Залды? ортасында?ы жасыл шырша алуан т?рлі ойыншы?тармен ?сем безендірілген. Орта??ы топты? балалары музыка ?уенімен ?ол ?стасып зал?а келеді. Шыршаны айналып ж?ріп ?н айтады.
Ж?ргізуші: ??рметті Ата-аналар, балалар, бала-ба?ша ?жымы. Сіздерді Жа?а Жыл мерекесімен ??тты?таймыз. Жа?а жыл! Жа?а к?н! Жа?а ?мір! Жа?а жыл ?рбір ша?ыра??а ??т береке, ырыс алып келсін! ?р?ашан той болсын.
Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Просмотр содержимого документа
«Кел жа?а жыл, жа?а жыл»
Жаңа жылдық мереке!
Залдың ортасындағы жасыл шырша алуан түрлі ойыншықтармен әсем безендірілген. Ортаңғы топтың балалары музыка әуенімен қол
ұстасып залға келеді. Шыршаны айналып жүріп ән айтады.
Жүргізуші: Құрметті Ата-аналар, балалар, бала-бақша ұжымы. Сіздерді Жаңа Жыл мерекесімен құттықтаймыз. Жаңа жыл! Жаңа күн! Жаңа өмір! Жаңа жыл әрбір шаңыраққа құт береке, ырыс алып келсін! Әрқашан той болсын.
Айару: Армысыңдар, халайық,
Бармысыңдар, халайық,
Жаңа жылды жұп жазбай,
Бірге қарсы алайық!
Мұхаммедәли: Жаңа жылды қарсы алып,
Жасаймыз біз жылда бір.
Жарқын жарқын ән салып,
Жалғасады жырға жыр.
Медина: Жылдың әнін бастайын, Аяз- Ата кеп қалды. Майысады жас қайың, Көтере алмай көп қарды.
Жүргізуші: Жаңа жыл таңы неткен арайлы,
Ақ мамыққа бөлеп алды маңайды.
Жаңа жылмен құттықтаймын деген үн,
Қанаттана кең алқапқа тарайды.
Жүргізуші: Балалар, қараңдаршы, қандай әсем көрікті шырша. Әдемі моншақтарын тағып алып, сіздерді күтуде. Қане көрікті шыршамызға арналған әнімізді айтайық.
Ән: Шыршаға бардық!
Жүргізуші: Әй, мынау ненің құйрығы?-деп қолымен тартады. (Шыршаның атынан біреудің құйрығы көрінеді.) Бір кезде тышқан шығады.
Жүргізуші: А-а,тышқан, сен екенсің ғой, білдім-білдім сен мына сандықты тесіп, ішіне кіргің келіп жүр ғой,солай ма?
Тышқан: Ия, кірейін деп едім, бірақ тісім өтпеді. Иісі мұрынды жарып барады.
Жүргізуші: Онда сыйлықтар бар, бірақ ол жабық, кілті де көрінбейді, мүмкін Аяз Атада болар.
Мысық: Ақшақар, біз жаңа тышқанмен бір кілтке таласып жүріп сол кілтті жоғалтып алдық. Мүмкін сол сандықтың кілті болар?
Ақшақар: Йә, ол менің кілтім ғой жоғалтып алған. Мысық, оны сендер қайда жоғалттыңдар?
Мысық: Біз орманда жүгіріп жүріп жоғалтып алдық.
Аяз Ата: Қамықпаңдар, балалар. Егер сендер маған өлең, тақпақ айтып, би билеп берсеңдер мен сендерге сандықты ашып беремін. Менің шанам сиқырлы. Егер сандықты сол шананың жанына қойсаң өзі ақ ашылып кетеді.
( Мысық, тышқан сандықты шананың қасына көтеріп алып шығып кетеді.)
Жүргізуші: Олай болса, Аяз ата, бірге балалардың тақпақтарын тыңдайық.
Айдана: Сақалы аппақ күмістей
Тістері аппақ күріштей
Қызыл ала шапаны
Сағындым аяз атаны.
Аружан: Безендіріп шыршаны,
Жыл қуантты баршаны.
