Жаңа жыл мерекесіне арналған ертеңгіліктің сценариі

Жаңа жыл мерекесіне арналған ертеңгілік сценариі. Бұл сценарийде мектепалды даярлық топтарына арналған қызықты ән, би, тақпақ, ойындар кірістірілген.

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«Жаңа жыл мерекесіне арналған ертеңгіліктің сценариі»

/Балалар музыкамен кіреді. Шеңберге тұрып /поппури/ би қимылдарын жасайды./

Жүргізуші: Келді, міне, Жаңа Жыл ортамызға,

Құт-береке әкелсін баршаңызға.
Аңсаған арманыңыз орындалып,

Өміріңіз бақыт пен толсын нұрға.

Жаңа Жыл сіздер үшін зор жетістіктерге қол жететін, ой-мақсаттар жүзеге асатын, арман- үміттер ақталатын жыл болсын. Сіздерге зор денсаулық, молшылық пен бақыт тілеймін.
/Балалар отырады, жай музыка ойналып тұрады/

Жүргізуші: Балалар, Жаңа жыл мерекесі сендерге ұнай ма?

Балалар: Иә.

Жүргізуші: Әрине, бұл мереке бәрімізге ұнайды, өйткені бұл күні ғажайып ертегі әлеміне еніп кетесің.

/Музыка жаймен ойнап тұрады. Зал іші жарық сөнген, кішкене жарық түседі.

«Аяз» ертегісінен үзінді. Кемпір, шал, өгей қызы, өз қызы.

Өз қызы ерке, ұйықтап жатады. Кемпір оны ұйықтатып, шайқап отырады./

Кемпір шалға: Ана қызды тербет, оянып кетпесін. Сенің қызың не істеп жатыр екен, қарап келейін. /Қызға келсе, тоқу тоқып отырады./

Кемпір: Не істеп жатырсың?

Қыз: Сіңліме жылы шұлық тоқып отырмын.

Кемпір: Далаға шығып тоқы, қызды оятасың. Ол күні бойы ұйықтады, қазір оянып кетсе, тағы ұйықтамайды. /қызды далаға шығарып жібереді/

Шал: Менің қызымды далаға шығарып жібергенің не, тоңады ғой.

Кемпір: Ештеңе етпейді, өзім де сол сенің қызыңнан құтыла алмай отырмын.

/Ерке қыз ұйқыдан оянады. Шешесін шақырады/

Ерке қыз: Анашым, мен бір керемет түс көрдім. Қыста қолға түспейтін, еш жерде өспейтін....

Анасы: А, ақша ма?

Қызы: Ақшадан басқа ештеңе ойламайсыз.

Кемпір: Қазір, шалдың қызынан сұрайық.

Қыста қолға түспейтін,

Еш жерде өспейтін не?

Өгей қыз: Ол бәйшешек гүлі болуы мүмкін.

Ерке қыз: А-а-а ия, сол гүл керек маған.

Кемпір: Сен орманға бар да, сол гүлді теріп әкел.

Қыз: Бірақ олар көктемде ғана өседі.

Кемпір: Қалай тапсаң олай тап, әкел деген соң әкел.

/Қыз орманға жылап келе жатады. Осы кезде жылдың 4 мезгілі отын жағып жылынып отырады./

Қыс: Неге жылап келесің, біз жылдың 4 мезгілі боламыз, кел біздің қасымызға отырып, жылынып ал.

/Қыз қастарына отырып, неге жылағанын айтады/

Қыс: Жылама, біз саған көмектесеміз.

Қыз: Жаз мезгілі, сенің қандай көмегің бар?

Жаз: Құлпырып өсер жауқазын,

Балалар қуар көбелек.

Болады ыстық бұл кезде,

Өспейді жазда бәйшешек.

Көмекті күзден сұрарсың...

Күз: Жайқалып өсер бидайың,

Қамбаға толып жемісің.

Салқын болар бұл мезгіл,

Бәйшешек сүйер күн көзін.

Көмекті қыстан сұрарсың...

Қыс: Ысқыртып аяз, бораймын,

Әнге бөлеп маңайды.

Аппақ қарға ораймын.

Мұз жамылтып даланы.

