Акробатика. Алға және артқа аударылып түсу

Сабақ жоспары №1

V - сынып

2 - күн

1-сабақ

Сабақтың тақырыбы: Акробатика. Алға және артқа   аударылып түсу

Мәліметтер көзі:WWW.youtub.com.

Ақробатика №5. Кувырки. «Дене тәрбиесі» 5- сынып Төтенай Б. Тайжанов С. 41-43 беттер.

Сабақтың мақсаты:

а) оқушыларға дененің қимыл-қозғалысын дамыту

    қажеттілігін түсіндіру.

б) оқушылардың өз мүмкіндігіне деген сенімділігін

     арттыру.

в) сабақ барысында бір – бірін қолдауға, көмектесуге

    үйретіп, ұйымшылдыққа, жақсы қарым –

    қатынасқа баулу.

г) өзін - өзі бағалай білуге үйрету.

Қол жеткізер нәтижелер:

а) жаттығуларды жасап үйренуде кездесетін

    қиындықтардан өтіп, қорқыныш сезімін

    тудыратын кедергілерден арылады.

б) оқушылар өзін - өзі реттеп, жаттығу

    элементтерін қорықпай, нақты жасайтын

    болады.

в) әлсіз, икемсіз оқушыларға көмек беру кезегінде

     бір – бірімен диалогқа түседі және бір – біріне

    сыни тұрғыдан қарайды. 

Мұғалімнің іс - әрекеті:

Оқушылардың іс - әрекеті:

Ұйымдастыру:

Дайындық бөлімі:  10 минут

Орындау:

       Оқушылардың сабаққа қатысуын және сабаққа сәйкес киім үлгісінің болуын бақылап, техника қауіпсіздігімен таныстырамын.

       Өзімнің оқушыларға деген көзқарасым мен қарым – қатынасымды қадағалаймын және сабаққа ынталандыратын жағдай жасаймын. (сергіту, 2-бет)

       Жалпы дамыту жаттығуларын орындағанда, балалардың қызығушылығы мен белсенділігін арттыру үшін топқа бөліп (тәсіл, 2-бет) өздерінің білетін жаттығуларын жасатамын.

        Дене тәрбиесі пәнінің талабына сай киім үлгісінде киініп, техника қауіпсіздігіне аса көңіл бөлулері керек.

       Мұғалімді мұқият тыңдап, өз топтарында білетін дамыту жаттығуларын орындауға  белсенді араласады.

       Топтағы балалардың көрсетіп жасаған жаттығуларын басқалары ере орындайды. Топқа көшбасшылық жасауға үйренеді.

       Топтағы оқушыларға кедергі жасамай, оларға қолдау көрсетеді. Топтан топқа ауысқанда, уақытты үнемдеп, жылдам ауысуға әрекеттенеді. 

Бақылау:

Негізгі бөлім: 30 минут

Жаттығулар:

             Оқушыларға бағалау деңгейі жазылған кеспелерді таңдатамын. Негізгі тақырыпқа ой шақыратын мысал келтіремін. (2 – бет)

           Жаттығулардың әрбір элементін бірінші оқушыларға өзім жасап көрсетемін. Әрі қарай оқушылардың өздері жұмыс жасауына, бір – біріне көмектесіп, ақылдасып, жаттығуларды бірігіп орындауларын қадағалаймын.

         Әр топты аралап оқушыларға бағыт – бағдар беріп отырамын. Балалар шаршап жалығатын болса, сергіту жаттығуларын жасатып, дем алдырамын.

1. Қолды жерге тірей жүрелеп отырудан алға қарай аударылып түсу.
2. Осы тәсілмен тек аяқты айқастырып отырып, алға қарай аударылып түсу.
3. Төрт тағандап тұрып, оң және сол қапталға аударылып түсу.
4. Осы тәсілмен тек қолды тірей жүрелеп отырған қалыптан оң және сол қапталға аударылып түсу.
5. Қолды жерге тіреп және тіремей отыру қалпынан артқа аударылып түсу.
6. Алға аударылып түсуді толық орындау.
7. Артқа аударылып түсуді толық орындау.

Қолдау:

Қорытынды бөлім: 5 минут

Бағалау

       Әр оқушының өзін - өзі бағалап қойған бағасын қолдайтын топтағы оқушылардың қол көтеріп, қолдамайтындардың үнсіз қалуын сұранамын.     Нәтижені өзімнің қойын дәптеріме түртіп аламын.

        Оқушылармен жылы шырай қоштасып сәттілік тілеймін.

           Негізгі бөлім басталар алдында мұғалім ұсынған 3-4-5 бағалары жазылған кеспелерден әр оқушы өзінің жетемін деп таңдап алған кеспе қағазына қарайды.

         Таңдаған бағасын- сабақтағы өзінің іс - әрекеті және мұғалімнің үйреткен жаттығуларын қалай орындағанымен салыстыра отырып, өз жұмысына дұрыс және әділ баға беруге тырысады.

Сергіту сәті:              «Аспан – Ауа – Жер» ойыны.

Ойынды ұйымдастыру: Оқушылар бір сапқа тұрады. Ара қашықтықтары жарты қадам.