Той - масқара басталды
Аяз Ата оны басқарды
Мадина: Жүзімізге күлкі ойнап
Қанаттанды жанымыз
Жаңа жылды бір тойлап
Шаттанамыз бәрімі
Малика: Келді тағы жаңа жыл
Қуантумен біздерді
Құтты болсын жаңа жыл
Құттықтаймыз сіздерді
Ән: Сәлеметсіз бе, Аяз Ата?!
Жүргізуші: Аяз Ата, біздің шыршамыздың шамы әлі жанған жоқ. Шыршамыздың шамын қалай жағуға болады?
Аяз Ата: Ой! Бәрекелді, жарайсыңдар балалар! Аталарыңды бір қуантып тастадыңдар! Сендер өте өнерлі балалар екенсіңдер, мен барып сандықты ашып сендерге сыйлық алып келейн. (Аяз ата шығып кетеді)
Түлкі: Мысық, сен менің жалғыз досымсың, бірақ мен көп досым болғанын қалаймын.
Мысық: Мен де, достарым көп болғанын қалаймын. (Мысық пен түлкі, балаларды өздеріне шақырады.)
Ойын:Қасықпен қар тасу ойыны.
Би: Қар қыздары.
(Әннен кейін мысық пен түлкі қоштасып шығып кетеді.)
Жүргізуші: Ах, не болды. Бұл кім?
Ішке мыстан кемпір кіреді.
Жүргізуші: Кешіріңіз, сіз кімсіз? Мұнда қалай келдіңіз?
Мыстан: Мен бе? Мен мыстанмын. Менде шақыру қағаз бар.
Жүргізуші: Шақыру қағазын алып оқып . Иә бұл туған күнге арналған шақырту қағазы ғой. Мұны сізге түлкінің берген шақыру екен. Бұл жерде ешқандай түлкі жоқ. Бұл Жаңа жыл кеші.
Мыстан:( Хатты жұлып алады ) Бұл жаңа жыл кеші болса Мен ақшақар боламын. (Осы кезде түлкі жан-жағына алақтап кіріп келеді).
Түлкі мыстанға. Сәлеметсізбе құдағи?
Мыстан: Сәлеметсіз бе, көгершінім.
(Мыстан мен түлкі шырша шамын өшіріп тастауға келіседі.)
Жүргізуші: Бұл жерге түлкі жетпей тұр еді. Түлкі, сен қайдан жүрсің?
Түлкі: Мен досым көп болғанын қалаймын, өзіме достар іздеп жүрмін.
(Түлкі сөйлеп жатқан кезде мыстан барып шырша шамын өшіріп тастайды.)
Жүргізуші: Балалар, шырша шамы өшіп қалыпты ғой? Қане, кім көрді? Кім өшірді?
Балалар: Білмейміз.
Жүргізуші: Ақшақар, шырша шамы өшіп қалды, енді не істейміз? Аяз ата қашан келеді?
Ақшақар: Балалар, мен Аяз атаны шақырып келейн.
(Ақшақар шығып кетеді)
(Түлкімен мыстан кемпір құшақтасып келіп жүргізушіден өтініш сұрайды)
Мыстан, түлкі: Өтінеміз бізде бұл тойды тамашалайықшы.
Жүргізуші: Балалар біздің мерекемізді тамашалауға келген қонақтарға тақпақ айтып би билеп берейік . Себебі қазір бізде мереке ғой балалар.
Тамила: Қуантып елді, Жаңа жыл келді. Өсетін болдық, Бір жасқа енді.
Арина: Жаңа Жыл, Жаңа Жыл!
Жаңалық ізде сен.
Жаңа ән, Жаңа жыр,
Жазып бер бізге сен.
Би "Балалар биі".
Жүргізуші: Көрдіңбе, Мыстан, біздің балаларымыз қандай өнерлі?!
Мыстан: Тыныш, аузыңды жап, бәрің тыныш, отырыңдар. Қайда әлгі сандық, тез-тез тауып алып кетейік, әйтпесе үлгермейміз.
Түлкі: Не болдытаптың ба?
Мыстан: Жоқ, таба алмай тұрмыз.Мына жерде тұрған сандық қайда? Қане, кім біледі, тез айтыңдар? (Балалаларға қарап айтады.) Ана шал келгенше сандықтың ішіндегі сыйлықтарды алып қою керек, әйтпесе балаларға таратып қояды. (Түлкіге қарап айтады.)