/Қыс мезгілі таяғымен сермегенде, музыка ойнап, қыздар қар биін билейді/

Би: «Қар»

Көктем: Мен көктеммін, құлпырған,

Жаңа атқан таңдаймын.

Қарды ерітіп жылғадан,

Су ағызған әрдайым.

Бүршік жарар ағаштар,

Құстар әнін салады.

Еріген қар астынан,

Бәйшешек бүр жарады.

Би: «Бәйшешек»

/Қыздар би соңында гүлдерді теріп, себетке салып береді. Қыз рахметін айтып, шығып кетеді/

Ән: «Жаңа жыл»

Ерке қыз: Анашым, маған Аяз ата қандай сыйлық береді екен-а? Осы үнемі ана шалдың қызына керемет сыйлықтар береді. Өйткені ол еңбекқор, әдемі деп барлық сыйлықты соған беріп жібереді.

Шешесі: Сен бәрінен де әдемісің, қорықпа қызым, осы жолы сыйлықтың барлығын саған беретін болады.

Қызы: Қалай?

Шешесі: Әй, шал, мында кел. Ана қызды орманға апарып таста, Жаңа жыл мерекесінде менің қызымнан әдемі қыз болмауы керек.

Шал: Ол......

Кемпір: Апар деген соң апар. Ал біз қызымыз екеуміз әдемі көйлектерімізді киіп, Жаңа жыл мерекесіне дайындаламыз.

/Қыз бен кемпір бәйшешекті иіскеп, сөйлесіп отырады/

Қыз бен кемпір: Жүр екеуіміз әдемі киімдерімізді киіп Жаңа жылға дайындалайық.

/Екеуі шығып кетеді/

Шал: /Қызын орманға апарады/ Қызым, тоңып қалма. Жаман кемпірдің сөзін көңіліңе алма. Жарай ма?

/Қыз шыршаның түбінде тоңып отырады. Аяз ата келіп, одан сұрайды/

Аяз ата: Қызым, тоңып қалған жоқсың ба?

Қыз: Жоқ.

Аяз ата: Қандай батыр қыз, мен саған риза болып тұрмын. Мынау менің саған сыйлығым, киіп ал. Менің көмекшім боласың.

Қыз: Рахмет ата!

/Аяз ата мен қыз балаларға келеді/

Аяз ата: Амансыңдар ма балалар!

Балалар: Сәлеметсіз бе, Аяз Ата!

Аяз ата: Қағып тұр Жаңа Жыл кеп есігіңді,
Болмайды той-думанның кеші мұңды.
Жаратқан түгел қылып берсін сенің,
Бақыт пен ырысыңды, несібеңді!

Балалардың тақпақтары:

1-бала: Қуанышпен келдіңіз бе, Жаңа жыл?!
Мен де саған арнайыншы жаңа жыр.
Есік ашық, дастарқаным жаюлы,
Қарсы алуға не керектің бәрі әзір.

2-бала: Жаңа жылда бақыт қандай, нұр қандай!
Бар әлемге салтанатын құрғандай.
Әрбір халық сөйлегенмен әр тілде,
Жаңа жылда бір тілек те туғандай.
3-бала: Қараңыздар, жаңа жылдың ақ таңын,
Тым ерекше гүл жайнайды бақтарым.
Жалғыз тілек: қазақ халқы өсе бер!
Сенің арқаң ел боп менің жатқаным.

Ән: «Новогодняя песня»

/Балалар жарты шеңбер болып тұрып айтады, ортасында Аяз ата билейді/

Аяз ата: Балалар, осы біздің қасымызда біреу жетіспей тұрған сияқты.

Жүргізуші: Оның кім екенін білу үшін, мен сендерге жұмбақ жасырайын.

Жұмбақ:

Шелек қалпақ басында,

Сәбіз екен танауы.

Қыста қардан туатын,

Тауып көрші сен оны.

Балалар: Аққала

Аяз ата: Дұрыс таптыңдар, жарайсыңдар!

/Әуен ойналып, Аққала келеді/

Аққала: Міне мен, міне мен.

Не керек сендерге менен?

Балалар, мені шақырдыңдар ма? Сендердің дауыстарыңды естіп келдім. Жаңа жылдарыңыз құтты болсын! Мен сендерге қызықты ойын әкелдім.

