Ертеңгілік: "Алтын күз"

№ 2 «Аққу» ортаңғы  тобының балаларына арналған күзгі мерекесінің сценарийі

Балалар музыкамен залға кіреді.Зал әсем безендірілген.

Жүргізуші:  Құттықтау сөзі.

Сәлеметсіздерме құрметті  қонақтар! Балалар! Алтын күз мерекесіне қош келдіңіздер! Ел байлығын арттырған берекелі де мерекелі күз мерекесі құтты болсын. Сары алтындай сары күз себетке толы жемісін, қамбаға толы егінін сыйлайды.               

Тілегім аман болсын ел іргесі,
Алтын күз қайта келді берекесі.
Молшылықтың жаршысы бола білді,
Алтын күз-ырыс, береке, бірлік ала келді дей отырып,  №2 «Аққу» ортаңғы тобының «Алтын күз» ертеңгілігімізді   бастаймыз.

Балалар көңіл-күйлеріңіз қалай?

Балалар біздер бүгін қандай мерекені тойлауға келдік. (Күз меркесін)  

Жетті желмен алтын күз

Жеміс жинау салтымыз                                 Алинұр

Жиып теріп болған соң

Той жасайды халқымыз.

Жаңбыр жауып басылды

Аспан шайдай ашылды                       К.Мадина

Көкте қызыл жасылды

Кемпірқосақ асылды.

Сау – сау етіп жапырақ

Сабағынан үзілді

Қоңыр тартып атырап                      Аянұр

Көкте құстар тізілді.

Олай болса,балалардың орындауында  «Күзгі  жапырақтар» әнін қабыл алыңыздар!

Қараңдаршы балалар!Бүгін біздің зал қандай әдемі!Жан-жақтан  залымызға түрлі түсті жапырақтар ұшып келді!Бүгін біздерге кім келеді қонаққа?

Балалар:Күз ханшайымы  келеді!

Жүргізуші: Дұрыс айтасыңдар ! Ендеше барлығымыз «Күз ханшайымын» қол соғып қошеметтеп қарсы алайық

(Әдемі музыка мен залға Күз ханшайымы кіреді.)

Күз;Сәлем өрең достарым!

        Өмірге көп қосқаным!

        Молайтыңдар шаттықты,

        Ән айтыңдар бақытты!

Амандасады. Сендердің дауыстарыңды,әдемі әндеріңізді естіп келдім.

Жүрг:Құрметті Күз ханшайымы! Біздің ортамызға қош келдіңіз! Біздің балалардың өнерлерін отырып  тамашалаңыз. Бүлдіршіндеріміздің  мерекеге                                                             арналған тақпақтарын  қабыл алыңыздар!

Құстар қайтты ән салып,

Бұлт шарлады аспанды,

Қыс келді деп жар салып,                 Арсен

Күзгі суық басталды

Біреуі астық түсіріп,

Біреуі бидай ушырып.                               Жұлдыз

Жатқан мезгіл күз екен,

Алдым соны түсіріп.

Берекесін сыйлауға,

Өлкемізге күз келді.

Жемістерін жинауға,                               Аягөз

Шақырады біздерді.

Қуандырып біздерді

Кел жемісті алтын күз

Өлкемізге күз келді                                         Томирис

Кемелденді халқымыз

Жүргізуші:

Күз ханшайымы біздің  биші балаларымыздың  «Кішкентай саңырауқұлақтар» биін қабыл алыңыздар ортаға ( Иса, К.Мадина, Томирис,Алинұр,Әділжан,С.Раяна)

Жүргізуші:Ендігі кезекті тақпақтарға береміз.

Жапырақ   ұшты                                      

Суық   түсті                                              

Сонда да  бізге                           Ерсін               

Қызық  көп  күзде               

Биыл  жаңбырлы  жаз  болды,

Ал, күзде қоймаға дән толды.

Көкөніс  жемісті жинап – ап,          С.Раяна

Елімде  көңілді  той  болды.

Бидай толды қырмаға,

Алтын таулар секілді.                             А.Раяна

Сап  сары боп тұрғанда,

Күз келді,сары күз келді.

Күз: Өте, тамаша!  Енді менде өзімнің кішкентай ханшайымдарыммен би билегім келіп тұр.

Күз ханшайымы  музыкамен қыздарға жапырақтар таратады.Қыздар Күзбен бірге «Жапырақтар» билейді.

Би: «Жапырақтар»
 Жүргізуші. Күз ханшайымы біздің қыздарымыздың биі ұнады ма?

Күз: - Әрине, қандай өнерлі балалар!

Жүргізуші: Тақпақтар

Алты – сары қызыл көк

Алуан – алуан жапырақ

Күзгі бақта күлімдеп               Иса

Көз тартады атырап

Дәнге толы қызыл қырман,

Қырман басы қызыл дұман.                       Еркежан

Мөлдіретіп  жүзімдерін,

Келді менің алтын күзім!

Ел  егінді  жинайды,

Қырмаға  дән  сыйлайды.

Біздің дала – бай дала,                           О.Мадина

Алтын  астық  айнала.

   Жаңбыр:

 (Музыка естіледі, залға әдемі музыка әуенімен жаңбыр кіреді)

Жүрг:Ой балалар, міне  Күзгі жаңбырда бізге қонаққа келді,қане қарсы алайық.Жаңбыр: Амандасады. Жаңбыр біздің бүлдіршіндеріміздің  сізге арнаған тақпақтарын  тамашалаң!

Алты – сары қызыл көк

Алуан – алуан жапырақ                       Ерасыл

Күзгі бақта күлімдеп

Көз тартады атырап

Қуандырып біздерді

Кел жемісті алтын күз                    Інжу

Өлкемізге күз келді

Кемелденді халқымыз

Ән салыңдар күліңдер

Жайнап гүлдей жүріңдер                   Амина

Күздің тойын тойлайық

Би билейік ойнайық.

Жаңбыр ;  тұрмайық,бірге көңілді ойнайық!

 Ойын: «Күн мен жанбыр»

  Жүргізуші:  Рахмет, сізге жаңбыр! Енді біздің балаларымыздың орындауында   сізге арнаған әнімізді қабыл алыңыз.

Хор: «Жаңбыр».

Балалардың тақпақтарына береміз.

Ой алақай тамаша

Шашу шашты жапырақ     Айназ

Бақтың іші алаша

Ануар ма еді жатып ап!

Күзім – ау күзім –ау.

Мінезін бұзық – ау.                Аружан

Жаңбырың сіркіреп,

Келгенің қызық – ау.

Қыс құнар береді.

Көктем дән себеді,               Әділжан

Жаз бастап өрісе,

Күз жинап береді

Жүргізуші: Жарайсыңдар, балалар, қонақтар! Ал, енді балаларымыздың    әндеріне береміз.

Хор: «Күз жомарт».

Күз: Рахмет, балалар, сендерге! Қандай тамаша, өнерлі балалар! Мерекеге өте жақсы дайындалған, енді мен өзімнің достарыммен кетуім керек. Сендерге әкелген сыйлықтарымды қабыл алыңыздар.

Осымен  бүгінгі  ертеңгілігімізді аяқтаймыз қош сау болыңыздар!