Өлкемізге күз келді!

КМКҚ «Көкпекті-Толағайы» балабақшасы

Ертеңгілік

«А Л Т Ы Н К Ү З»

Кокенова А.Д.

Мақсаты: Күз жөнінде түсінік қалыптастыру, олардың орындарында рольдерде ойнау қабілеттерін дамыту, диалогты сөйлеуге дағдыландыру.

Көкөністердің адам денсаулығына тигізетін пайдасы туралы білімдерін жетілдіру. Кейіпкерлердің ерекшеліктерін бере білуге уйрету.

Дамытушылық: Балалардың өз бетінше ойлап, ізденуін дамыту, ой-қиялын, шығармашылық қабілетін шыңдау, әр кейіпкердің өзіндік ерекшелігін зерттеуге, сахналай білу шеберліктерін арттыру. Театрландырылған әрекеттерді бере білу қабілеттерін дамыту.

Тәрбиелік: Балаларды достыққа, адал болуға, мейірімділікке, қайырымдылыққа, жанашырлыққа баулып, қамқорлық қасиеттерін қалыптастыру, жақсыдан үйреніп, жаманнан жиренуге тәрбиелеу.

Технологиялық қамтамасыз ету: «Ертегілер» караоке, көкөністер өлеңі ,

ғажайып сандықша, сиқырлы таяқша, көкөністер салынған суреттер.

Жүру барысы:

Жүргізуші:

Қуандырып біздерді

Мерекелі күз келді.

Кел жемісті алтын күз,

Кемелденсін ел енді.

Сәлеметсіздер ме ,құрметті қонақтар! Балалар! Алтын күз мерекесіне қош келдіңіздер! Ел байлығын арттырған берекелі де, мерекелі күз мерекесі құтты болсын! Ендеше «Алтын күз» атты ертеңгілігімізді бастаймыз..

Балалар музыкалық әуенмен қолдарына жапырақ алып кіреді.

Балалар тақпақтары

Жаннұр: Армысыздар халайық,

Бармысыздар халайық.

Күзгі тойда жұп жазбай,

Келіңдер қарсы алайық.

Ернұр: Күздің қазан айында,

Алма, алмұрт піседі.

Жапырақтар сарғайып,

Сыбдыр-сыбдыр етеді.

Баян: Ән салайық күліңдер,

Жайнап гүлдей жүріңдер.

Күздің тойын тойлайық,

Би билейік ойнайық.

Нұрислам: Алтын, сары, қызыл көк,

Алуан, алуан жапырақ.

Күзгі бақта күлімдеп ,

Көз тартады атырап.

Расим: Тонкая березка

В золото одета.

Вот и появилась

осени примета

Айзия: Көбейді құт береке,

Астық толы қамбамыз.

Құтты болсын мереке,

Алтын күзді тойлаймыз.

Тәрбиеші: Балалар қазір жылдың қай мезгілі?

Балалар: Күз мезгілі.

Тәрбиеші: Дұрыс, күз мезгілінде неше ай бар? Осы күз мезгілінде қандай өзгерістер болады?

Балалар: Күзде күн суыта бастайды. Ағаштардың жапырақтары сарғайып

жерге түседі. Жаңбыр жиі жауады, күн қысқарып , түн ұзарады, үстімізге жылы

киімдерімізді кие бастаймыз. Егін жиналады.

Тәрбиеші: Балалар күз бізге не сыйлайды екен.

Балалар: Көкөністер мен жемістер, дәнді дақылдар сыйлайды екен.

Тәрбиеші: Балалар көкөністер қайда өседі?

Балалар: Бақшада.

Тәрбиеші: Балалар бір дыбыс естілетін сияқты, тыңдайықшы. Ой балалар

бізге ертегілер әлемінен сиқыршы қонаққа келіпті.

Сиқыршы: -Сәлеметсіздер ме балалар! Сендер ғажайыптарға сенесіңдер ме?

Сендер ертегілер әлемінің ғажайып бақшасына барғыларың келе ме? Ендеше

мен мына сиқырлы таяқшамнан сендерді ертегілер әлемінің ғажайып бақшасына апаруын сұрайын. Қане бәріміз көзімізді жұмайық. Сиқыршы қолындағы сиқырлы таяқшаны айналдырып: Бір, екі,үш бізді ертегілер әлемінің ғажайып

бақшасына жеткіз.

Караоке: «Ертегілер» әні жіберіледі.

Тәрбиеші: Міне балалар біз ертегілер әлемінің ғажайып бақшасына

да жеттік. Қандай тамаша. Ой мынау ертегідегі ғажайып күзгі сандық қой.