Ойын: «Аққала құрастыру»

Ойын шарты: Ойынға 4 бала шығады, екі бала жарысып, екі баланы аққала қылып киіндіреді.

Балалардың тақпақтары:

1-бала: Қар жауғанда топ бала,
Соқты келіп аққала.
Мұрны сәбіз, үп үшкір.
Көзі көмір, қап қара.
Көне шелек басында,
Сыпырғышы қолында.
Мұз айдынға ойнауға
Келгендей-ақ ол мұнда.

2-бала: Қандай қызық қыс деген?
Бәрін шебер істеген.
Бақша, бауды, тауды да,
Бояған ақ түспенен.
Қандай суық қыс деген?
Қалтырайды құс деген.
Құлақшынды кимесең,
Құлағыңды тістеген.

3-бала: Қыс дегенің аймақ па?
Қатып жатқан қаймақ па?
Құлдыраймыз шанамен,
Қыр басынан сай жаққа.
Біздің байтақ далада,
Асқар тауда, қалада.
Биыл ғажап іс болды,
Таңғажайып қыс болды.

4-бала: Жапалақтап аппақ қар,
Жауды күнде қайталап.
Қырға шықты балалар,
Шаңғыларын арқалап.
Жұлдыз болып ағамыз,
Ақ мамықтың үстімен.
Біз спортшы боламыз,
Үлгі аламыз күштіден.

Аққала: Менің кішкентай достарым қайда?

Би: «Аққала» /Ұлдар билейді/

Аққала: Өзіме арналған тақпақтар да, би де ұнады. Балалар, мен көп тұра берсем, еріп кетер-мін. Қош, сау болыңдар!

Балалардың орыс, ағылшын тілінде тақпақтары:

3 бала – орыс тілінде

3 бала – ағылшын тілінде

/Кыз бен кемпір кіреді/

Кемпірдің қызы: /қызды көріп/ Мынау әлгі шалдың қызы ма?

Аяз ата: Иа, сендер оны орманға неге қалдырып кеттіңдер? Адамға осылай қиянат жасауға бола ма?

Ерке қыз: Ол үнемі менен әдемі болып кетеді, сосын сыйлықтың барлығын соған береді.

Аяз ата: Жоқ, әңгіме сұлулықта емес, адамның жаны сұлу болу керек. Сендерге мерекеге қатысуға рұқсат жоқ.

Кемпір мен қыз: Біз әдейі дайындалып, балалармен ойын ойнасақ деп келіп едік.

Аяз ата: Балалар, бұл екеуіне кешірім береміз бе, ойын ойнағыларың келе ме?

Балалар: Иа.

/Кемпір мен қыз ойын ойнатады/

Ойын: «Көңілді маскарад»

Ойын шарты: Ойыншылар шеңберге тұрады. Қорапта әртүрлі киімдер, маскалар болады. Жүргізуші ішінен біреуін таңдап, ойыншыға береді, әуен тоқтағанша ойыншылар бір-біріне жалғайды, әуен тоқтаған кезде сол бұйымды киіп алады

Балалар тақпақтары:

1- бала: Бірге соғып бар әлемнің сағаттары,

Он екіні күтер қалмай тағаттары, -

Ғасырдың он екінші жылы келді,

Құстай ұшып, қырау шалған қанаттары!

2-бала: Құтты болсын жаңа жыл барша қауым,

Құтқа орансын кең байтақ дархан елім.

Қазақтың пейіліне тарту етсін,

Табиғат ашық аспан, таң шапағын!

3-бала: Құтты болсын жаңа жыл мерекеңіз,

Арта берсін жақсылық пен берекеңіз

Жаңа жылда жаңа бақыт, жаңа нұрға

Толы болсын әрдайым керегеңіз!

Ән: «Жаңа жыл» /Дәрібаевтар/

Жүргізуші: Осымен Жаңа жылға арналған ертеңгілігіміз аяқталды. Жаңа жылдарыңызбен! Құттықтау сөз кезегін бөбекжай директоры Мереке Меңдібайқызына береміз.
/ Аяз ата сыйлық таратады/