«Дән» балабақшасы
Аудандық семинарға ашық сабақ
Тақырыбы: «Менің Отаным Қазақстан!»
«Ручеек» ортаңғы тобы
Дайындаған: қазақ тілі пәнінің оқытушысы
Абдыгалиева А.С.
Жақсы кенті
Қазан. 2018-2019 оқу жылы
Білім беру саласы: «Қатынас».
Білім бөлімі: «Қазақ тілі».
Тақырыбы: «Менің Отаным Қазақстан!»
Мақсаты: Балаларға Қазақстан Республикасының Президенті, рәміздері, музыкалық аспаптар, құрал-жабдықтар туралы мәлімет беру, өзінің Отаны туралы білімдерін кеңейту, адамгершілік-патриоттық сезімдеріне тәрбиелеу, еңбексүйгіштікке, жақсылыққа тәрбиелеу.
Қолданылатын көрнекі-құралдар: тақырыпқа сай суреттер, үнтаспа, әр түрлі дыбыстар. поезд дыбысы, Құрманғазы күйі, музыкалық аспаптар дыбысы.
Биллинвалды компонент: Отан-Родина, Ту-Флаг, Елтаңба-Герб, Әнұран-Гимн, киіз үй-юрта, дастарһан-стол, сандық-сундук, бесік-колыбель.
Алдын-ала жасалатын жұмыс: шаттық шеңбер, сергіту сәті, ту, елтаңба, әнұран атаулары, дыбыстарды таңдау.
Сөздік жұмыс: Отан, Астана, ту, елтаңба, әнұран, домбра, қобыз, жетіген, киіз үй, дастарһан, сандық, бесік.
Әдіс-тәсілдер: сұрақ-жауап, көрнекілік, түсіндіру, әңгімелеу, АКТ.
Сабақ барысы:
Құрманғазы күйі орындалады. балаларға музыка әуенімен залға кіреді.
Педагог:
Арайлап атты, таңымыз
Қайырлы таң, балалар!
Балалар: Сәлеметсіз бе!
Қазақстан Республикасының әнұраны орындалады.
Педагог: Сәлеметсіздер ме, менің кішкентай қазақстандықтарым. Неге мен сендерге олай айттым, білесіңдер ме? Өйткені, кім Қазақстанда тұрады, бір сөзбен – қазақстандықтар деп аталады. Қолдарымызды ұстап, мақтанышпен айтамыз: «Біз – қазақстандықтармыз!»
Шаттық шеңбер:
Қуанамын мен де,
Қуанасың сен де,
Қуанайық достарым,
Жарқыраған күнге!
Балалар орындыққа отырады.
Ғажайып сәт: Балалар, менімен бірге Қазақстан ішіне саяхатқа барасыңдар ма?
Балалар: Иә, барамыз.
Балалар педагог артына тұрып, темір жолмен жүріп кетеді. (Поездың дауысы қосылады, үнтаспамен аялдама атауы айтылады).
1 аялдама: «Көңілді сұрақтар».
Балаларға теледидар арқылы көрсетілген суреттерге байланысты сұрақтар қойылады.
-Балалар, біз қандай елде тұрамыз? (Біз Қазақстан елінде тұрамыз)
-Біздің астанамыз қай қала? (Астана қаласы)
-Біздің ауылымыз қалай аталады? (Жақсы ауылы)
-Біздің президентіміз кім? (Нұрсұлтан Әбішұлы Назарбаев)
-Біз сендермен сабақ басында не орындадық? (Қазақстан Республикасының Әнұранын)
-Мына суретте не бейнеленген? Қазақстан Республикасының Туы)
-Мына суретте не бейнеленген? (Қазақстан Республикасының Елтаңбасы)
Балалармен тағы да поездқа отырып, келесі аялдамаға барады.
2 аялдама: «Өлеңдер-шумақтар»
Бұл «Өлеңдер-шумақтар» аялдамасында Отан туралы тақпақтар айтамыз.
Қазақстан
Т.Молдағалиев
Ен даласын
Егін жапқан,
Бар баласы
Бақыт тапқан,
Менің жерім,
Туған елім –
Күн сәулелі Қазақстан!
Біз бақытты баламыз.
Ғ.Қайырбеков
Отан біздің анамыз,
Әлпештеген, өсірген.
Өмір нәрін аламыз,
Оның жұпар төсінен.
Сергіту сәті:
Ал, балалар, тұрайық,
Алақанды соғайық.
Бір отырып, бір тұрып
Біз тынығып алайық.
3 аялдама: «Музыкалық аспаптар».
Бұл аялдамада әр аспаптың әуені орындалады да, суреті теледидардан көрсетіледі. (Домбыра, қобыз, жетіген).
4 аялдама: «Тұрмыс-салт жабдықтар».
Бұл аялдамада біз сендермен қазақ халқының тұрмыс-салт жабдықтарымен танысамыз.
Балаларға теледидардан киіз үй, дастарһан, сандық, бесік суреттері көрсетіледі.
Қорытынды: Балаларға сабақ бойы не өткен бойынша сұрақтар қойылады.
-Балалар бүгін біз сендермен қайда бардық?
-Не істеуге ұнады?
-Жаңадан не білдіңдер?
Педагог: Балалар! Сендерді біздің жүректік шеңберге шақырамын. Қолдарымызды ұстаймыз, бір бірімізге күлімдейміз, барлық адамдарды жақсы көңіл күй тілейміз. Балалар сендер сабақта жақсы қатыстыңдар. Мен сендерге қазақ халқының бауырсақ деген тағамын дайындап келдім. Астарың дәмді болсын! Сау болыңыздар!
Күтілетін нәтиже:
Біледі: Қазақстан Республикасының рәміздерінің атауларын, тұрмыс-салт жабдықтарды, музыкалық аспаптарды біледі;
Игереді: жаңа сөздерді игерді;
Меңгереді: қазақ тіліне тән дыбыстарды дұр