                                             Тез орналастыру үшін оқушылар қолды шынтақтан бүгіп белге

                                             қояды. Шынтақтың ұшы екі жағындағы оқушылардың

                                             шынтағына тимей тұруы керек.

Ойын тәртібі:                   «Аспан» - командасы берілгенде ойыншы қолды жоғары көтеруі

                                             керек.

                                            «Ауа» - командасы берілгенде ойыншы орнында бір айналып

                                             тұруы керек.

                                            «Жер» - командасы берілгенде ойыншы жүрелеп отыра қалуы

                                              керек.

Мұғалімнің іс - әрекеті

Оқушылардың іс - әрекеті

Үш команданың біреуін дауыстап беріп, өзі басқа команда берілгенде көрсетілетін қозғалысты жасайды. Мысалы: «Жер» деп команда беріп, өзі «Ауа» командасының «орнында айналу» қозғалысын жасайды т.с.с. Ойынды баяу бастап, бірте – бірте жылдамдықты арттырып отырады.

Мұғалімнің, я болмаса ойын жүргізуші оқушының берген командасы мен жасаған іс – қимылына өте мұқият болуы керек. Ойынды жүргізуші қателестіруге тырысады. Ал, өз тарапынан, берілген командаға сай қозғалысты қате жасаған оқушы бір қадам алға шығады. Тағы қателессе, тағы бір қадам алға шығады. Ойын көп қате жіберген оқушы анықталғанша жалғасады.

Топқа бөлу:   Сергіту сәті аяқталғаннан кейін оқушыларды орындарына сапқа тұрғызып

                        әр оқушының құлағына әртүрлі тропикалық (мандарин, апельсин, ананас,

                        лимон т.б.) немесе басқа бір жемістердің атымен атап сыбырлап кетемін.

                        Болғасын оқушыларға бір – бірінің құлағына сыбырлап, жемістің атын атап,

                        өзі аттас жеміс түрін іздеп тауып топқа бөлінулерін тапсырамын.

Ой шақыру:  Негізгі бөлімді бастар алдында сабақ тақырыбына келетін мысал айтамын.

                        Халық ауыз әдебиетінен «Ұшарын жел білетін, қонарын сай білетін» қаңбақ

                         шал қалай домалауы мүмкін деген сауал қойып, көрсетемін деген 3-4

                         оқушыны ортаға шақырып, оқушылармен бірге көрінісін қараймыз.

Сергіту сәті;                        «Жүйрік есекқұрт»

Ойынды ұйымдастыру:  Оқушылар екі топқа бөлінеді. Әр топтағы оқушылар өз тобына бірінің артына бірі қабаттаса қатарға тұрады. Екі топтың алдыңғы оқушылары бір сызықтың бойына орналасады. Олардан бес метр қашықтықта әр топқа «жем» қойылады.

Ойын тәртібі; Мұғалімнің, я болмаса ойын жүргізуші оқушының берген командасын естіген сәтте, артқы оушы жүгіріп алдынғы оқушының алдына барып тұрады. Тұра салысымен жоғарыдан қолымен бір шапалақ ұрады. Шапалақ келесі оқушыға белгі болады. Келесі оқушы және басқалары осы тәсілмен ауысып тұрып «есекқұрт» алға жылжиды, «жемге» бірінші жеткен команда женген болып есептеледі.

   Екінші ретте топтағы оқушылар «жемге» теріс қарап орналасады. Алдығы оқушы команда бойынша арттағы оқушының артына барып тұрады да шапалақ ұрады топ осы тәсілмен жылжи отырып «жемге» жетуі керек.

Дене тәрбиесі:  Қыздар.

Акробатика V- сынып.

№1 бақылау жұмысы.

Тапсырма:  Алға  және артқа аударылып түсу.

Критерийлік бағалау өлшемі: (өзін - өзі бағалау, дескриптор).

Критерий А

Дескрипторлар

   Жетістіктер деңгейі

   Жоғарғы ұпай – 10

Тапсырма: Алға  және артқа аударылып түсу.

          0 ұпай

Оқушы берілген тапсырманың бірде – бір деңгейіне жете алмады.

        1-2 ұпай

Оқушы қауіпсіздік ережесін сақтамады. Екі жаттығуда да дөрекі қателіктер жіберді.

        3-4 ұпай

Оқушы қауіпсіздік ережесін сақтамады. Бірінші жаттығудың техникасын дұрыс көрсетті. Екінші жаттығуда дөрекі қателік жіберді.

        5-6 ұпай

Оқушы қауіпсіздік ережесін сақтады. Бірінші жаттығуды жақсы орындады. Екінші жаттығудың техникасын дұрыс көрсетпеді.

        7-8 ұпай

Оқушы қауіпсіздік ережесін сақтады. Екі жаттығуды орындау барысында маңызды емес техникалық қателіктер жіберді.

       9-10 ұпай

Оқушы қауіпсіздік ережесін сақтады. Екі жаттығуды да орындауда қате жібермеді.

Ұпайлар саны %

Баға

Қосымша бағалау

0-2

2

Оқушының тапсырманы орындауға ынталануы, қызығуы, сабаққа белсенді қатысуы ескеріліп, қосымша ұпай беріледі немесе ұпай алынып тасталады.

3-5

3

6-8

4

8-10

5