Рахмет саған- Аншамы!

Тақырыбы: «Рахмет саған-Анашым!» ертеңгілігі

Мақсаты: Балаларға халықаралық әйелдер мерекесі туралы түсінік беру. Мерекеге деген қызығушылығын арттыру, тақпақ, әндер үйрету. Шығармашылық, әртістік қабілетін дамыту. Сахнаға бейімдеу. Аналарды құрметтеуге, сыйлауға, қамқор болуға тәрбиелеу.

Жүргізуші:

-Құтты болсын аналардың мейрамы!

Жарқыраңдар, жаз күніндей жайдары!

Мерекесі бұл көктемнің алғашқы,

Бақыт берсін әр көктемнің айлары!

Құрметті аналар, ардақты әжелер, аяулы қыздар – шұғылалы көктемнің алғашқы мерекесі –

8-наурыз Халықаралық әйелдер күні мейрамымен шын жүректен құттықтаймыз. Көктемнің бар гүлі, көңілдің сазды үні тек сіздерге арналады. Отбасыларыңызға амандық, зор денсаулық, еңбектеріңізге жеміс тілейміз. «Рахмет саған-Анашым!» ертеңгілігін өткізгелі отырмыз. Олай болса, балаларымызды шақырайық.

/Балалар залға кіреді./

Жүргізуші: Ұл балалардың тақпақтарын тыңдайық.

Тақпақ:

1-бала:Той пердесін ашайық,

Тойға шашу шашайық.

Аналарды құрметтеп,

Ән маржанын ашайық.

2-бала:Сенен өскен балалар,

Батырлар мен даналар.

Құттықтаймыз мейраммен,

Құрметті аналар!

3-бала:Достықты біз ойлаймыз,

Бірге күліп ойнаймыз.

Қыздарды құттықтап,

Мерекесін тойлаймыз.

4-бала:Жанымызды жайнатқан,

Сіздерсіз ғой аналар.
Зор денсаулық, мол бақыт,
Тілейміз біз балалар.

5-бала:Үн қатасың бал тілмен,

Еркелеймін әр күн мен.

Құттықтаймын анашым,

Сегізінші наурызбен.

/Мыстан кемпір әндетіп залға кіреді/:Жаман қабын алып келіп, ортаға отырады. Ішінен киімдерін, шоқпыт-шоқпыт заттарын шығарып, «Мерекеге не кисем екен» - деп бір моншақ тауып тағып алады. «Қане, менің айнам қайда осы» - деп табаның астын сүртіп-сүртіп қарайды да түрінен шошып кетеді.«Маған қайдан сыйлық берсін, қартайып кетіппін, шашым мынау, аузымда тіс жоқ, мен бүгінгі мерекеге бармаймын» - деп ашуланады.

Жүргізуші:- Мыстан әже, еңсеңіз түспесін, сіз қайда бармақшы едіңіз?

Мыстан әже: -Бүгін менің достарым мені кешке мерекеге шақырған, ал мен дайын емеспін, көңіл-күйім түсіп кетті, қалай барамын енді?

Жүргізуші: -Мыстан әже, біз сізге мерекелік көңіл-күй сыйлаймыз.Бүгінгі мерекеге арнап, балалар өнер көрсетеді. Сіз де бізге көмектесіңіз, мереке көңілді өту үшін аздап сиқырыңызды пайдалансаңыз болады.

Мыстан: /Сыбырлап бірдеңелерді айтады/

Алдаркөсе келеді:

-Мен Алдармын, Алдармын,

Сақалымды талдармын.

Сақал түгіл мұрт та жоқ,

Мендей қулық жұртта жоқ.

А-а-ай, е-е-ей...

Мыстанды көріп, шошып кетеді.

Алдар: - Ой, Мыстан, қандай әдемі болып кеткенсіз.

Мыстан: - Ей Алдар, сен кімді алдағың келіп тұр? Өзің әдемі болып киініп алыпсың.

Алдар: - Мен «Алдаро Бренд» деген киім дүкенін аштым. Жоқ, Мыстан, шынымен де әдемі болып кетіпсіз. /Балаларға қарап, көзін қысады/ .Мыстан әже мерекеңізбен!

- Құрметті аналар, апалар, әжелер мерекелерің құтты болсын! Біздің жігіттер қайда?

Ой, бәрекелді келіңдер билейік!

Би: «Қазақ жігіттері»

Жүргізуші: - Қандай бала болмайық,

Анамызға балдаймыз.

Көтерейікші көңілін,

Ән салайық бәріміз.

