Ертеңгілік "Жол жүру ережесі"

Тақырыбы: «Жол тәртібін білейік!»

Мақсаты: Жол жүру ережелерін қайталау, бағдаршамның белгілерінің айырмашылығын жолда және көшедегі қауіпсіздік ережесі, жол белгілері туралы түсініктерін кеңейту. Балаларды жол жүру ережелерін сақтауға тәрбиелеу.

Құрал - жабдықтар: Жол белгілері, суреттері, бағдаршам , обруч, қорап, көліктер.

Музыка әуенімен  балалар музыкалық залға кіреді, қатарға тұрады.

Топ басшысы:Тобымыз!

Топ балалары: «Ақ сұңқар».

Топ басшысы: Ұранымыз!

Топ балалары: Ережені білеміз,

Көшеде еркін жүреміз.

Біздің ұран осындай,

Сіздерге айтып береміз.

Әділжан: Бас көшеде қырағы,

Үш көзді дәу тұрады.

Ашса кезек үш көзін,

Айтты деп біл үш сөзін.

Айнара: Егерде қызыл түс жанса,

Жолдан өту қауіпті.

Даяна:Сары көзін ашқанда,

Қарап қалма аспанға.

Дария: Жасыл көзін ашқанда,

Жүре бергін жасқанба.

Жүргізуші: Жарайсыңдар  балалар өз орындарымызға отырамыз. Мен қазір сендерге бір жұмбақ жасырғым келіп тұр.

 

Жұмбақ

Бір көзім «кідір»  дейді,

Бір көзім «жүгір» дейді,

Бір көзім «абайла» дейді,

«Қарап ал маңайға» дейді

(Бағдаршам)

Осы кезде Дымбілмес кіріп келеді. Дымбілмес Ой, ой, ой, ауырып барады? Балалармен амандасады.

 

Жүргізуші:     Сәлеметсіз бе? Сіз кім боласыз?

Дымбілмес:  Өзін таныстырады.

Жүргізуші:     Сізге не болды?

Дымбілмес:  Жолда өтіп бара жатып едім, мені бір көлік соға жаздады.

Жүргізуші:      Сен жолдан қалай өттің?

Дымбілмес:   Ойнап өтіп бара жатыр едім

Жүргізуші:     Балалар жолда ойнауға болады ма?

Балалар:      Жоқ

Жүргізуші:     Дымбілмес міне сенің қателігің!

Дымбілмес:  Балалар сендер маған жол ережесін үйретесіңдер ме?

Жүргізуші:     Балалар көмектесеміз бе?

Жүргізуші:   Балалар Дымбілмеске бағдаршам туралы тақпағымызды айтып берейік, Дымбілмес тыңдап отырсын.

  

Дымбілмес: Оның бәрін қалай есте сақтайсың?

Жүргізуші: Бағдаршам белгілерін жеңіл ұғып алу үшін “Бағдаршам” ойынын ойнайық.

 

Ойын: «Бағдаршам»

Жүргізуші:   Ойын шартымен түсіндіреді, мен кезекпен түстерді көрсетемін

Қызыл түс- тұрасыңдар

Сары түс- Шапалақ ұрасыңдар

Жасыл түс- бір орында жүресіңдер

 

Жүргізуші:     Дымбілмес сен жолда ойнадың, жолда ойнауға болмайды

Дымбілмес:  Неге ?  Енді қайда ойнаймын?

Жүргізуші:     Балалар қайда ойнауға болады?

Балалар: Спорт алаңында балаларға арналған алаңдарда, және балабақша ауласында.

Жүргізуші: Жарайсыңдар! Өз орнымызға жайғасып отырамыз. Келесі дайындаған тақпақтарымызды тыңдайық.

 Камилла:

Автобусқа асығып

Жолдан кесіп өтпеймін

Доп тепкендей асырып

Жолды асырып өтпеймін

Аян:

Жол шетіне келгенде

Тоқтай қалып мен демде

Көз саламын арнайы

Белгісі бар жерлерде

Дидар:

Қауіпті ғой көше тым

Қумай жолдың төтесін

Жолақшаларды іздеймін

Жаяу адам өтетін.

Жүргізуші:  Келесі кезекті қыздарымыздың «Бағдаршам» биіне берейік.

 

Жүргізуші:   Дымбілмес сен бәрін бүлдірдің? Енді қалай балалармен ойын ойнаймыз ?

Дымбілмес:  Балалар маған көмектеседі.

Жүргізуші:   Балалар мен сендерге жол ережелерінің белгілерін дайындап койып едім. Бірақ Дымбілмес басқа суреттермен араластырып жіберді. Әр топтың капитандары шығып жол белгілерін дұрыс тауып алу керек: Қайсы капитан командасы тез табады. Сол жеңіске шығады.

 

Ойын.   «Самокатпен кедергілерден өту».

Шарты: Әр команда бір машинамен өтеді, машинаны келесі ойыншыға алып келеді. Осылайша ойын жалғасады.

 

Дымбілмес: Балалар  менің  кететін  уақытым  болды. Сендерге үлкен рахмет. Өз ризашылығын білдіреді.

Жүргізуші: Балалар біз Дымбілмеске жолда жүру ережесін түсіндірдік, үйреттік. Дымбілмеске өздеріңнің білімдеріңді көрсеттіңдер. Ал, Дымбілмес сендерге алған білімі үшін ризашылығын білдіріп сыйлығын алып келді.

