Ұйымдастырылған оқу қызметінің технологиялық картасы
Күні: 16.02. 2017ж
Білім беру саласы: Коммуникация, Таным
Оқу қызметі: Көркем әдебиет
Тақырыбы: «Жыл басына таласқан жануарлар» ертегісі.
Мақсаты: балаларды ертегі мазмұнын түсініп оны әңгімелеуге және сахналауға, диалог сөздерді мәнеріне келтіре айта білуге үйрету, есте сақтау қабілеттерін қалыптастыру. Балаларды қазақ халқының ата- бабадан қалған асыл мұрасы -тыйым сөздерді бала шағынан бойына сіңіру, адамгершілікке тәрбиелеу. Балалардың көркем әдебиетке деген қызығушылықтарын арттыра отырып сөздік қорын байыту.
Көрнекті - құралдар: кейіпкерлер костюмдері, пазылдар құрастыру.
Техникалық құралдар: үнтаспа, интер тақта
Әдіс - тәсілдері: сұрақ - жауап, тыңдау, мәнерлеп айту, сахналау.
Әрекеттердің кезеңдері
Тәрбиешінің іс-әрекеті
Балалардың іс-әрекеті
Мотивациялық
оқытушылық,
қызықтыру-шылық
Шаттық шеңбері
«Сәлем, сөздің анасы
Сәлем берер әр қазақтың баласы» - деп қонақтармен амандасып алайық.
Балалар:
Қош келдіңіз бүгін бізге бәріңіз,
Қош келдіңіз, көңіл- күйге сеніңіз
Қош келдіңіз, шыққан күндей жарқырап,
Бақытты сәтті бізбен бірге бөліңіз.
Ұйымдасты-рушылық - ізденушілік
Балалар, біз бүгін ертегілер әлеміне саяхат жасаймыз. Біз көркем әдебиет, драма сабақтарында қандай ертегілерді өттік, сахналадық естеріңе түсіріңдерші. Осыған байланысты мен қазір сендермен ойын ойнаймын.
Музыка әуені ойналады.
Д/о «Кестелі орамал»
Шарты: Музыка әуені ойналады, әуен тоқтаған кезде өткен ертегі тақырыптарын атайды.
Балалар назарын тақтаға аудару. Тақтадан ертегі үзіндісін көреді.
Бұл қандай ертегіден үзінді?
кейіпкерлерді білесіңдер ме?
Дұрыс айтасыңдар балалар!
Ал ендеше балалар, ертегіні актерлер болып сахналайық.
Музыка әуенімен, кейіпкерлер сахнаға шығады.
Амира: (ертегіші) Ерте- ерте ертеде, жануарлар жыл басы не болады деп дауласқан екен.
Амина: (сиыр) Мен адамға сүт пен ет беремін. Адамдар менің сүтімді жақсы көреді: «Ақты төкпе. Сиырды теппе»- деп балаларды үйретеді. Бірінші жыл менікі!
Амир: (жылқы) Сен бергеннің бәрін мен де беремін, мені де адамдар құрметтейді, бірақ оған қоса адам мені мініп жүреді. «Атқа теріс отырма!» деп, «Қымыз ішсен, отырып іш!» деп балаларын үйретеді. Бірінші жыл менікі!
Алишер:(түйе) Бірақ сенің күшінді менің күшіммен салыстыруға бола ма? Мен шөл далада аш болдым деп арпа, сұлы сұрамаймын. Менің сүтім де тәтті, етім де тағамға жарамды әрі терім қалың, мықты. Бірінші жыл менікі!
Алихан: (қой) Ал егер мен болмасам, қазақ қандай жүннен киіз басар еді. Менің терімнен, сенсең тамаша тон тігуге болады. Семіз қой етінен өткен дәмді де қуатты тағам жоқ. Мен сүт пен ірімшік беремін. «Қойды түнде санама!»- деп балаларды үйретеді. Бірінші жыл менікі бітті!
Рауан: (ит) Қой, бос сөзді езіп тұр! Егер мен болмасам, оны қасқыр баяғыда сүйегімен бірге жеп қойған болар еді! Адамдар- «Итке ожаумен ас құйма!»- деп балаларды үйретеді. Бірінші жыл менікі!
Карина: (доңыз) Ал мен басқалардан нашармын ба?
Алинур: (барыс)Үй жануарлары – ай! Адамның құлдары- сендер! Ойласаңдаршы, ол мені күшімен ебім үшін құрметтейді ғой! Ең жүректі батырларды адамдар барыс деп бекерге ұлықтай ма! Бірінші жыл менікі!
