Тақырыбы: «Қысқа дайындық»

«Дән» балабақшасы

№2 педкеңеске ашық сабақ

Тақырыбы:

«Қысқа дайындық»

«Бөбек» сауықтандыру тобы

Дайындаған: Курманбаева А.Н.

Жақсы кенті

2017-2018 оқу жылы

Білім беру салалары: «Шығармашылық», «Әлеумет».

Ұйымдастырылған оқу іс-әрекетінің түрі: «Қоршаған ортамен таныстыру», «Сурет салу», «Жапсыру».

Тақырыбы: «Қысқа дайындық».

Мақсаты: сурет салу, жапсыру жұмыстары арқылы балалардың білімдерін нығайту, қиялдарын, ұсақ моторикаларын, қоршаған ортаға эстетикалық тәрбиелерін дамыту, эмоциялық сезімдерін тәрбиелеу, табиғатқа деген сүйіспеншілік сезімдерін ояту, ұжымда және топта жұмыс жасау ниеттерін нығайту.

Қажетті құрал-жабдықтар: күз мезгіліне слайд, екі себеттің суреттері, санырауқұлақтардың суреттері, желім, картоп, жапырақ, бояулар, сүлгі, ыдыстағы әр түрлі жармалар, бүрлер.

Сабақтың барысы:

Мотивациялық қозғаушы:

Балалармен бірге шеңберге тұрады, қимылдар мен жаттығуларды бірге орындайды.

Жылулық шеңбер:

Қуанамын мен де,

Қуанасың сен де,

Қуанайық достарым,

Жарқыраған күнге.

Ұйымдастыру-ізденушілік:

«Сұраққа жауап бер» ойыны.

Тәрбиеші балалардың әр қайсысына допты лақтырып, күз мезгіліне байланысты сұрақтарды қояды.

-Балалар бүгінгі сабағымызды ойын түрінде бастаймыз.

(Жауаптарына сай тақырыпты слайд көрсетіледі).

- Бұл ойында маған ақылды добым көмектеседі. Қанеки балалар шеңбер құрайықшы.

(Балалар қызыға қарайды).

-Қазір жылдың қай мезгілі?

Балалар: Қазір күз мезгілі.

-Күзде ауа райы қандай болады?

Балалар: Күзде салқын жел, жаңбыр жиі жауады, жер саз болады.

-Жаңбыр жауғанда немен қорғанамыз?

Балалар: Жаңбыр жауғанда қолшатырмен қорғанамыз.

-Күзде құстар қайда ұшып кетеді?

Балалар: Құстар жылы жаққа ұшып кетеді.

-Күзгі ағаштардың өзгерістері қандай болады?

Балалар: Күзгі ағаштардың жапырақтары қызыл, сары, қоңыр болып, жерге түсіп қалады.

-Жарайсыңдар, балалар, өте жақсы! Енді балалар орындықтарға отырыңдар.

(Балалар өз орындарына отырады).

Кірпі жылап келеді.

-Кірпі, кірпі саған не болды?

-Мен қысқа деген дайындығым жоқ?

-Балалар, кірпіге көмектесеміз бе, мына себеттерді толтыруға. Кірпі не жақсы көреді?

Балалар: саңырауқұлақтар, алма.

-Жақсы, жарайсыңдар. Кірпі сен отыра тұр, ал балалар саған қысқа себеттерді толтырып береді. Кәне, балалар, бірінші себетке саңырауқұлақтарды жапсырайық. Бірақ мен де саңырауқұлақтың екі түрі бар, олар жейтін және жемейтін, яғни қоңыр және қызыл түсті. Балалар, қандай саңырауқұлақты жеуге болмайды?

Балалар: Қызыл саңырауқұлақты.

-Сонда қоңыр түсті саңырауқұлақты жеуге болады екен. Ендеше себетке желіммен қоңыр саңырауқұлақтарды жапсырамыз.

(Балалар желімді саңырауқұлақтарға жағып, себетке жапсырады).

-Балалар себетке неше саңырауқұлақты жапсырдық?

Балалар: алты саңырауқұлақтарды жапсырдық.

-Жарайсыңдар балалар. Енді екінші себетке біз не саламыз?

Балалар: Алма саламыз.

-Жақсы жарайсыңдар балалар. Алманың суретін картоппен саламыз. Картопты бояуға батырып, себетке алманың суретін саламыз. Алма қандай түсті болады?

Балалар: Алма – қызыл, сары жасыл түсті болады.

-Жақсы жарайсыңдар балалар.

(Балалар қолдарына картопты алып, бояуға батырып, алманың суретін және оның жапырағын салады).

-Балалар, қанша алманың суретін салдық?

Балалар: Алты алма бар.

-Енді орнымызға отырамыз.

Гимнастикалық жаттығу.

-Балалар, кірпі қандай дыбысты шығарады?

Балалар: Пыш-пыш, пыш-пыш, пыш-пыш.

-Үстіндегі инелері қандай болады?

(Тәрбиеші балаларға екі қолының саусақтарын қосып, кірпінің инелеріндей ұқсатып, көрсетеді, балалар қайталайды).

-Балалар кірпі қалай жүреді?

(Балалар алақанына кірпінің қалай жүретінің көрсетеді).

-Балалар, сендер білесіңдер ме, кірпі бүрлерді де жақсы көреді екен. Мына үстелдің үстіндегі ыдыстардың ішінде әр түрлі жармалар бар, бұл жармаларда бүрлерді тығып қойған. Кәне, қолдарымызды ыдыстың ішіне батырып, бүрлерді тауып көрейік.

(Балалардың әр қайсысына жарма салынған ыдыстар дайындалған, бұл ыдыстарда бүрлерді іздейді, және оларды санап өтеді).

-Кірпі, біз саған мына себетке бүрлерді жинап бердік, енді жаз бойы қыс мезгіліне дайындалып жүр.

Кірпі: Рахмет сендерге балалар. Енді мен қысқа осылай дайындалып жүремін. Мен орманда бара жатқанда, бір себеттің ішінде тәтті кәмпиттерді тауып алдым, мен мұны жемеймін, сендерге берейін.

(Кірпі балаларға алғысын айтып, тауып алған тәттілерді балаларға таратады).

Балалар кірпімен қоштасады, рахметін айтады.

Рефлексиялық-коррекциялаушы:

-Балалар, сонымен бізге қонаққа кім келді?

Балалар: Кірпі.

-Біз бірінші себетке не жапсырдық?

Балалар: Қоңыр саңырауқұлақтарды.

-Екінші себетке ненің суретін салдық?

Балалар: Алманың суретін салдық.

-Ал, ыдыстарды не іздедік?

Балалар: Бүрлерді.

-Жақсы жарайсыңдар балалар. Сонымен сабақ аяқталды, рахмет сендерге, сау болыңыздар.

Күтілетін нәтижесі:

Білу: күздің ерекшеліктерін;

Игереді: бір тапсырманы әр түрлі әдіспен орындайды;

Қолдану: ұқыпты жұмыс істеуді меңгереді.