Жердің көркі - гүл

Қазақ тілі: «Жердің көркі - гүл». Гүлдер әлемінде.

Ұйымдастырылған іс-әрекеттің мақсаты

Жыл бойына алған білімдерін бекіту. Балалардың сөздік қорларын байыту, тілін, ойлау қабілеттерін дамыту. Бір – біріне қамқор болуға, аялауға, мейірімділікке тәрбиелеу, шығармашылық белсенділіктерін арттыру. Қазақ тілінде гүлдер туралы айтылған сөздерді тыңдауды және түсінуді, табиғаттың сұлулығы туралы ұғымды білдіретін сөздерді жаттауды, жауаптарында жаңа сөздерді қолдана білуді үйрету.

Ұйымдастырылған іс-әрекеттің барысы

1. КІРІСПЕ БӨЛІМ

Ғажайып сәт.

Гүл ханшайымнан хат келеді.

Педагог:

- Балалар, бізге Гүл ханшайымы хат жіберіпті. Қане, ашып оқып көрейік.

Гүл ханшайымы:

- Сәлеметсіңдер ме, балалар! Балалар, менің сиқырлы қоңырауым бар еді. Оны сыңғырлағанда табиғат қысқы ұйқысынан ояна бастайды. Бірақ, осы жолы қоңырауды сыңғырлағанда, табиғат оянбай, гүлдерім ашылмай қалды. Маған сіздердің көмектеріңіз қажет. Мында бірнеше тапсырмалар бар, соларды орындасақ жайлауымыз гүлдерге толады.

Педагог:

• Балалар, біз ханшайымға көмектесуіміз керекпіз. Қане, көмек беремізбе?

(Тақтада жайлау бейнеленген панно және паннода ашлымай қалған гүлдер тұрады. Әр гүлдің артында тапсырмалар бар. )

2. НЕГІЗГІ БӨЛІМ

1 – тапсырма: «Қандай түсті?» дамытушылық ойыны.

Мақсаты: Көгөністер мен жемістердің арасынан аталған түсті (қызыл, жасыл, қызғылтсары) табады, таңдауын түрлі түсті фонға сәйкестендіру арқылы тексеру.

Ережесі: Әр балаға заттық суреттер тобынан біреуін қолына алуға мүмкіндік беріледі: алма, алмұрт, апельсин, қызанақ, қияр, сәбіз.

Балалардың алдына үш түсті үш панно қойылады: қызыл, жасыл, қызғылтсары.

Көгөністер мен жемістердің түсі панноның үш түсінің бірімен сәйкес келеді.

Педагог аталған көгөніс немесе жемісті көтеріп, оған түсі үйлесетін панноға

апаруды ұсынады. Балалар алма мен қызанақтың қызыл, қияр мен алмұрттың

жасыл, ал сәбіз бен апельсиннің қызғылтсары түсті екеніне көз жеткізеді. Сөз

тіркестерін құрастырған кезде түстерді айқындайды. Ойынға қатысу мен

манипуляцияның дұрыс нәтижелері бағаланады. Балалар педагогтің үлгісіне

қарап, зат есімді сын есіммен сәйкестендіру арқылы сөз тіркестерін құрайды.

Барысы.

- Балалар, мына жерде үш түс. Қызыл. Қайталаймыз. Жасыл. Қайталаймыз.

Тоқсары. Жарайсыңдар!

- Алма мен қызанақтың түсі қандай? Қызыл түсті. Жарайсыңдар!

- Кімнің алмасы бар? Кімнің қызанағы бар? Көрсетіңдерші.

«Не, қалай жүреді?» сергіту сәті.

Педагог:

- Балалар, қазір біз көңілді әуенді тыңдаймыз. Ненің дыбысын естісек, сол аңға

ұқсап жүреміз.

2 – тапсырма: «Менің отбасым» тақырыбындағы суретті диктант.

Шарты: Балаларға бір парақтың бетінде барлық отбасы мүшелері бейнеленген

ламинатталған суреттер және фломастерлер таратылады. Педагог кез келген

отбасы мүшелерін атайды, балалар дұрыс тауып, сол отбасы мүшесін айналдыра

қоршайды. (Қателескен жағдайда майлықпен сүртсе, жазу оңай өшіріледі.)

Көмек қажет ететін балаларға достары көмек беруіне бірнеше мүмкіндік

беріледі. Ойынды әр балаға әртүрлі отбасы мүшесін айтып, қоршату арқылы

түрлендіруге болады.

- Сәуле (Жанар, Балнұр, Марат), сен кімді қоршадың? Мен ананы, әкені, атаны

қоршадым. Дұрыс. Қайталаймыз. Жарайсыңдар!

«Саусақтар» әнін айту.

- Әке саусақ, әке саусақ, қайдасың?

- Жұмыстан келдім мен мұндамын.

- Ана саусақ, ана саусақ, қайдасың?

- Дүкеннен келдім мен мұндамын.

- Әпке саусақ, әпкетайым, қайдасың?

- Мектептен келдім мен, мұндамын.

- Аға саусақ, ағатайым, қайдасың?

- Жүзуден келдім мен мұндамын.

- Бөбек саусақ, бөпетайым, қайдасың?

- Ұйқыдан тұрдым мен мұндамын.

3 – тапсырма: «Не артық?» дидактикалық ойыны.

Шарты: аула мен орманның макеті тұрады, балалар жануарларды екі жаққа

дұрыс бөліп орналастырады.

«Байқампаз бол!» дыбыстық ойыны.

Педагог [ә], [ө] дыбысы бар сөздерді айтады, балалар алақандарын соғуы керек,

егер сөзде аталған дыбыс болмаса, балалар қол шапалақтамайды.

- Көл, мал, шөп, шар, төл, тал.

- Әтеш, ағаш, ән, дала, сән.

«Төлдерді тамақтандыр» тыныс алу жаттығуы.

Пластик ыдыстарға төлдердің ауыздары ашылып тұрған

бейнелері жапсырылады. Жасыл және сары түсті жұмсақ қағаздан умаждалып

жасалған дөңгелек пішінді тағамдарды төлдердің ауыздарына кіргізу (үрлеп).

Әр балаға бір-бір төлден және бірнеше тағамдардан беріледі.

3. ҚОРЫТЫНДЫ

Педагог:

Әр тапсырманы орындаған сайын балаларға гүлдер берілерді. Соныңда сол гүлдерді балалар панноға жабыстырады.

• Міне, балалар, Гүл ханшайыма көмектесіп, жайлауымыз гүлге толды. Гүл Ханшайымы сендерге алғыс айтып жатыр.

БЕКІТЕМІН

«№33 «Әлия» бөбекжайы» ЖБҚ МКҚК

директоры Т.Н.Сарсенбаева_________

«__» _________ 2024ж

Қорытынды ұйымдастырылған іс – әрекет тақырыбы: «Жердің көркі - гүл». Гүлдер әлемінде.

(Ортаңғы топ)

Қазақ тілі пәні маманы: Кармысова А.А.

Ақтау қаласы 2024 жыл