Ұйымдастырылған оқу қызметі: Сөйлеуді дамыту, сурет салу Тақырыбы: «Жау, жау жаңбыр!»

Бекітемін

№ 1 балабақша меңгерушісі

__________ Н.Т. Сағиджанова

«_____» ___________ 2022 ж.

Тақырыбы: «Жау, жау жаңбыр!»

Тәрбиеші: Райханова И.С.

Нұр-Сұлтан қ., 2022 ж.

Топ: «Балауса» Білім беру саласы: Коммуникация, Шығармашылық

Ұйымдастырылған оқу қызметі: Сөйлеуді дамыту, сурет салу

Тақырыбы: «Жау, жау жаңбыр!»

Мақсаты: Баланың жаңбыр туралы түсінігін кеңейту. Балаларда іздеу белсенділігін дамыту. Сөздік қорларын жаңа ұғымдармен байыту. Табиғатқа деген сүйіспеншілікке тәрбиелеу.

Тәуелсіздікті, еңбекқорлықты, дәлдікті қалыптастыру.

1.Мотивациялық – қозғаушылық кезеңі

Күтпеген сәт:

Күркіреген жаңбырдың даусы естіледі.

Балалар бұл не?

Ненің даусы?Жаңбыр жауғалы жатыр тығылайық.

Балалар қол шатырдың астына тығылады.

Балалар «Күн шықты!»- деген сөзге серуендеп, «Жаңбыр жауды! – деген сөзге қол шатыр астына жиналуы керек
Шаттық шеңбері:

(іс-қимылмен орындайды)

Самал жел, бізді желдетші,
Ағаштар бізді тербетші

Кіп кішкентай ағаштар

Жаңбырменен өседі.

- Тамаша!!

Сұрақ-жауапты тәрбиеші суреттер арқылы өткізеді

- Ал,  балалар, қәзір жылдың қай мезгілі?

- Көктемде неше ай бар?

- Қандай үш ай?

- Қазір қандай ай?

- Көктем мезгілінде қандай өзгерістер болады?

- Күн ------
- Жаңбыр -----
- Құстар жылы жақтан ---
- Жерге жасыл шөптер ----
- Керемет. Балалар

2.Ұйымдастырушылық – ізденістік кезеңі

Балалар сендерге сұрағым бар.

Жаңбыр деген не?

Ол қайдан пайда болады?

Осы сұрақтың жауабын бірге табайық.

Воскобович кілемшесімен балаларға түсіндіру.

Жерімізде үлкен мұқиттар, өзендер, көлдер,көлшіктер бар.

Күн шығып қатты қызған кезде, жердегі су көзге көрінбейтін буға айналады.

Жылы бу ауада ұшып жоғарыға көтеріледі.

Ал аспанда салқын болғандықтан буымыз майда су тамшыларына айналады.

(Осы кезде тәрбиеші суды, су тамшыларын, бұлтты, жаңбырды кілемшеде көрсетеді.)

Ал майда тамшылар бір- біріне қосылып үлкен тамшыға,ал үлкен тамшыдан бұлтқа айналады.Бұлт үлкен болып ауырлай бастағанда жерге жаңбыр болып түседі.

Жаңбыр ол судың тамшылары.

Әр жылдың мезгілінде тамшы қарға,мұзға,тұманға,қырауға айналады.

Біз далаға шығып жаңбыр жауып кетсе ашуланамыз.Жаңбырды ұрысамыз,ұнатпаймыз немесе жаңбырды қатты күтеміз.Неге? Жаңбыр жердің құрғап кетуінен, өсімдіктердің қурап кетуінен сақтайды.

Ал жаңбыр жәй жауады, және қатты жауады.

 Ойын. « себет»

Балалар түрлы суреттің ішінен суға қатысы бар суреттерді себетке салады.(Жылдам музыкамен.Оның ішінде мұздар,қырау,көлдер,қар болады.)

Жарайсыңдар балалар.

3.Рефлексиялық – түзетушілік кезеңіСаусақ қол жаттығулары:
«Жаңбыр жауды»
Жаңбыр қалай жауды. Алдымен жәй жауды. Саусақ ұшымен үстел үстін соғып тырсылдатады. Содан кейін қатты жаңбыр жауды. Үстелді қаттырақ соғады.
Тәрбиеші:
Балалар барлығың мына суретке қараңдаршы.
- Нені көріп тұрсыңдар?
- Бұлттан не жауып тұр?
- Көк түсті бояуды көрсетіп түсіндіреді.
- Көк түсті не болады?

Тәрбиеші:
- Балалар біз бүгін жаңбырдың суретін саусақты және бояуды қолданып саламыз. Тәрбиеші көк түсті бояумен қалай жұмыс жасау керектігін түсіндіріп, көрсетеді. Ол үшін саусақты суға малып, көк түсті бояуды сумен езіп, парақ бетіне бастырамыз.

Жаңбыр жаңбыр жауады,

Бәрін суға малады.

Көк бояуды аламыз,

Тамшыларды саламыз.

Тәрбиеші жаңбыр тамшысы суретін саусақпен салғанда:
- Тырс! Тырс! – деген сөзбен қоштап отырып, сурет салады.
Балалар жұмыс жасар алдында саусақты бояуға салмай тұрып, ауада жаттығып көреді.
Тәрбиеші балалар жұмысын қадағалап, мадақтап жұмыстарына, көмек береді. жаңбыр дыбысын қосып айтқан баланы мадақтайды.
Тілдік қимылды ойын ойнатады.
- Жаңбыр жауады. Тырс!
- Жаңбыр жауады. Тырс! Тырс!
- Жаңбыр көп жауады.
Тырс! Тырс! Тырс! Тырс! Тырс!
/бір орында тұрып, секіреді/
- Балалар біз қандай іс - әрекетпен айналыстық?
- Ненің суретін салдық?
- Жаңбырдың, пішіні, қандай?
- Жаңбырдың дыбысы қандай?
Қандай тәсілмен салдық?

Балалар салған суреттерін тақтаға қойылып, балалар назарына ұсынылады. Жақсы орындаған суреттерді мадақтап, марапаттайды.