Ән: Хор «Топ-топ балақан»

1.Біздер үйдің күніміз,

Біздер үйдің гүліміз.

Ата-анаға қуаныш,

Біздің тәтті үніміз.

Қайырмасы:

Топ-топ балақан,

Шапалақта алақан.

Мәпелеген анамыз,

Әке – біздің панамыз.

Кәмпит берсе біздерге,

Риза болып қаламыз.

2.Аман болсын анамыз,

Аман болсын панамыз,

Аман болса екеуі,

Жұлдыз болып жанамыз.

Қайырмасы:

Топ-топ балақан,

Шапалақта алақан.

Мәпелеген анамыз,

Әке – біздің панамыз.

Кәмпит берсе біздерге,

Риза болып қаламыз.

Жүргізуші: - Енді балаларымыздың тақпағын тыңдайық.

1-бала: Жарқын жүзді жан анам,

Сендей болсын бар адам.

Сендей болса бар адам,

Шаттық кетпес баладан.

2-бала: Бәрімізге анасың-

Біз үшін күн боп жанасың.
Құтты болсын мейрамың,

Құттықтаймын анашым!.

3-бала: Баланың да тірегі,

Дананың да тірегі.

Шаншымасын ешқашан,
Аналардың жүрегі.

4-бала: Ақ анашым, аппағым,

Өзің жайлы тақпағым.

Өзің жайлы әнім де,
Арнадым саған бәрін де.

5-бала: Ақ мамамды әрқашан,

Сағынамын, сыйлаймын.

Мейрам сайын мен оған,

Түрлі сыйлық сыйлаймын.

Мыстан: - Ей, Алдар, маған сыйлық әкелдің бе?

Алдаркөсе: - Әрине, ұмытып барады екенмін. Мынау менің дүкенімнен саған сыйлық.

/Әдемі көйлек сыйлайды. Содан кейін қоштасып шығып кетеді/

Мыстан қуанып, көйлекті үйіне апарып қояды.

Жүргізуші:- Ой, әже, сізге керемет сыйлық берді. Көйлегіңізді маған бересіз бе?

Мыстан: - Жоқ, мерекеге өзім киемін.

Жүргізуші:- Мыстан әже, сіз басыңызға әдемі бантик тағып алыпсыз.

Мыстан:- Иә, мен кішкентай кезімде анам үйде болмаған кезде, бантигімді әкем байлап беретін, ал қазіргі кезде әкелер бант байлауды біле ме?

Жүргізуші: -Онда оны тексеріп көрейік.

Мыстан: -Жарайды, ендеше менде бір қызықты ойын бар. Оған мен қыздарымыздың әкелерін шақырғым келіп тұр.

Ойын: «Бантик байлау»

Шарты:Жіптің бойына ілінген бантиктерді әкелер байлап жарысады. Ортаға кім бірінші болып жетсе, сол жеңімпаз.

Мыстан:/Айнаға қарап отырып/

-Көйлегім бар, туфлиім бар, енді маған әдемі болу үшін, косметика керек. /Сыбырлап сиқырлы сөздерін айтады/

/Көктем келеді/

Көктем:Мен көктеммін құлпырған,

Жаңа атқан таңдаймын.

Қарды ерітіп жылғадан,

Су ағызған әрдайым.

Бүршік жарар ағаштар,

Құстар әнін салады,

Еріген қар астынан

Гүлдер бүршік жарады

Би: «Көктемгі гүлдер» /Қыздар көктеммен бірге билейді/

Мыстан:- Ой, өзің қандай әдемісің. Мен де сен сияқты әдемі болғым келеді.

Көктем: - Әже, мен сізге әдемі болуға көмектесе аламын. Менің сізге керемет сыйлығым бар: Мынау әдемі хош иісті гүлдерден жасалған әтір, осының ішінде сіздің әдемі болуыңызға керек нәрселердің бәрі бар. /бояуларды береді/

Мыстан:- «Ой рахмет» - /деп, үйіне кіріп кетіп, киінеді/

Жүргізуші:- Бесік жырың ғұмырымды күй қылған,

Есіл нұрың ойыма ақыл құйдырған.

Асыл ана, құтты болсын мерекең,

Құшағына күллі әлемді сыйдырған – дей келе, Көктем ару балаларымыздың тақпағын қабыл алыңыз!

1-бала: Ана – біздің күніміз,

Ананың біз гүліміз.

Балаларды қуантып,

Ұзақ өмір сүріңіз.

2-бала: Әлпештеген, аялаған,

Ақ сүт берген апатайым.

Сәлем жазып бүгін саған,

Мейрамыңмен құттықтаймын.

