауап беру тапсырылады:

1. Есімдері

2. Біз қандаймыз? (Өзіңізді сипаттайтын үш сын есім келтіріңіз).

3. Сүйікті іс-әрекеттеріміз? (Қол боста айналысуды құмартатын үш әрекетіңіз, хобби).

4. Өмірлік қағидам (кредо). (Өмірде ұстанатын басты қағидаңыз, ұраныңыз).

5. Сүйікті пәндер? (Қандай есімдерді ұнатасыз?).

ІІ тур: «Дайындал! Тыңда! Алға!» (сөре, мәре)

1- топ

1. Тірі организм ретінде құрылған автоматты құрылғы? Жауабы: Робот

2. Роботтарды дизайндеуге, құруға, қолдануға және олармен жұмыс істеуге бағытталған механикалық, электрлік және компьютерлік инженерия элементтері бар пәнаралық сала? Жауабы: робототехника

3. Білім беру және зерттеу платформасы ретінде кең ауқымда қолданылатын робот? Жауабы:Nao

4. Алғашқы нағыз әмбебап хирург-робот? Жауабы:Da Vinci

5. 2011 жылы құрастырылып Марс планетасында геологиялық және климаттық зерттеулер жүргізу үшін жіберілген робот? Жауабы:Curiosity

2-топ

1.Чех тілінен аударғанда rob сөзі қандай мағына береді? Жауабы: құл

2.Роботты басқаратын жүйелер неше топқа бөлінеді? Жауабы: 4

3.Бұл ғалым 12 жасында адам тәрізді бірнеше қимыл жасауға мүмкіндігі бар гуманоид автоматының жобасын құрған болатын? Жауабы: Леонардо да Винчи

4.Ең бірінші компьютерлік программист? Жауабы: Ада Лавлейс

5.Робот және оның балаға әсері туралы «Роботтардың 3 заңы» шағын әңгімесін жазған жазушы? Жауабы: А. Азимов

3-топ

1.«Тасбақа» деп аталатын алғашқы автономды роботын кім құрастырды? Жауабы: Уильям Грей Уолтер

2.LEGO® Digital Designer қандай бағдарлама? Жауабы: виртуалды LEGO® бөлшектерімен жұмыс істеу арқасында объектілердің 3D үлгісін жасап шығаруға мүмкіндік беретеін арнайы бағдарлама.

3.Әр түрлі ақпаратты (температура, жылдамдық, сәуле, түс, дыбыс) өлшеуге арналған құрал? Жауабы: датчик

4.LEGO® MINDSTORMS® EV3 жинағының құрамына қанша бөлшек кіреді?

Жауабы: 541

5.Роботтарды әрекетке келтіретін басқару орталығы? Жауабы: EV3 модулі

4- топ

1.Компьютерлік графика бөлімі, көлемді обьектілерді бейнелеу үшін қолданылатын (бағдарламалық, аппараттық) тәсілдер мен құралдар жиынтығы? Жауабы: 3D графика

2.Бағдарламаның басы болып табылатын блок? Жауабы: Старт блогы

3.«Рульдік Басқару» блогына қанша мотор қосу кажет? Жауабы: 2

4.«Рульдік Басқару» блогына қосылатын мотордың аты қалай? Жауабы: Үлкен мотор

5.Басқа ғаламшарда және жерсерігінде алғаш рет қашықтықтан басқарылған робот. Жауабы: Луноход 1

ІІІ тур: Шебер қолдар (конструктор құрастыру)

IV тур: «Жас суретші» (робот суретін салу)

V тур: Мәреге бір қадам (Lego конструктор, бір –бірден, кезек кезекпен )

VI тур: Роботтар биі

Қорытынды: Әділқазылар жеңімпаз болған оқушыларды I, II, III орынмен марапаттау.

Жүргізуші:
Білімділік пен ізгілікті бойымызға дарыта берейік.
Сендерге әрдайым биік белестер тілейміз!