Жүргізуші: Қорапты ашып тарату.

Жүргізуші: Балалар енді тәттілеріңді алып өз тобымызға барып алайық. Рахмет сендерге балалар менде қуаныштымын.

 

Ұйымдастырылған оқу іс-әрекетінің технологиялық картасы

 Тақырбы: «Бағдаршам және біз»

Мақсаты: Жолда жүру ережесі  туралы түсінік беру. Балаларды жолда жүру ережелеріне сәйкес бағдаршамның атқаратын қызметімен таныстыру. Ойын арқылы балыаларға жолда жүру ережелерін үйрету. Көше,жол, жаяу адам жүретін жол мен көліктер туралы түсініктерін жетілдіру.

Іс-әрекет кезеңңдері	Тәрбиеші әрекеті	Балалардың әрекеті
Мотиватциялық қозғаушы	«Көшеге» саяхат.  Балабақша маңындағы көшеге серуенге шығып , ондағы жолдарды, көліктерді адамдарды көрсетіп, балалармен әңгімелеседі.	Балалар қуанып көшені аралап көргендерін әңгімелейді.
Ұйымдастыру-іздестіру	-Тақтадағы суреттерді көрсете отырып, көшедегі жолдар ұзын, қысқа, кең және өте әдемі болатынын түсіндіреді. - Көліктер қайда жүреді? -Жолдар қандай болды? - Көшеде тағы нелер бар? - Қандай көлік түрлерін көріп тұрсыңдар? - Жұмбақ жасыру: Жасыл көзі жүр дейді, Қызыл көзі тұр дейді. Сары көзі дайын бол дейді -Қимылдық ойын: «Түрлі-түсті автомобильдер» Шарты: балалар үш топқа бөлініп (қызыл,көк,жасыл), оларды түрлі шеңберге орналастырады. Олар машина жүргізушілер. Тәрбиеші қолына қағаздан жасалған бағдаршам көздері сынды картонды алады. Жасыл түсті дөңгелекті көтергенде, балалар бөлме ішінде бірін-бірі қақпай-соқпай машина болып гүрілдеп, әрлі-берлі қозғалады. Ал , қызыл картон дөңгелекті көтергенде машиналар	-Тақтада берілген суреттерді ажыратып айтып береді.     Жолда. Ұзын,қысқа, тар,кең. Үлкен әдемі үйлер, ағаштар, Мега , дүкендер. Жеңіл машиналар, жүк машиналар. Жұмбақтың жауабын тауып «бағдаршам» екендігін айтады       -Балалар үш топқа бөлініп ойын шарты бойынша тәрбиешінің басқарылуымен іс-қимыл арқылы , бағдаршамның түстерін ажырата отырып ойнайды.
	тоқтайды. Сары түсті көрсеткенде айналасына қарап, жүруге дайындалады. Сергіту сәті: Орнымыздан тұрайық, Біздер жолға шығайық. Ұзын,қысқа жолдарды Біліп біздер алайық. Оң жақта да, сол жақта да, Биік үйлер бар екен. Дидактикалық ойын: «Бағдаршам». -Тәрбиеші «қызыл» түсті көрсеткенде, -«сары» түсті көрсеткенде, -«жасыл» түсті көрсеткенде Ойын: «Дұрыс-бұрыс» ойыны Балалар дұрыс жауапқа қолдарын шапалақтайды. Көшеден өткенде солға оңға қараймын. Көшенің ортасында доп ойнаймын. Жол ережесін сақтаймын. Бағдаршамның сары көзі жанғанда дайындаламын. Жасыл көзі жанғанда жүремін Дид. Ойын: «Бағдаршам көздерін ретімен қой»	Тәрбиешімен бірге қайталап қимылдармен көрсетеді.                   - балалар қимылдамай тұрады.      -қолдарын шапалақтайды.      - орындарында ары-бері жүреді. Ойынды бірнеше рет қайталайды.       Шапалақтамайды   Шапалақтамайды   Шапалақтайды   Шапалақтаймын   Шапалақтаймын Бағдаршам көздерін ретімен қойып береді.
Рефлексивті- түзетушілік	-Біздер қайда саяхатта болдық? Нелер көрдік?   -Нелер туралы айттық?       Ә. Табылдиевтің «Бағдаршам» өлеңін жаттау. Қызыл көзін ашқанда, аяғынды баспа алға. Сары көзін ашқанда, қарап қалма аспанға. Жасыл көзін ашқанда, жүре бергін жасқанба. Ұйымдастырған оқу іс-әрекетіне  араласқан балаларды мақтап, мадақтау.	- Көшеде, үлкен үйлер, дүкендер, Мега, т.б   Көше, бағдаршамның көздері,жұмбақтың шешуін, ойындар ойнадық.   Балалар тәрбиешімен бірге қайталап жаттап алады.

 Күтілетін нәтеже:

Нені біледі: Жолда жүру ережелеріне сәйкес бағдаршамның атқаратын қызметімен және жолда жүру ережесін біледі.

Қандай түсініктерді игереді: Көшеде , жолда, жаяу адам жүретін жол және көліктер туралы түсініктерін қалыптастырады.

Меңгерген дағдыларымен іскерліктері: «Байқаңдар, балалар!», «Жаяу адам жүретін жол» сынды жол белгілері туралы білім беру және оларды айыра білуге  жетілдіру.