3-бала: Аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз.

4-бала: Таусылмайды өлеңі,

Күнде айтып береді.

Барған сайын бір жаққа,

Кәмпит алып келеді.

Әжем мені өйткені,

Өте жақсы көреді.

5-бала: Немересін жанындай,

Әжем жақсы көреді.

Қонаққа барса ұмытпай,

Кәмпит әкеп береді.

Жүргізуші:-Мейірімді әжеміз,

Оларға біз балдаймыз,

Ендігі ән кезегін,

Әжемізге арнаймыз.- дегендей балаларымыздың «Қошақаным» әнін қабыл алыңыздар.

Хор: «Ақ Мама»

1. Еркелетсе күлімдейтін

Ұрсқаны білінбейтін ,

Маңдайымнан сыйпап менің .

Құлыншағым ,күнім дейтін.

Қайырмасы:

Ақ мама, ақ мама

Құлыншағым күнім дейтін.

1. Әлемдегі ақылды адам.

Бәрінен сол жақын маған,

Анам болса әркез қасымда.

Батырларша батылданам.

Қайырмасы:

Ақ мама, ақ мама

Батырларша батылданам.

Мыстан:- «Мен мерекеге дайынмын»- деп шығады.

Жүргізуші: - Ой, Мыстан әже, қандай әдемі болып кеткенсіз.

Мыстан:- Ой, рахмет сіздерге балалар! Көктем аруы, мен кеш қалып қоярмын кетейін.

/Мыстан шығып кетеді/

Көктем: - Аяулы аналар, мерекелеріңіз құтты болсын! Мен осы балаларымызды бір сыннан өткізсем деп ойлап тұрмын.

Ойын: «Шапшаң аспазшы»

Шарты: Балалар екі қатарға тұрып жарысады. Құймақты /блины/ бір жақтан екінші жаққа тасиды. Қай топ көп тасыса, сол жеңімпаз.

Би: «Шөжелерім» /Қыздар шөжелер биін билейді/

Жүргізуші:- Көктем келсе табиғат құлпырады,

Жүректерге ғажайып сыр тұнады.
Гүлге толып айнала, күн жарқырап,
Жанарларда қуаныш нұр тұрады.

Жүргізуші:- Осымен «Рахмет саған –Анашым! » атты ертеңгілігіміз аяқталды. Көріп тамашалағаныңызға көп рахмет.

Ақтау қаласы әкімдігінің білім бөлімінің «№35 «Балдырған» бөбекжайы»

мемлекеттік коммуналдық қазыналық кәсіпорны

«Бекітемін» «Бекітемін»

Ақтау қалалық білім №35 «Балдырған» бөбекжайының директоры

беруді дамыту орталығының _________________М.М Кабдрахманова

әдіскері______________________ « » 2019 жыл

« » 2019 жыл

«Рахмет саған-Анашым!»

/ атты 8-наурыз аналар мерекесіне арналған ертеңгілік сценариі /

Дайындаған:№ 3 II топ тәрбиешісі

Таңбаева А.Е

Өткізген: :№ 3 II топ тәрбиешісі

Таңбаева А.Е

Ақтау қаласы

2018-2019 оқу жылы

Ақтау қаласы әкімдігінің білім бөлімінің «№35 «Балдырған» бөбекжайы»

мемлекеттік коммуналдық қазыналық кәсіпорны

«Бекітемін»

№35 «Балдырған» бөбекжайының директоры

_________________М.М Кабдрахманова

« » 2019 жыл

«Рахмет саған-Анашым!»

/ атты 8-наурыз аналар мерекесіне арналған ертеңгілік сценариі /

Дайындаған:№ 2 II кіші топ тәрбиешісі

Кощанова А.У

Өткізген: № 2 II кіші топ тәрбиешісі

Кощанова А.У

Ақтау қаласы

2018-2019 оқу жылы

Ақтау қаласы әкімдігінің білім бөлімінің «№35 «Балдырған» бөбекжайы»

мемлекеттік коммуналдық қазыналық кәсіпорны

«Бекітемін»

№35 «Балдырған» бөбекжайының директоры

_________________М.М Кабдрахманова

« » 2019 жыл

«Рахмет саған-Анашым!»

/ атты 8-наурыз аналар мерекесіне арналған ертеңгілік сценариі /

Дайындаған:№ 1 II кіші топ тәрбиешісі

Қайырбай А.Б

Өткізген: № 1 II кіші топ тәрбиешісі

Қайырбай А.Б

Ақтау қаласы

2018-2019 оқу жылы