Ішінде не бар екен қарайын. Ашылмайды ғой.

Сиқыршы: Бірінші шартым, мен жұмбақ жасырам, сол жұмбақтың шешуін

табасыңдар. Келістікпе?

Тәрбиеші: Жарайды.

Сиқыршы жұмбақтар жасырады.

1.Үстіне тігіп көк шатыр,

Астында қызғылт дәу жатыр. (Қызылша)

2.Әрі қызыл, әрі тәтті,

Татқан жанды таңырқатты. (Алма)

5.Сам алый, сахарный

Кафтан зеленый, бархатный. (Арбуз)

6. Что за скрип? Что за хруст?

Это что еще за куст?

Как же быть без хруста

Если я (капуста)

7.Сидит дед, в шубу одет,

Кто его раздевает, тот слезы проливает.(Лук)

Балалар жұмбақтың шешуін табады.

Сиқыршы: Балалар екінші шартым бар. Маған өлең айтып беріңдерші.

Балалар: «Жау жаңбыр» әнін орындайды.

Сиқыршы: Өте жақсы балалар. Соңғы шартым маған би билеп беріңдер.

Балалар: «Көкөністер» биін орындайды.

Сиқыршы сандықты ашады.

Тәрбиеші: Алақай күзгі сандық ашылды. Ішінде не бар екен. Қандай тамаша сиқырлы бақшаның көкөністері бар екен. Қазір біздің балаларымыз «Көкөністер дауы» ертегісін сахналап береді.

«Көкөністер дауы» ертегісі.

Бақшашы: Өнім биыл тамаша! Көз тоймайды қараса: Сәбіз, картоп, кәдіш пен қып-қызыл піскен қызанақ, қырыққабатқа қарашы!

Тәрбиеші: Көкөністер бір кезде жиыла қалып дауласты.

Көкөністер: Жиналып калыппыз бәріміз,

Қайсымыз ең дәмдіміз?

Ішімізден адамға

Тиеді көп пайдамыз? (Жанболат)

Мақтаншақ бұршақ ортаға жүгіріп шықты.

Бұршақ: Кішкене түймедеймін мен

Ұнаймын мен бәріне

Дәмді тағамдармен

Сый жасаймын бәріне (Ақнұр Мерғазы)

Тәрбиеші: Ызаланған қызылша қып-қызыл болып кетті.

Қызылша: Дай сказать хоть слово мне,

Выслушай сначала?

Свеклу надо для борща

И для винегрета.

Кушай сам и угощай-

Лучше свеклы нету! (Амина)

Қырыққабат: Ты уж, свёкла, помолчи!

Из капусты варят щи!

Ах какие вкусные пирожки капустные!

Зайчики –плутишки, любят кочерыжки

Угощу ребяток, кочерыжкой сладкой. (Андре)

Қияр: Дәмім тілді үйірген

Мен тұздалған күйімде

Жаңа піскен кезімде

Жейді бәрі сүйсіне (Айзере)

Шалқан: Я-румяная редиска.

Поклонюсь вам низко-низко.

А хвалить себя зачем?

Я и так известна всем! (Анель)

Сәбіз: Кім бар сәбіз шырынын

Жастайынан ішпеген?

Мені жеген адамдар

Кем болмайды күшке де! (Аружан)

Қызанақ: Не болтай, морковка, вздор.

Помолчи немного!

Самый вкусный и приятный

Уж конечно, сок томатный! (Аруна)

Пияз: Боламын мен дәмдеуіш,

Барлық –барлық тағамға

Көкөністер ішінен

Мен пайдалы адамға. (Бибирыс)

Көкөністер: -Жиналып каппыз бәріміз,

Қайсымыз ең дәмдіміз?

Ішімізден адамға

Тиеді көп пайдамыз?

Тәрбиеші: Көкөністер бәрі де

Денсаулыққа пайдалы

Мұны жатқа біліңдер,

Оларды жақсы көріңдер.

Осы кезде әуен ойналады, Сиқыршы қоштасып кетеді.

Балалар: Қош бол Сиқыршы!

Жүргізуші: Күздің кереметі,байлығы өте көп. Күзде біздің дастарханымыз дәнді дақылдарға, көкөністерге, жеміс-жидектерге толы болады,бірақ осы байлыққа жету үшін көп еңбек ету керек. Міне балалар осымен «Алтын күз» атты ертеңгілігіміз аяқталды. Сіздерді күз мерекесімен құттықтаймын, әр отбасыға бақ-береке тілеймін.