Прощаемся с подготовительной группой, мы в школу пойдем!

«Жезкент кентінің мектеп - лицейі» КММ

Тәрбие сағаты

Тақырыбы:

«Даярлық топпен қоштасып,

Біз мектепке барамыз!»

0 «Ә» сынып

Мектепалды даярлық тобының

жетекшісі: Беркимбаева А.З

2015 жыл

Тақырыбы: Даярлық топпен қоштасып,

Біз мектепке барамыз!

Мақсаты Балаларды мектепалды даярлық тобынан шығарып сала отырып, оқу-білімге деген қызығушылықтарын оятып, Отанын, елін, жерін, құрметтеуге баулып, адамгершілікке,сыйластыққа тәрбиелеу.

Әдісі: Ертеңгілік.

Барысы: І Ұйымдастыру кезеңі.

ІІ Кіріспе сөз. (Музыка ойналып тұрады. )

- Құрметті ата-аналар, ұстаздар, қонақтар! Бір жыл бойы мектепалды даярлық тобында тәрбиеленіп, білім нәрімен сусындап, оң, солын танып, білім жолына қадам басқалы отырған бүлдіршіндеріміздің даярлық топпен қоштасу ертеңгілігіне қош келдіңіздер. Бүлдіршіндерімізге сәт-сапар тілей отырып, «Даярлық топпен қоштасып, біз мектепке барамыз !» атты ертеңгілігімізді бастауға рұқсат етіңіздер.

Өтті қызық көп күндер,

Алты жасқа жеттіңдер.

Барасыңдар мектепке,

Бір белестен өттіңдер.

Олай болса, даярлық топпен қоштасқалы отырған бүлдіршіндерімізді ортаға шақырайық.

Тәрбиеші:

Өсті міне бойларың

Өсті ақыл-ойларың

Қуанышқа ортақпын,

Құтты болсын тойларың!

ҚР Гимні айтылады «хор»

Айналайын, балалар,

Алда мектеп- ана бар.

Өздеріңнен өседі,

Өнерпаздар, даналар

Дильназ:

Қуан, шаттан алақай,

Қуанатын күн бүгін.

Бұл қуаныш себебін,

Бізге қарап ұғарсың,

Ер жетті деп бөбегім,

Ата-анамыз қуансын.

Кәусар:

Ойыншықты жинаймыз,

Бөбектерге сыйлаймыз.

Өнер-білім үйреткен,

Өзіңізді қимаймыз.

Мариям:

Құшағыңда жарқылдап,

Өтті сәби күндерім.

Би биледім, ән тыңдап

Алаңдауды білмедім.

Дамир:

Енді мен үлкен боламын,

Анамның тілін аламын.

Ұстаздың барлық айтқанын,

Миыма құйып аламын.

(Есік қағылып , «5»-тік баға кіреді.)

- Сәлеметсіңдер ме,балалар! Мені сендерге «Білім ханшайымы» балалардың мектепке барардағы білімдерін тексер,- деп жіберді. Менің қолымда «Білім ханшайымының» беріп жіберген, бірнеше тапсырмалары бар. Осы тапсырмаларды оқып, орындауларыңды талап етемін. Мен сендердің берген жауаптарыңа қарап, мектепке даярлықтарыңды тексеремім.

І тапсырма Сұрақтарға жауап беру.

ІІ тапсырма Сауат ашу сабағынан

ІІІ тапсырма Өз өнерлеріңді көрсетіңдер.

ІҮ тапсырма Математика сабағынан.

І тапсырма

- Біз қай елде тұрамыз? Қазақстан туралы жаттаған өлеңдерің барма?

«Біздің Қазақстан», «Отан» .

- Біздің тұратын жеріміз қалай аталады?

- Мектебіміз қалай аталады?

- ҚР рәміздерін кімдер атап береді?

«Елтаңбасы елімнің» , «Қазақстанның байрағы»

- Неше жыл мезгілі бар?

