Айгерім қуыршаққа арналған шарф

Кіші жастағы балалардың сенсорлық дамуы.

Сенсорлық даму балалардың ерте жастағы жалпы дамуының негізін құрайтын

басты бөлігі болып табылады. Сенсорлық бойынша жүргізілетін ұйымдастырылған

оқу қызметінің конспектісі баланың даму үдерісіндегі сыртқы ортаны қабылдап және

айналадағы болып жатқан заттарды, қоршаған ортадағы өзгерістерді көз алдына

елестетіп сезінуіне бағытталған. Баланың бойына ақыл-ой күштерін, ойлауын

дамытудағы және ақыл-ой еңбек мәдениетін дамыту ең алдымен балаға сенсорлық

тәрбие беруден бастау алады. Сенсорлық тәрбиенің маңыздылығы мынада:

Баланың қоршаған орта құбылыстарымен заттарды қабылдаудан тану басталады. 

Байқағыштығын дамытады, шынайы өмірге дайындайды, эстетикалық сезіміне

белсенді түрде әсер етеді, ақыл-ойын, қиялдың дамуына негіз болып табылады,

зейінін дамытады.

Балаға танымдылық қызмет тәсілдерін игеруге мүмкіндік береді.       

Көру,есту,сипап,сезу, дәмін білу, бейнесін және т.б есте сақтау түрлерінің дамуына

әсер етеді.

Сенсорлық ойындар балалардың сенсорлық қабылдауын

қамтиды, біржағынан олар ойнаушылар әрекетінің жас ерекшелігін, адамгершілік

уәждерін, екінші жағынан – еріктілік қағидасын, өзі таңдау құқығын, жеке

даралығын көрсетуді ескереді. Күнделікті өмірде бала әр түрлі пішінді бояуларды

кездестіреді – бұл оның жақсы көретін ойыншықтары мен қоршаған ортадағы

заттар.

Қостанай қаласындағы № 11 бөбекжай –бақшасының бірінші кіші «Сылдырмақ»

тобында түрлі сенсорлық ойындарды қолданамыз.

Мысалы ойындар: «Көбелек түймелер», «Түрлі түсті қақпақтар», «Жіптерді өру»

«Геометриялық пішіндер», «Гүлдер түймешегі», « Баулы бәтенке»т.б. ойындармен

ойнайды. Бұл балаларға өте қызықты.

Алмакуль Жумабаева

Сания Жармагамбетова

№ 11 бөбекжай –бақшасының

Тәрбиешілері:

Қостанай қаласы.