Просмотр содержимого документа
«"Балабақша- базарлы үй"»
Мектепалды «Қуыршақ »тобындағы ұйымдастырылған оқу қызметінің конспектісі
Өткізу күні: 04.09.2018
Тәрбиеші: Абенова М.К
Білім беру саласы: «Коммуникация»
Пән: Көркем әдебиет
Өтпелі тақырып: «Балабақша.»
Тақырыбы: Балабақша- базарлы үй
Мақсаттары:
- Тәрбиелік: Балабақшада өз үйлерінде жүргендей еркін жүруге тәрбиелеу.
- Дамытушылық: Сөздік қорларын дамыту, сұрақтарға нақты жауап бере білуге баулу.
- Оқыту: Балабақша турлы білімдерін өлең жолдары арқылы толықтыру.
Педагогикалық технологиялар:дамыту,денсаулық.ойын
Ресурстармен қамтамасыз ету: суреттер
Билингвалдық компонент: балабақша- детский сад
Ұйымдастырылған оқу қызметінің барысы:
І. Ұйымдастырушылық кезеңі
- Балалар, біздің досымыз кішкентай қонжық, сендерге бірдеңе үйреткім келеді дейді. Кеше сендер оны балабақша бөлмесімен таныстырғансыңдар. Енді ол сендерге Балабақша дегеннің не екенін үйреткісі келеді екен? Қонжықтың ұсынысын қабыл алады.
-Балалар Балабақша деген не?
-Балабақшада ұнайды ма сендерге?
-Балабақшада кімдер жұмыс істейді екен?
Жарайсыңдар!
ІІ. Негізгі бөлімі:
(Тәрбиеші қонжықты қолына алып, оның атынан бабалармен диалогқа түседі) - Сендер балабақшаға қашан келесіңдер?(таңертең) Содан кейін не істейсіңдер? (ойнаймыз, тамақтанамыз, ұйықтаймыз) Осындай іс - әрекеттерді сендер үйлеріңде де істейсіңдер солай ғой? Демек балабақша да сендердің үйлерің болып саналады екен. Біз барлығымыз бір үйде тұрып жатқан достармыз. Біз балабақшада ойнаймыз - күлеміз, бір - бірімізді ренжітпеуге тырысамыз.
Сергіту сәті:
Балабақша есігін
Үшке толып ашқанбыз.
Балапандай өсіріп,
Мәпелейді бақшамыз.
Ендеше мен сендерге балабақша туралы бір білетін өлеңімді айтып берейін. (бірнеше қабатты балабақшалар суретін көрсете отырып) Балабақша базарлы үй Қаладағы ажарлы үй Күлкісі бар шуақты Өз үйіміз сияқты. - Ой қандай тамаша өлең жолдарын айттың сен қонжық. Біздің балаларға осы өлеңіңді үйретші. Балалар қонжық сияқты балабақша туралы өлеңді жаттап, айтып жүргілерің келеме? Жаттап алған соң кешке аналарымызға айтып беріп, қуантамыз. 1) Оқып беру 2) Әр шумақта айтылған сөздерге түсінік беру 3) Хормен қайталатып айттыру 4) Жаттап алған баланы тыңдау
ІІІ. Қорытынды:
Қандай тамаша өлең, мұны бізге не үйретті? (қонжық) - Балабақшаны қандай үй дейді? Иә демек көп баласы бар үй деген сөз екен. - Қаладағы ажарлы үй дегенді қалай түсіндік? Дұрыс айтасыңдар әдемі, әсем, кең, үлкен үй (бала көп болғандықтан үлкен, кең болады) дейді. - Кімдердің күлкісін айтып тұр? (біздің) Әрине сендердің күлкілеріңсіз балабақша қызықты, әдемі болмас еді. - Балабақшаны өз үйлеріңе ұқсайды деп ойлайсыңдар ма? Неліктен? Қонжыққа рахметімізді айтайық. Хормен тақпақты тағы қайталату. Балалар жауабы