(Аяз Ата мен Ақшақар кіреді).
Аяз Ата: Қызым-ау, бұл не, тас қараңғы ғой? Балалар қайда, мерекеміз қайда? Түсінбей тұрмын.
Ақшақар: Осында болатын, жаңа ғана ән айтып, би билегенбіз.
Аяз Ата: Ұнамайды маған. Есік жабық, балалар көрінбейді, шырша жанбаған.
Ақшақар: Мен қазір жұлдыздарды жағайын. Ата, мұнда қараңыз, балалар қорқып қалған, шыршаны жағыңыз, балалар көңілденсін.
(Шырша шамдары жарқырап жанады. Сол кезде шыршаның артынан мыстан мен түлкі шығады.)
Мыстан мен Түлкі: Біз өте қорқыныштымыз, мұнда ешқандайда мереке болмайды, бізге сыйлықтарды бер.
Аяз Ата: Маған енді түсінікті болды. Есікті сендер екенғой жауып кеткен. Балаларды да қорқытып қойыпсыңдар.
Мыстан: Аяз ата, Ақшақар, балалар, бізді кешіріңіздер! Біз енді олай жасамаймыз. Балалар, сендермен бірге Жаңа жылды тойласақ қарсы емессіңдер ме?
Аяз ата: Әрине болады.
Жүргізуші: Аяз Ата, мерекемізді әрі қарай жалғастырайық.
Ойын: «Кім бірінші ойыншықты алады!»
Жүргізуші: Кезекті тақпақтарға берейік.
Иманғали: Жасыл желек жамылған
Асыл моншақ тамылған
Міне сұлу шыршамыз
Көптен күтіп сағынған
Сұлтан: Қандай өзі әдемі,
Жасыл шырша жанында,
Барлық достар жиналды.
Қане балақай, байқашы,
Мән беріп қарашы!
Достардың барлығы,
Үлгерді ме санашы.
Риза: Келді тағы жаңа жыл
Қуантумен біздерді
Құтты болсын жаңа жыл
Құттықтаймыз сіздерді
Диляра: Бұл шшрша шырша
Қуаныш жалпыға
Сүйікті шырша
Жарқыра жарқыра.
Алина: Қандай сұлу шыршамыз
Ортамызда тұр жайнап.
Жаңа жылда барамыз,
Шаттанайық кел ойнап.
Арсен: Өлеңде әзір, ән әзір,
Ойында әзір, бәрі әзір.
Кел жаңа жыл біздерге,
Кел Жаңа жыл, Жаңа жыл!
Ән: «Келді, Жаңа жыл!» (Айару)
Аяз ата:Кел, Жаңа жыл біздерге
Кел, Жаңа жыл, Жаңа жыл!
(Осы кезде Маймыл сыйлықтармен бірге машинамен кіріп келеді.)
Маймыл: Балаларды, мыстан мен қонақтарды Жаңа жылдарымен құттықтайды.
Аяз Ата: Ақшақар, қызым, балалардың сыйлықтарын үлестірейік. (Сандықты ашып сыйлықтарды үлестіреді.)
Ақшақар: Ия, әрине, Ата!
Аяз Ата: Жарайсыңдар, балаларым! Мені бүгін бір қуантып, алыс жерден шаршап келгенде, көңілімді көтердіңдер. Барлықтарың да, білімді де өнерлі екенсіңдер. Киген киімдерің қандай әдемі! Солай емес пе қызым? Біздің сыйлығымызға риза болыңдар. Ал енді біз жолға шығайық. Басқа да балалардың өнерін тамашалайық. Ал, балаларым, сендер өсе беріңдер, өркендей беріңдер! Аспандарың ашық болсын! Қош болыңдар. (Қолдарын бұлғап шығып кетеді.)
Жүргізуші: Құрметті, қонақтар, балалар! 2016-ші жаңа жылға арналған мерекеміз аяқталып қалды. Көріп тамашалағандарыңызға рахмет! Жаңа жыл құтты болсын, отбасыларыңызға тек бақыт пен қуаныш әкелсін!!!!
