Біз не үйрендік?

Сабақтың тақырыбы: «Біз не үйрендік?»

Сабақтың мақсаты:

білімділік – балалардың жыл бойы алған білімдерін тиянақтау, берілген тапсырманы дұрыс орындай білуге үйрету;

дамытушылық – ойындар арқылы логикалық ойлау, есте сақтау қабілеттерін дамыту;

тәрбиелік – адамгершілікке, достыққа тәрбиелеу.

Әдіс- тәсілдер: сұрақ-жауап, ойын.

көрнекілік: Power point таныстырылымы, суреттер, үлестірмелі материалдар.

Пәнаралық байланыс: математика, тіл дамыту, сауат ашу.

Сабақтың барысы:

• Балалар бүгін ерекше күн, бізге қонақтар келіп отыр. Қане, амандасайық.

• Сәлеметсіздер ме!

• Енді бізге нұрын шашып тұрған күнмен амандасайық.

Арайлап атты күн бүгін

Шашып бізге шапағын.

Тілейміз сізге ақ таңның

Қуанышын, шаттығын.

Қайырлы күн, қайырлы күн,

Қуанышты күн бүгін!

• Балалар, қазір жылдың қай мезгілі?

• Көктем мезгілінде неше ай бар?

• Көктем мезгілінде табиғатта қандай өзгерістер болады?

• Балалар, көктем туралы тақпақ білесіңдер ме?

Көктем, кқктем, көктемде,

Құстар келіп жеткенде,

Қуанып бір қаламыз

Әнмен қарсы аламыз.

Көктем келді бүгін

Күнім төкті нұрын

Сайрап барлық құстар,

Ән салуға құштар.

Түрлі- түсті әйбат,

Гүлдер шықты жайнап,

Қызыл – жасыл аймақ

Қырға шықты ойнап.

• Балалар, мына сандық ашылу үшін бізге сиқырлы сөздер керек. Қане, бәріміз бірге айтайық:

Ашыл сандығым, ашыл,

Ішінен білім шашыл!

1 тапсырма: «Санайық, санамақты айтайық». 1- ден 10-ға және 1-ден 20-ға дейін тура және кері санау.

Бір- білім ал,

Екі – ерлік көрсет,

Үш – үлгі тұт,

Төрт – тәртіп керек,

Бес – бестік баға ал,

Алты – алғыс ал,

Жеті – жеңіс біздікі,

Сегіз – сенім керек,

Тоғыз – тоқу керек,

Он- оқу керек.

Логикалық есептер:

Көлден ұшты жеті қаз,

Қайтып қонды екі қаз.

Қонбады оның нешеуі

Қане, кім тез шешеді? (Бес)

Тал басында

тізіліп,

Он жапырақ тұр еді.

жел соқты да

үзіліп

Ұшып кетті біреуі.

Ізінше оның

жұлынып

Түсті тағы бесеуі.

Тұр әлі де ілініп,

Жапырақтың нешеуі? (төрт)

шыл

2 тапсырма: Буындардан сөз құра.

ла

ын

ОЙ

лан

на

мақ

3 тапсырма: Үй жануарларын атап, пайдасы туралы айту.

Балалар төлдер туралы тақпақтар айтады.

Айналайын қозым

Малда жуас бозым.

Өрісте жүр енең

Дей бермеші емем.

Ұзап шық та үйден,

Оттығуды үйрен.

Көтерілсең бетке

Тойынарсың көкке.

Жалт-жұлт етіп лақ,

Жағалайсың бұлақ.

Секірем деп бірақ

Қала көрме құлап.

Құлақ деген – шұнақ

Көзің жанған шырақ

Түгің бейне құрақ

Тұрсың маған ұнап.

Дидактикалық ойын: «Ненің төлі?» (Суреттерін тақтаға қояды).

4 тапсырма: Жұмбақтар шешу

Кезікті бір жануар

Үстінде екі тауы бар. (түйе)

Қабат-қабат қаттама

Ақылың болса аттама. (кітап)

5 тапсырма: Мақал- мәтелдер

1. Отан оттан да ыстық.

2. Отансыз адам-

Ормансыз бұлбұл.

1. Білім таппай мақтанба,

Өнер таппай баптанба.

Қорытынды: Ән айту.