Тақырыбы: «Гүлге қоңған аралар»
Білім беру саласы: «Коммуникация», «Шығармашылық»
Білім бөлімі: Сөйлеуді дамыту, Сурет.
Мақсаты: Балалардың жәндіктер туралы түсінігін молайтып, дыбыстарды дұрыс айтуға, сұраққа жауап беруге үйрету,сөздік қорын байыту, қағаз бетіне алақанмен және саусағымен сурет салуға үйрету, түстер туралы білімдерін бекіту, сурет салуға қызығушылықтарын арттыру. Ұқыпты жұмыс істеуге дағдыландыру.
Көрнекілігі: Ақ қағаздар, қызыл және жасыл түсті бояулар, сулы майлықтар, араның және гүлдің суреттері немесе ойыншықтары.
Алдын – ала жұмыстар: Дала гүлдерінің, жәндіктердің суреттерін қарау, саусақпен сурет салу: «Балапандарға дән беру», «Жаңбыр».
| Іс-әрекет кезеңдері | Тәрбиешінің іс - әрекеті | Баланың іс - әрекеті |
| Ұйымдастыру шы-қозғаушы | Қуан,шаттан,алақай. Қуанатын күн келді! Күліп шықты күн бүгін Қайырлы таң! Қайырлы күн! Топқа әуен ырғамен араның ұшып келіп гүлге қонуымен ғажайып сәт ұйымдастыру. | Балалар шеңбер құрып қол ұстасып, өленді бірлесе, мәнерлеп айтады. Балалар араның ұшып келіп гүлге қонғанын тамашалайды. |
| Ұйымдастыру шы-ізденуші | -Балалар бізге не ұшып келді? -Ара қалай ызыңдайды? – деп ара ұқсап ызыңдауды ұсыну. Ал, мына гүлге қараңдаршы қандай әдемі. Огың түсі қандай? -Мынау гүлдің аяғы, ол гүлдің «сабағы» деп аталады.Ал, мынау жапырақтары. Гүлдің жапырағы мен сабағы қандай түсті? -Кәне гүлдің қасына жақындап, оны ұстап көрейікші,- деп ұсыныс жасау. Ал, енді оны иіскеп көрейікші. Қандай керемет иіс. Ал, енді ойын ойнайықшы, деп ұсыныс жасау. Біздің қолдар,гүлдей жайнайды, Саусақтар жапырақ тәріздес. Күн нұры оянып, Гүлдер ашылды. Ал, қараңғыда түскенде, Қатты ұйқыға батады. -Ал, енді балалар орындарына жайғасып отырыңдар. Ара сендердің оған көптеген гүлдің суретін салғанын қалайды екен. -Оған көмектесеміз бе? -Бізге қандай, бояулар қажет болады екен? -Менің қалай сурет салатынымды мұқият – бақылап отырыңдар,- деп ұсыну. Суретті мен алақанмен саламын. Ол үшін алақанымды қызыл бояуға батырып, қағаздың жоғарғы жағына алақанымның ізін қалдырамын, міне былай. Ал, алақанымды сулы майлықпен сүртемін. Сосын маған жасыл түсті бояу қажет болады. Мен саусағымды бояуға гүлден жоғарыдан төмен қарай жасыл сызық саламын – ол гүлдің сабағы болады. -Ал, енді сендер өз қағаздарында гүлдің суретін салып көріңдер, - деп ұсыныс жасап, өз бетінше әрекеттенуге мүмкіндік беру. | Ара Балалар араға еліктеп з-з-з-з деп ызыңдайды. Қызыл Гүлдің сабағын атайды. Жасыл түсті Балалар гүлдің қасына келіп,оны ұстап көреді. Бар гүлді иіске көреді, керемет байқайды. (қолдарын жоғары көтереді,отырады) (саусуақтарын жаяды) (бойларын тік ұстайды) (қолдарын жандарына созады) (отырып,тізелерін құшақтап,ұйықтап қалған сияқты кейіп танытады) Балалар араның қалауын түсінеді. Йя Қызыл,жасыл Балалар тәрбиешіні мұқият тыңдай отырып, іс – әрекетін бақылап, сурет салу тәртібін, ретін түсінеді. Балалар алдарындағы қағазға өз бетінше сурет салады. |
| Жетекші – жөндеуші | -Жарайсыңдар, балалар! Жақсы Жұмыс істедіңдер. Қазіргі ара ұшып барып, сендердің салған суреттерінді көреді. Сосын балаларға «Аралар» ойының ойнауға шақыру. | Балалар араға алған суреттерін көрсееді. Балалар ойынды белсене, шаттана ойнайды. |
Күтілетін нәтиже:
Білуі қажет: гүлдің құрылымы (жапырағы, сабағы), түстер (қызыл,жасыл) туралы біледі.
Қалыптасқан түсініктер: алақанмен және саусақпен сурет салу, саусақ ойынын ойнау түсініктері қалыптасады.
Орындаушылық қабілеті: сурет салу, тақпаұ айту, ойын айнау, шығармашылық қабілеттері артады.
