Мемлекетік рәміздер - ұлттық мақтаныш

Көбенсай орта мектебі

Тәрбие сағаты даярлық сыныбы

Сынып жетекшісі: Адильбаева Нургуль Алпысбаевна

Тәрбие сағаттың тақырыбы: Мемлекетттік рәміздер
Мақсаты:
1. Ой - өрісін, танымдық қабілетін жеке тұла ретінде дамыту
2. Оқушыларды адамгершілікке, отансүйгіштікке, мемлекеттік рәміздерді қастерлеуге тәрбиелеу.
3. Оқушыларға Қазақстан Республикасының рәміздері туралы мағлұмат беру.
Әдісі: Әңгімелеу, түсіндіру
Көрнекілігі: ҚР рәміздері, слайд
Жүрісі: Ұйымдастыру кезеңі:
Қазақстан Республикасының мемлекеттік әнұраны орындалады
Әнұраным – жан ұраным
Айтар әнім, сөйлер сөзім
Туған жерім сағынарым
Бақыт - бірлік күн талабы.
Тоқтамайды дабыр әні
Мәңгі бақи шырқалады
Республикам Әнұраны!
«Мемлекеттік рәміздер» атты тәрбиелік шарамызға қош келдіңіздер!
Мақтансаң мақтан елім деп,
Тани біл елдік таңбаңды.
Елтаңба, Туың, Гимн –
Шырқатты биік арманды.
Тәуелсіздікке тән белгі –
Қасиетті осы рәміздер.
Еліме рух, мән берді - демекші тәуелсіздігіміз тұғырлы болып, еліміздің символы – мемлекеттік рәміздерді қастерлеп құрметтеу бәріміздің міндетті парымыз болып саналады. Мемлекеттік рәміздер – еліміздің егемендігі мен тәуелсіздігін паш ететін нышандар.
Әр мемлекеттің өзінің белгілері бар. Балалар, сендер сүйікті Отанымыздың қасиетті белгілерін, рәміздерін білесіңдер ме? (балалар жауабы)
- Дұрыс, мемлекеттік рәміздері: елтаңба (герб), ту (флаг), әнұран (гимн) жатады. Осы рәміздер туралы жеке түсінік берейік..

Еңбіріншіден балалр мына суретте кімді көріп тұрсыңдар?

Дұрыс балалар ҚР‑дың Президенті Нұрсұлтан Әбішұлы Назарбаев

1990 жылдың сәуірінен – Қазақстан Республикасының Президенті.

1991 жылдың 1 желтоқсанында тұңғыш рет Қазақстан Президентінің жалпыхалықтық сайлауы өтті. Сайлау нәтижесінде Нұрсұлтан Әбішұлы Назарбаев басым дауыспен (98,7%) жеңіске жетті..
Тудың авторы – Шәкен Оңдасынұлы Ниязбеков белгілі монументші - суретші. Көгілдір түс бұлтсыз көк аспан барлық халықтарда әрқашан да бейбiтшiлiктiң, тыныштық пен жақсылықтың нышаны болған. Ол жер жүзінде әлемге нұрын шашқан Күн сәулесі

Тыныштық пен байлықтың белгісі, астында қияға қанат қаққан қыран - тыныштық пен баянды өмірдің белгісі, қыранның орын алуы тәуелсіздік алған Қазақстан қыран сияқты биікте болсын, қыран сияқты ғұмыры ұзақ болсын деген ойдан туған. ал ою - өрнек тудың қай елдікі екенін аңғартады.
Қазақ халқы сонау ерте заманнан бері қыранды киелі, қасиетті құс деп есептеген. .
Айнымайды аспаннан
Біздің тудың бояуы
Оны халық қашанда
Биікке іліп қояды.
Қатар шапқан қос тұлпар,
Ай астында қазақ үй
Қалықтаған жас сұңқар,
Шарықтаған таза күй.
Бұл таңбасы елімнің,
Елдігімнің белгісі.

Еңселі Елтаңба.
Мемлекеттік елтаңбаның авторлары танымал суретшілер:
Жандарбек Мәлібеков пен Шота - Аман Уәлиханов. Қазақта «Шаңырағың биік, керегең кең, босағаң берік болсын» деген тілек сөз бар. Елтаңба авторлары осы сөздерді басшылыққа алған. Қазақстан Республикасының Елтаңбасы көгілдір түстің үстіне салынған шаңырақ бейнесінен тұрады. Одан жан - жаққа күн сәулесі тәрізді уықтар тарайды. Шаңырақ пен уықтар біздің Отанымызда тыныштықта жарасымды өмір сүріп жатқан көптеген халықтардың бірлігін көрсетеді. Қазақстан Республикасының Елтаңбасының бір бөлігі ертедегі қанатты тұлпар. Елтаңбаның жоғарғы жағындағы бес бұрыш – бақытты өмірге жол сілтейтін жарық жұлдыздың белгісі. Төменгі жағындағы «Қазақстан» деген жазу республиканың атын көрсетеді. Бидай сабақтары – молшылықтың нышаны.
Барша халық таныған
Біздің үміт, тілекті.
Шырқалғанда әнұран
Шаттық кернер жүректі
Асқақтаған Әнұран.
Кез келген мемлекеттік рәміздердің ең маңыздысы – Әнұран. Әнұран мемлекеттің салтанатты әні. Ол халықты әйгілі етеді. Оның сөздерінде халықтың мыңдаған жылғы тарихы, бүгінгі өмірі мен келешек арманы айтылған. Әнұранды түрегеліп, жүректің тұсына қолдарын қойып айтады. Бұл өз мемлекетіңе деген құрметті көрсетеді. Халық өмір салтын бүгінгі тіршілігі мен келешек армандарын, мың жылғы тарихын осы әнге сыйғызған.
1986 жылы «Менің Қазақстаным» бостандық аңсаған қазақ жастарының бейресми әнұраны болған еді.
2006 жылғы 7 қаңтардағы Конституциялық заңға сәйкес ҚР - ның Мемлекеттік Әнұранының музыкалық редакциясы мен мәтіні жаңа редакцияда жазылды. Мемлекеттік Әнұранның авторы Шәмші Қалдаяқов, сөзін жазғандар Жұмекен Нәжімеденов, Нұрсұлтан Назарбаев. Алғашқы рет Қазақстан Республикасының Әнұраны ретінде «Менің Қазақстаным» әні 10 қаңтарда 2006 жылы, Елбасын ұлықтау рәсімінде орындалды. Бұл Әнұранның сөзі республикамыздың барлық халықтарының жүрегіне жақын, жұрттың бәрінің көңілінен шыққан, терең отаншылдық сезімдегі ән.
Балалар тақпақтары

