| 1.Топты екі командаға бөлеміз. Әр топ өз командасының топ аты, ұраны, эмблемасымен таныстырады. 2. Қапты аяққа киіп секіру жарысы. Топты 2 командаға бөлеміз. Ойыншылар бірінің артынан бірі тұрады. Қатар тұрған екі тізбектің арасы бір-бірінен 3-5 қадамдай қашық болады. Тізбектердің алдына сөре сызығы сызылады, ал олардың қашықтығы 10-15 м болатын қарсы жаққа бір-бір зат қойылады. Белгі берілісімен алдында тұрған екі оқушы қаппен затты айналып өтіп қайта оралады. Бірінші болып жеткен команда жеңіске жетеді. 3. «Кім бірінші» (в/л добы). Оқушыларды екі топқа бөліп бірінің артынан бірі тұрады. Тізбектердің алдына сөре сызығы сызылады.Допты қай команда бірінші болып әкелсе, сол команда жеңіске жетеді. 4. «Скамейка үстінде күрес». Топты екі командаға бөлеміз. Оқушылар бір-біріне қарама-қарсы сапқа тұрады.Екі командадан балалар бір бірден шығып скомейка үстінен жастықпен ұрып құлату керек. Қай команданың балалары көп құласа, сол командада ұпай аз болады. 5. Қолмен допты домалату.
Топты екі командаға бөлеміз. Бірінің артына бірі тұрады. Әр команданың алдында бір-бір доптан тұрады. Мұғалімнің белгісімен алдында тұрған оқушы допты домалатып, 5-6 м жердегі затты айналып өтіп өз командасына береді. Қай команда бірінші бітсе сол команда жеңеді. 6. Ракетамен шарикті ұрып жарысу. Топты екі командаға бөлеміз. Оқушылар бірінің артына бірі тұрады. Әр команданың алдынан сөре сызығы сызылады, ал олардың қашықтығы 10-15 м болатын қарсы жаққа бір-бір зат қойылады. Белгі берісімен алдында тұрған оқушы ракетамен шарикты алып жүреді, затты айналып өтіп, қайта оралады. Қай команда бірінші болып бітірсе сол жеңіске жетеді. 7.«Эстафета таяқшасын алып жүгіру» ( есептер шығару) Әр топ ойыншылары төрешінің белгісі бойынша кедергілердің арасымен эстафета таяқшасын алып белгіленген жерге жүгіріп барып,кейін қайтады.Екінші ойыншыға береді.Бірінші келген команда жеңіске жетеді. 8.«Секіртпемен жүгіру» Топ оқушылары төрешінің белгісі бойынша секіртпемен жүгіреді.Белгіленген жерге жүгіріп барып,кейін қайтады.Келесі ойыншыға береді.Ойынды бірінші аяқтаған топ жеңімпаз болады.
9.«Кім жылдам» (обруч) Төрешінің белгісі бойынша белгіленген жерге белтемірді жерге домалатып барып, жүгіріп келеді. Белтемірді келесі ойыншыға береді. Ойын осылай жалғасып,бірінші келген команда жеңімпаз болады. 10. " Кім шапшаң " ойыны. Екі топ оқушылары үлкен теннис ракеткасымен допты кедергілер арасынан өткізеді. Қай команда бірінші келсе, сол команда жеңіске жетеді. 11. " Кім тез " ойыны.( обручпен жүгіру ) Оқушылар екі- екіден белтемірдің ішіне кіріп сөреге дейін жүгіреді. Қай команда бұрын барса, сол коанда жеңіске жетеді. 12. " Кім көп асық жинайды" ойыны. Мұнда сызық бойына асықтар қойылады. Асықты 5 метр жерден екі команда кезектесіп асықты атады, қай команда көп асық жинаса, сол команда жеңіске жетеді. 13 .Арқан тартыс. Топты екі командаға бөлеміз. Оқушылар бірінің артына бірі тұрады. Қатар тұрған екі тізбектің арасы бір-бірінен 3-4 қадамдай қашық болады. Тізбектердің алдына сызық сызылады. Мұғалімнің белігісімен оқушылар тартысады, кім сызықтан асыра сүйреп кетсе сол жеңіске жетеді. Тек қана мұғалімнің белгісімен басталады. 14.Топ өз өнерін көрсету. Екі командадағы оқушылар өнерлерін көрсетеді.Мысалы: скогалка, обруч, гир, турникпен тартылуға т.б | 
