Конспект урока на тему Орман тұрғындары

Білім беру саласы:Әлеуметтік орта

Бөлімі: Экология негіздері.

Тақырыбы: «Орман тұрғындары»

Мақсаты: Жабайы жануарлар туралы түсініктерін кеңейту. Жабайы жануарларды үй жануарларынан ажырата білуге үйрету.

Жабайы жануарлардың (аю,қоян, түлкі, қасқыр) сипаттық белгілерін байқай білуге үйрету арқылы зейіндерін дамыту. Табиғатты сүюге және қамқор болуға тәрбиелеу.

Қажетті құрал – жабдықтар мен көрнекіліктер:жабайы жануарлар бейнеленген суреттер, үй және жабайы жануарлар суреттері.

Билингвальді компонент: жабайы жануарлар – дикие животные

1.Шаттық шеңбері.

Қол алысып, қәне, біз, 

Достасайық бәріміз.

Айтарым бар сендерге, 

Тез тұрыңдар шеңберге.

Қандай жақсы бір тұру,

Достарменен бір жүру!

Қандай жақсы дос болу!

-Балалар, қазір шеңбер бойымен жүріп, бізді қоршаған ортамен амандасайық.

Таңғажайып сәт.

-Бізге қонаққа орманшы аға келді. Ол бізге өзінің орманда тіршілік ететін жануарлары туралы айтқысы келеді және бізге тапсырмалар ала келіпті.

-Қәне балалар орманшы ағаның тапсырмаларын орындаймызба, орманшы ағаға өзіміздің білімді екенімізді көрсетейік.

Жабайы жануарлар – өз беттерімен тіршілік ететін жануарлар.

1- тапсырма "Жұмбақтарды шеш" Орманшы аға бізге жұмбақтар алып келіпті. Жұмбақтардың жауабын шешейік.

Тәрбиеші жұмбақ жасырады. Балалар жауабын тапқаннан кейін жұмбақтардың шешулері болған аңдардың суреттерін тақтаға іледі.

Қалқиып ұзын құлағы,

Елеңдеп қорқып тұрады. (Қоян)

Өзі ширақ, өзі қу,

Жүрген жері айқай-шу. (Түлкі)

Сұрғылт тартқан түсi бар.

Ақсиған көп тiсi бар

Тыным таппай жүгiрiп,

Сiлекейi шұбырған,

Қыстау маңын ториды,

Ауылдыұң өш бар итi.    (Қасқыр)

Орманнан, жалпақ даладан

Бал іздеп бір аң жортады.

Кіп – кішкене арадан

Үп – үлкен боп қорқады. ( Аю)

Орманшы аға:- Жарайсыңдар балалар сендер жұмбақтың жауабын тез таптыңдар.

2-тапсырма. "Жабайы аңдар немен қоректенеді"

-Қәне балалар жабайы аңдардың суретінің тұсына жейтін тағамдарының суретін жайғастырайық.

-Бұлар – жабайы жануарлар, олар орманда, далада, тауда тіршілік етеді және өз қорегін өзі тауып жейді.

3 тапсырма: "Жабайы аңдарды сипатта"

-Аюды сипаттайық, ол қандай? (Үлкен, қалың жүнді, құлақтары кішкентай ғана, түсі қоңыр).

Осылайша қасқыр мен түлкіні, қоянды сипаттайды.

-Осы аңдардың ішінде қай жануар үлкен? Ал ең кішкентайы қайсысы? (Аю – ең үлкен жануар.Түлкі – аюдан кіші. Қоян – кішкентай аң).

-Жарайсыңдар балалар енді бойымызды сергітейік

Ұзын құлақ, сұр қоян

Естіп қалып сыбдырды.

Ойлы – қырлы жерлерден

Ытқып – ытқып жүгірді.

4-тапсырама; "Аңдар жүрісі"

Балалар әуен арқылы аңдардың жүрісін салды.

Орманшы аға: -Жарайсыңдар балалар сендер жабайы аңдар жайлы біледі екенсіңдер. Енді менің орманға қайтатын уақытым болды. Қош сау болыңыздар.

Балалар: Рахмет сізге Орманшы аға қош сау болыңыз.

Қортынды:

-Балалар бізге қонаққа кім келді?

-Біз қандай тапсырмалар орындадық?

Сұрақтар қою арқылы сабақты қортындылау.

Күтілетін нәтежелер:

Жасайды:жабайы жануарлардың сипттық белгілерін байқап, оларды сипаттап айту

Түсінеді: жабайы жануарлар туралы берілген мәліметтерді;

Қолданады:жабайы жануарлардың жүріс – тұрысын қимылмен келтіре білу дағдыларын