Мансур:
Құлақ түрем елімнің тынысына ,
Мақтанам, қуанамын табысына ,
Елбасы мен халқымыз аман болса ,
Айналар Орта Азия « Барысына»
Тамирлан:
Өзіңдікі елің де ,
Өзіңдікі жеріңде.
Өзіңді өзің еткен бақ-
Тәуелсіздік төрінде .
Өзіңдікі туың да ,
От пен ауа суың да .
Жаса , Қазақстаным.
Белді бекем буын да .

Асқар тау да сенікі , 
Бақша бау да сенікі .
Қалтқысыз дос пенен
Қатал жау да сенікі .

Амирхан:
Елімнің аты , жерімнің аты –
Өзіңмен биік, Республикам !
Жақсының аты , ғалымның хаты 
Өзіңмен биік Республикам!

Білімді ұрпақ , білікті маман ,
Беделің сенің Республикам !
Болатын балаң , ары сау адам –
Мерейің сенің , Республикам!

Бәсеке деген оңай сын емес,
Ұшпасын бағың , Республикам!\
Қазақтың атын , қазақтың затын –
Тұмар ғып тағын , Республикам!

Қазақстан ! Туды алтын дәуірің ,
Алғандайсың жұлдыздардың жарығын.
Ұзақ болсын гүлденген бұл ғұмырың,
Тәуелсіздік құтты болсын айбыным ! 

Әуелі Отан – Ана алды , оттың басы ,
Ауыл алды аунаған шөптің қасы,
Сағынғанда тым ыстық көрінеді 
Жаста ойнаған үйшік қып сайдың тасы 

Отан дейміз от жаққан жерімізді ,
Отан дейміз өсірген елімізді .

Отан дейміз туған жер , атамекен,
Биік тау , орман , тоғай ,көлімізді .

Рахман:

Отан деген‑ атамекен

Отан деген‑ туған жер

Отан‑ана

Отан‑үлкен

Қазақстан туған ел

Әділет:

Отан – сенің ата‑анаң

Отан‑ досың бауырың

Отан‑ өлкең, Астанам

Отан‑ аудан ауылым

Тауды көрсең күн көзімен таласқан 
Аспан көрсең ай мен күнге жол ашқан .
Менің байтақ Республикам таулары ,
Менің көгім мөлдіреген сол аспан.

Дала көрсең көк желекпен ұштасқан .
Көлді көрсең секілді бір түнгі аспан .
Менің байтақ Республикам даласы ,
Менің көлім теңізбен қол ұштасқан .

Балалар біздің бас қаламыз қалай аталады? Дұрыс Астана

Астанады үлкен әдем ғимараттар ойын сауықтар көп соларғка тоқталайық

Балалар енді сабағымызды сөз жұмбақ арқылы қортындылайық:

1. Сөзжұмбақ

2. ҚР‑ның президенді.

3. Бас қаламыз.

4. ҚР‑дың рәмізі.

5. Президентіміздің жұмыс орны

6. ҚР‑дың рәмізі.

7. Астана қаласындағы ойын сауық ғимараты

Алдағы уақытта тәуелсіз еліміздің шаңырағынан күн сәулесі тарап, кең даласы нанға толып, көлдері көкке күмістер шашып, тілінің мәртебесі биік болсын! Сонымен келгенде, өзіміздің жерімізді, рәміздерімізді, Отанымызды құрметтеуге және патриоттық сезімімізді нығайта түсуге тырысайық! Туған жер киелі ұғымды әр қазақстандық құрмет тұтуға, оны қастерлеуге міндетті екенін ұмытпайық. Қазақстан рәміздері - елдігімнің белгісі,
Білу керек балаға дейін ең кіші.
Әнұран, көгілдер Ту, Елтаңбасы
Рәміздерді жатқа білсін ар кісі - дей келе мен өз сөзімді аяқтаймын, зейін қойып тыңдағандарыңызға көп рахмет!
«Ел ерімен мақтанар, жер кеңімен мақтанар» деген, елімізді қорғар ер - азаматтар, асыл ұрпақтар, тәрбиелі ұл - қыздар молая берсін.