«Көрікті көктем аруы» сайысы

Тақырыбы: «Көрікті көктем аруы» сайысы

Мақсаты:

Білімділік:   Қыз балалардың жан дүниесіндегі көркемдік талғамын қалыптастыру.

Дамытушылық: қыздардың шығармашылық қабілетін, эстетикалық талғамын, шеберлігін дамыту.

Тәрбиелілік: көпшілік алдында өзін-өзі ұстай білуге, әдептілікке, сұлулыққа тәрбиелеу.

Жүргізуші: Қайырлы күн, қадірлі қонақтар, ұстаздар! Ата- аналар,бүгінгі «Көрікті көктем аруы» атты қыз сыны байқауына қош келдіңіздер!

Қырмызы қызыл гүлсіңдер ме екен,
Бақытты іздеп жүрсіңдер ме екен?
Құлпырған қырда қызғалдақсыңдар,
Жұмбақ жансыңдар бір сыр бермеген.
Қызғалдақтарым, қарлығаштарым,
Жаза алмай жүрген жалын дастаным.
Жанартау болып жарылды кеудем,
Жүректің әлди әнін бастадым.

Қыздарға арнап жыр жазбаған ақын жоқ, ән шығармаған сазгер жоқ. Қызыл гүл, қарақат көз,қиғаш қас, алма мойын – бұлардың барлығы біздің әсем қыздарымызға айтылған теңеулер. Ендеше біз де өзіміздің қыздарға лайықты ықылас – ниетімізді білдіріп, осы байқауға қатысатын ару қыздарымызды ортаға шақырайық.

Мейіржан:

Уа. халайық, халайық,

Мұнда назар салайық.

Арулардың ортада,

Көзайымын қалайық.

Қайсы кұйшң, кім биші,

Талабына қарайық.

Кімдер зерек, кім тапқыр,

Таланттарды табайық.

Асқар анау аталар,

Салихалы әжелер.

Ұрпағың бұл тағы бір,

Бүгін ару атанар.

Уа, арулар, арулар

Ешкімнің жоқ алалар

Ару болу үлкен сын

Оны әділқазы бағалар.

(Музыка ырғағымен ұлдар аруларды ортаға алып шығады)

Жүргізуші:

Назгүл қыз өнерлі,

Бойға өнер жиған қыз.

Жанайым қыз білімді,

Меңгерген бар ілімді.

Жания қыз елгезек

Алады тез тілінді.

Адамдықты жаны сүйген қашаннан,

Аяжанда қатарынан қалмаған.

Найля алдында талай іс тұр,

Болашақта жандырар үміт отты.

Мың бұралған арулар аңдап басып,

Келді міне ортаға толқып - тасып.

Аруларын сыйлаған халқым менің,

Көңілді қошеметпен қарсы алайық.

Әділдікпен баға берер аруға,

Әділдікпен қара қылды жаруға.

Алқасын қазылардың біз сайлайық,

Ақ аруды талдап бүгін алуға –

Деп бүгінгі сайысымызға баға берер қазылар алқасын сайлайық.

Төрағасы: Балабақша меңгерушісі Бекова С.Б.

Мүшелері: Әдіскер Амиргалина А.Б.

Тәрбиеші Абенова Д.Т.

Медбике Алибаева Г.Т.

Баға: ең жоғарғы 5 бал, орташа 4 бал, төмен 3бал.

Бүгінгі бүлдіршін аруларымыз мына бөлім бойынша сынға түседі.

1. Өздерін таныстыру

2. Фото көрме (Үлкен плакатка )

3. Қазақтың ою-өрнегін жапсыру

4. Сұрақ – жауап

5. Үй тапсырмасы (аналармен бірігім жасаған тағам түрі)

6. Киім үлгісін көрсету.

Білім, ғылым, өнерге,

Қанат қағар кездерің.

Ата-салтын ертеңге,

Жеткізетін өздерің, - деп, сайысымыздың бірінші бөлімін бастаймыз.

1. Өзін – өзі таныстыру.

2. «Фото көрме»

3. Қазақтың ою – өрнегін жапсыру

Жүргізуші:

Ал, арулар сұраққа қалайсыздар?

Сендер өтер әлі де талай сын бар.

Тапсырма ал, сан қилы, сан – сауалдан,

Дұрыс жауап берсеңдер жарайсыңдар.

1. Жүннен жасалған бұйым (Киіз)

2. Сәндік бұйым жасайтын адам? (Зергер)

3. Бес парызға не жатады?

• Иман

• Намаз оқу

• Ораза ұстау

• Зекет, садақа беру

• Қажылыққа бару

1. Үш мақсатты ата?

• Жол мақсаты - жету.

• Дау мақсаты – біту.

• Сауда мақсаты – ұту.

1. Қонақ түрлерін білесіз бе?

• Арнайы қонақ

• Құдайы қонақ

• Қыдырма қонақ

• Қылқима қонақ

1. Үш арсызға не жатады?

• Ұйқы арсыз

• Күлкі арсыз

• Тамақ арсыз

Келесі сайысымыз «Үй тапсырмасы».

Жұргізуші:

Жүзден – жүйрік,

Мыңнан тұлпар

Демекші сайыстың соңғы бөліміне декеліп жеттік. «Киім үлгісін көрсету».

Жүргізуші:

Қос етекті қызздар қандай, сырғалы?

Бешпет киген жігіттерім тұлғалы.

Жібек пенен Баяндайын көрікті,

Сұлтандар –ай шекпен киген сырмалы.

Толған айдай толып тұрған кемелі,

«Қыз жібектей» арта берсін беделі.

Барша жұртқа үлгі болсын демекпіз

Қазағымның салт – дәстүрі, өнері.

Құттықтау сөз «Шуақты Шұғыла» балабақшасының меңгерушісі С.Б. Бековаға беріледі.

Әділ қазылардың қорытындысы.

Бүгінгі «Көрікті көктем аруы» атты сайысымыз осымен аяқталды. Назарларыңызға рахмет, қош сау болыңыздар.