- Табиғат нешеге бөлінеді?

- Тірі табиғатқа нелер жатады?

Ж а р а й с ы ң д а р б а л а л а р !

ІІ тапсырма

• Дыбыстар нешеге бөлінеді?

• Дауысты дыбыстарды қандай текшемен белгілейміз?

• Дауыссыз дыбыстарды ше?

• Сөздерді буынға бөліп оқып бер. (Бо-та, қа-ла, да-ла)

• Жаңылтпаштар кім айтады?

(Әдептілік-әдемілік)

• Тура және кері санап бер.

ІII тапсырма

(Өнерлеріңді тамашалайық)

Талай қызық той өткіздік,

Бірақ орны ерекше.

Даярлықпен қоштасатын,

Бүгінгі той ерекше.

ХОР: «Мектебім аяулы, мектебім!»

Шырын:

Нағыз білім ырыс бақ,

Дүниені тұр ұстап,

Енді біздер сабаққа,

Кірісеміз дұрыстап.

Аслан:

Тәрбие берген ұямыз,

Тәртіпті бала боламыз

Қоштасып даярлық топпенен

Біріншіге барамыз.

Ақерке:

Құшағыңда жарқылдап,

Өтті сәби күндерім,

Мектепке барам мен енді,

Даярлық топ қош енді.

ӘН: «Біз өмірдің-гүліміз!» орындайтын ұлдар тобы.

IV тапсырма: «Математика сабағынан»

Тәрбиеші:

Ретімен тізбелі,

Әрбір санды даралап.

Қайсың барсың бізге енді

Айтып берер санамақ.

(Санамақтар айтқызу)

1 саны-Нұрай

2 саны-Азамат

3саны-Аида

4саны-Сезім

5саны- Ислам 6саны- Адия

7саны- Расул 8саны-Диас 9саны- Ануар

1 – саны Нұрай

Мені келсе білгің

Мен таяқша бірмін

Барлық санға жол бастап

Ең басында тұрамын

2 саны- Азамат

Бірден кейін тұрағым

Бірден кейін тұрамын

Бірді-бірге қосқанда

Мен шығамын шырағым

3саны- Аида

Екіден соң арқашан

Үш санымен тұрамын

Орныма барамын

Екі айшық саламын

4саны- Сезім

Үш сызықтан аяғым

Оқушылар қояды

Төрт дегенің баяғы

Төрт түліктің аяғы

5саны-Ислам

Төрттен кейін бесті

Білу оңай десті

Санашы бір қолымның саусағын

6саны- Адия

Мен өзімді қатарға

Бестен кейін тұрамын

Басым бестен басталып

нөлмен бітер аяғым

7саны- Расул

Қара мына қызықты

Көсеуді ұмытты

Жазылғанда қос дөңгелек

Бел ортамнан сызықты

8саны - Диас

Менің атым сегіз

Жетіден соң десеңіз

Жеті болам бір тартсаң

Мен боламын сегіз

9саны-Ануар

Сегізден кейін тоғыз

Алтыны төбесінен тұрғыз

Сонда боламыз тоғыз

БИ « Чунга-ганга» орындайтын қыздар тобы

Алтынай:

Әліппеден әріп танып,

Алғаш рет оқимыз.

Тәрбиеден тәлім алып,

Санамызға тоқимыз.

Диас:

Ән салайық бас қоса

Даярлықпен қоштаса.

Қалам, дәптер, өшіргіш,

Кітаптармен қоштаса.

ӘН: « Балдырғандар» орындайтын ұлдар тобы.

Айым:

5 болсын алар бағамыз,

Білімнен бақыт табамыз.

Өнер-білім көп тоқып,

Өсе берсін санамыз.

Сая:

Қуанбаймыз неге біз,

Күліп күн де тұр асқақ.

Оқығалы келгенбіз,

Біз бірінші сыныпқа.

