Денені сауықтыру,шынықтыру іс – шарасының жоспарына байланысты ұлттық ойындардың тақырыбы: «Біз тату доспыз!»
Мақсаты: Балаларға шетел қалаларын көрсету арқылы әр елдің ойындарымен таныстыру; олардың бейбіт өмірге деген сүйіспеншілігін арттыру, достыққа, ынтымақтастыққа тәрбиелеу; өзге елдердің ұлттық ойындары арқылы балалардың дене тәрбиесіне деген қызығушылығын арттыру.
Қолданылатын құрал, көрнекілік: глобус, Норвегия, Ресей, Африка, Австралия, Қазақстан мемлекеттері табиғаттарының суреттері бейнеленген слайттар, доптар, кеглилер.
Сабақтың барысы: Балалармен сәлемдесіп, спорттық киімдерін тексеріп, өткелі тұрған ойын-шараның мақсатымен таныстырып, балалардан осы ойын-шараға жақсылап белсенділікпен қатысуларын өтіну.
Жүргізуші: Бүгінгі сайысымызға «Гүлдер» ІІ кішілер тобының балалары қатысқалы отыр.
Балалар бүгін біздер Норвегия, Африка, Ресей және Қазақстанның ұлттық ойындарын ойнаймыз.
Сайысымызды бастамас бұрын алдымен денемізді қыздыру жаттығуларын жасап алайық.
Денемізді қыздырып болсақ сайысымызды бастайық.
1. Норвегияның ұлттық «Ау» ойыны
Барысы: екі ойыншы бір-бірінің қолдарынан ұстап, аулармен балық болып жүрген басқа балаларды аулайды. Қуып жетіп, екі балықшы шеңбер жасап, бір-бірінің қолдарынан ұстап алады. Содан кейін «балықтарды» үшеулеп ұстайды. Әрбір ауға түскен «балық» аудың бір бөлігіне айналады.
2. Африка ойыны «Су тасығыш»
Барысы: балалар екі топқа бөлініп, төбелеріне допты қойып жүгіріп кедергілер арасымен өтіп межеге дейін барып кері қайтады. Тапсырманы бірінші болып аяқтаған топ жеңімпаз атанады.
3. Орыстардың ұлттық ойыны «Никонориха»
Барысы: балалар қолдарынан ұстай шеңбермен айналады, өлең айтады.
Қаздарды жайған Никонориха,
Ешкіні кіргізіп алды бақшаға.
Алай-бұлай қуып ешкіні,
Ашуланды Никонориха.
Содан кейін П Чайковскийдің «Камаринская» әуенімен балалар шеңберді топ-топ болып кішірейтіп, кеңейтеді (2-рет). Әуен 1 мин ойналғаннан кейін шашырап кетеді. Әуен аяқталғанда кимылмен былай деп айтады.
Тезірек жұбыңды таппасаң,
Сақалды ешкі болып қаласың!
Шапалақтап сұқ саусақтарын басына қойяп (мүйіз жасайды), бастарын шайқайды. Содан соң тез жұбын табуға тырысады. Жұпсыз қалған бала би билейді.
4. Қазақтың ұлттық ойыны «Ақ серек-көк серек»
Шарты: Ойыншылар 2 үлкен топқа бөлінеді. Ойыншылар саны шектеусіз. Аралары алшақ болып бір-біріне қарама-қарсы, бір-бірінің қолдарынан ұстап тұрады. 1-ші топ «Ақ серек-көк серек, бізден сізге кім керек»-деп өздерінің қарсылық топтарына сұрақ қояды. Ал 2-ші топ керек кісінің атын айтып, оны өздеріне алып қалуы үшін қолдарын мықтап ұстап тұрады. Сол кезде бірінші топ сұраған кісіні жібермес бұрын оған кімнің ортасынан кесіп өтетіне өз ойларын қосады, ал жаңағы таңдалған кісі қарсы топтағы тыңдалған екі адамның араларын үзуге ұмтылады. егер араларын үзе алса, екеуінің бірін таңдап өз тобына қосады, ал егер үзе алмаса, қарсы топқа қалады.
Қорытынды сөз: жақсы ойнаған балаларды мадақтау.
№44 «Мерей» бөбекжайында «Біз тату доспыз»
тақырыбында кіші топтарында өткізілген іс-шараның хаттамасы
Қатысқандар:
1.МКҚК №44 «Мерей» бөбекжайының директоры - А.М. Исказиева
2. МКҚК №44 «Мерей»бөбекжайының әдіскері – Ж.А.Хайырова
3. №44 «Мерей» бөбекжайының ортаңғы тобтарының тәрбиеленушілері мен тәрбиешілері және музыка жетекшілері.
Күн тәртібінде:
«Біз тату доспыз» ойын -шара
Мақсаты: Балаларды салауатты өмір салты ұстануға үйрету. Әр халықтардың ұлттық ойындарымен таныса білді жіне ойнай білуге тәрбиеленді.
МКҚК №44 «Мерей» бөбекжайының директоры- А.М. Исказиева:
-Бүгінгі кіші топтар арасында өткен ойын шараның тақырыбы «Біз тату доспыз» атты ойын шара өткізілді. Балалар ойын шараны қайталады. Ойын шарада әр ұлттардың ойындары ойналып, балалар қызығушылықпен қатысты.
Іс-шараның шешімі:
Балалар «Біз тату доспыз » атты ойын - шарасына байланысты билер биленді.
№ 44 «Мерей» бөбекжай директоры: А.М.Исказиева
Хатшы: Г.А.Айткалиева
