Таби?ат бізді? ?йіміз

Табиғат – біздің үйіміз

Мақсаты: балаларға табиғат жайлы түсінік беру арқылы табиғатты аялауға, қамқор болуға, жанашырлыққа, тазалыққа тәрбиелеу. Сөздік қорларын молайтын, әңгімелеу жүйесін қалыптастыру.

Жылулық шеңбері:

• Кәне балалар, барлығымыз табиғат анаға алғысымызды білдірейікші.

• жер – дем беріп отырғаны үшін рахмет.

• күн – сәуле шашып, жылытып тұрғаны үшін рахмет

• су – өміріміздің нәрі болып, шөлімізді қандырғаны үшін рахмет.

• Аспан – көгілдір, ашық аспанымыз жарқырап, таза ауамен дем алдырып жүргені үшін рахмет.

Барлығымыз:

Барлығымыз табиғатты сұйеміз,

Үлкендердің сөзін ойға түйеміз.

Денсаулықты әрқашан жа сақтаймыз

Бейбіт өмір баршамызға тілейміз.

Сұрақ-жауап арқылы әңгіме өрбіту.

• Табиғат дегеніміз не?

• Ол бізді қоршаған орта

• Табиғат нешеге бөлінеді

• Екіге. Тірі және өлі.

• Балалар, жылдың неше мезгілі бар?

• Төрт

• Әр мезгілді неше ай бар?

• Үш.

• Қазір жылдың қай мезгілі?

• Қыс мезгілі

• Ал енді, қыс мезгілінің айларын айтайықшы

• Желтоқсан, қаңтар, ақпан.

• Қазір қай ай?

• Ақпан.

• Енді осы мезгілдеріне жекелей тоқталып, ондағы маусымдық және табиғаттағы өзгерістер туралы не білетініміз туралы айтайықшы.

• Қазір қыс мезгілінже қандай өзгерістер болады

• Қыстан кейінгі көктем мезгілінде қандай өзгерістер болады?

• Жаз мезгілінде қандайөзгерістер болады?

• Күз мезгілінде қандай өзгерістер болады?

• Неліктен «Күз молшылық кезі деп атайды?

• Ал сендер табиғатты қалай қорғайсыңдар? Қандай әрекет жасайсыңдар?

• Жануарлар мен құстарға қалай қамқор боласыңдар?»
  Сергіту сәті: музыкалық әуен арқылы қозғалмалы жаттығулар жасайды.

Дәптермен жұмыс. Оқушылар табиғатқа байланысты, жемістер, өсімдіктер, гүлдердің суреттерін тарату. Олар суреттерді тиісті түстермен бояп, әңгімелейді.

• неліктен ағашты жасыл түспен боядыңдар?

• Неліктен сендер гүлдерді әр түспен боядыңдар?

• Осы сияқты боялған әр сәреттері бойынша әңгімелеп айтады?

• Табиғатты біз қорғауымыз керек пе?

• Табиғатсыз тіршілік қандай болады?

Ойын: «Жұбын тап».

Ойынның шарттары: суреттері бар карточкалар таратылады. Балалар сол суреттерге байланысты дұрысын орналастырады. Мысалы: құс суретін ұясына. Алманы ағашқа т.с.с.

Қорытынды:

• Балалар, біз бүгін өзімізді қоршап, бар байлығын беріп тұрған табиғатпен таныстық. Оның бізге берері мол, байлығы шексіз. Табиғатты аялау біздің парызымыз. Ондағы барлық тіршілік иелерін қамқорлыққа алу. Осыны ұмытпайық!