Бақтияр:

Мектеп қамқор анамыз,

Оқып, білім аламыз.

Өнерпаз боп өсетін,

Біз оқушы боламыз.

БИ: орындайтын - ҚЫЗДАР ТОБЫ

КӨРІНІС «Портфель»

Автор: О. Нұрасыл

Бала: Б.Нұрасыл

Әліппе: Аяжан

Дәптер: Балымай

Қалам: Сабина

Түрлі- түсті қарындаш : М.Ерасыл, Едіге , Ералы

Сурет дәптер: Мадина, Алихан

Күнделік: Абзал

Балназар:

Биыл күзде мектепке,

Біріншіге барамын.

Мақтанбаймын мен текке,

Дайын дәптер, қаламым.

ӘН : «Біз мектепке барамыз» орындайтын хор.

Арсен:

Шықтық бүгін алға енді,

Даярлық топ қош енді.

Қадам бастық есейіп,

Қызық өмір алда енді.

Аружан:

Ойыншықты жинаймыз,

Бөбектерге сыйлаймыз.

Өнер білім үйреткен,

Өзіңізді сыйлаймыз.

ӘН «Оыншықтар» орындайтындар қыздар тобы

Альбина:

Оқимыз, білім аламыз,

Болашақ жолын саламыз.

Даярлық топпен қоштасып,

Біз мектепке барамыз.

БИ: Вальс.

ХОР «Сәлем саған, мектебім!»

( Хормен барлық бала айтады.)

Еткен еңбек жемісі,

Ақталды деп санаңыз.

Білім, әлем көгіне,

Қанат қағып ұшамыз.

Балаларға алғыс хат тапсыру.

Сүйікті балғын бала шақ.

Сендердікі болашақ.

Озат болып оқыңдар,

Ойға білім тоқыңдар

( Балаларға алғыс хаттар тапсыру.)

Қорытынды

- Құрметті осы мерекеге жиналған ата-аналар! Бала біздің болашшағымыз, еліміздің ертеңі. Сол ертеңгі ел тізгінін ұстайтын ұрпағымызды тәрбиелеп, бойына ізгілік нұрын себу мына отырған сіздер мен біздердің міндетіміз.

Міне, бүгін біздер осы бүлдіршіндерімізі мектепке даярлап, шығарып салғалы отырмыз. Осы балаларға сәт сапар тілей отырып, ата –аналар сіздерден ақ бата сұраймыз.

Дильназ біздің ізденгіш

Талпынады биікке

Комьпютерді меңгерген

Нұрасылға кім тең келген?

Кәусар біздің жан-жақты

Білімді жыйды салмақты!

Спортта үздік үнемі

Тобымыздың бұл бір жүрегі

Дамир мен Бақтиярды кім біліпті?

Мынау біздің Мариям

Тұрған бойы наз-иба!

Ибалы, инабатты

Альбина мен Сезім біздің сыйға батты.

Балназар мен Сая

Бойына шаң жуытпайды,

Сабағында ұмытпайды.

Расул мен Арсен

Кіршіксіз пәк жүрегі

Көңілді әр кез жүреді.

Ануар мен Ислам

Сегіз қырлы, бір сырлы

Өнері бар сан түрлі.

Ақерке

Табиғатты сүйеді

Білімге бас иеді.

Аружан мен Нұрай

Берген өлең,тақпақты

Лезде жаттап алады

Тек жұлдызша алады.

Аслан

Математика десе

«ішкен асты жерге қояды»

Тек есепті тереді.

Айым

Сабағын жақсы меңгерген

Жақсылықты көп түйген.

Адия мен Аида

Топтағы әр баланы

Бауырындай көріп жүреді.

Диас және Азамат

Жетелеп жүріп түрлі арман

Білімімен шыңдалған!

Шырын

Білімге құштарлықпен бас ұрады,

Білгенін шыдамайды ақтарады.

Әр саладан білікті

Алтынайды кім біліпті?