Әтеш: Ақбаян. Мен болмасам кісі ерте жұмысына бармай, ұйықтап қалар еді! Мен ерте тұрып, таң атты деп шақырып, хабар айтамын. Кеш болса, жарар мезгіл болды деп, тағы шақырамын. Жыл басы мен болу керекпін!
Еламан : (маймыл)Мен де жыл басы болғым келеді.
Дамеля: (жылан). Мен жыл басы болуға лайықтымын.
Амира: (ертегіші) Жануарлар мен аңдар ұзақ пікір таласты. Тек тышқан ғана тіс жармады. Ақыры бәрі шаршаған кезде, тіпті түйе түгел, әтештің өзі сыбырлап сөйлейтін дәрежеге түскенде, тышқан өз ұсынысын айтты.
Асанәлі:(тышқан) Дау неге керек? Келіңдер, мынаған келісейік. Таңертен атқа күн шапағын кім бірінші болып көрсе, жыл басы сол болсын!
Ит: Дұрыс!
Лия: (ұлу) Тышқан тура айтады!
Ақбаян:(әтеш) Тышқан қандай ақылды!
Алишер:(түйе)
Тышқанға бұрылып сен ақымақ бас, шынымен – ақ күнді бірінші көрем деп ойлайсын ба?
Тышқан: Кештен таң жақынырақ, уақытында байқармыз!
Түйе: һм!
Ертегіші: Жануарлар мен аңдар бәрі де күтіп тұрады. Бірақ тышқан түйенің өркешіне мініп алып күннің шығысын бірінші көріп:
«Мен бірінші жыл басы боламын!»- деп айқай салады.
Түйе бойына сеніп, жыл басынан құр қалыпты деген осы екен.
Педагог: Педагог:
Балалар, қандай тамаша ертегі! Сендерге осы ертегі ұнады ма?
Сендерге қандай жануарлардың рөлін сахналаған бала ұнады?
Неліктен?
Сергіту сәті:
Музыкалық әуенмен балалар жануарлар туралы сергіту сәтін жасайды.
Педагог
Ал енді балалар өз үстелдерімізге барып, пазлдарды құрастырайық.
«Мақта қыз бен мысық»,
«Түлкі мен торай»,
«Шегіртке мен құмырсқа», Жыл басына таласқан жануарлар». Үйшік, Әтеш пен мысық т.б
Жыл басына таласқан жануарлар.
Балалар назарын тақтаға аударады,көреді
«Жыл басына таласқан жануарлар» ертегісі.
Сахнада жануарлар:
Тышқан, түйе, сиыр, қой,жылқы, қоян,жылан, барыс, әтеш, ұлу, доңыз,ит,. Жануарлар пікір таластыруда.
Балалар өз рөлдерін сахналап, ойнап шығады.
Кейіпкерлер рөліне еніп сахналайды.
Тышқан түйенің арқасына мініп алып таң шапағын көрсетеді.
Балалар өз ойларын айтады.
Қимыл қозғалыспен көрсетеді.
Рефлекстік- түзету.
Қорытынды.
- Қандай жануарды құрастырдыңдар?
- Бұл жануар туралы қандай мақал -мәтел, тыйым сөздер білесіңдер?
Беретін өнімдерін атаңдаршы? т.б Рахмет балалар, бүгінгі сабаққа бәрің де өте жақсы қатыстыңдар.
Сендер үйге барғанда осы «Жыл басына таласқан жануарлар» ертегісін, тыйым сөздерді ата -әжелеріңе, достарыңа, апа ағаларыңа әңгімелеп, айтып беріңдер.
Ал енді шығыс күнтізбесі бойынша жаңа жыл яғни Тауық жылы 22- наурызда келеді. Сондықтан да балалар, келе жатқан Наурыз мерекесі құтты болсын!
Ақ мол болсын!
Қайда барсаң жол болсын – деп сендерге бүгінгі сабақта өте жақсы қатысқандарың үшін, дәм ұсынамын.
Балалар құрастырады.
Бұл үй жануары Мә деп дыбыстайды. Т.б Тыңдайды.
Күтілетін нәтиже:
Білу: «Жыл басына таласқан жануарлар» ертегісін білу.
Игеру: Жыл аттарын атауды, кейіпкерлерді сахналауды.
Меңгерді: Ертегінің мазмұнын айтып, сахналауды сонымен қатар өз ойларын жеткізе білуді.
