Ертеңгілік " Кел, Жаңа жыл"

«Кел, жаңа жыл,»

Балалар залға кіреді.

Жүргізуші: Кұрметті ата-аналар, қонақтар, ұлағатты ұстаздар! «Кел, жаңа жыл,» атты ертеңгілігімізді ашық деп жариялаймыз!

Кел, жаңа жыл, шуақ шашып, нұрланып,

Жақсылық пен қуанышты, жырды алып.

Жылқы жылы баршамызға жаршы боп,

Отанымызды шығар биік шыңға алып.

Қазағымның тіршілігі гүл атсын,

Көзін ашқан  ашылмаған бұлақтын.

Жаңа жылда бар адамзат қуанып,

Арайына бөленсінші шуақтын.

Сахнада: Қысқы орман, үйшік, орындық.Ортада шырша,балалар шеңбер жасап тұр.

Әуен ойналып Ақшақар кіреді.

Ақшақар:

Жапалақ қар себелеп,

Аспан астын қаптаған.

Секілді боп көбелек

Қонарға жер таппаған.

Өстіп, міне, қыс түсті,

Бола қалды дала аппақ.

Қар лақтырып үсті-үсті,

Балалар жүр далақтап.

Май тоңғысыз күн қайда?

Жаз өтті деу қиын-ақ!

Күн әзілдеп тұрғандай

Қыс киімін киіп ап.

Кәне, ұлпақарлар, ұшыңдар

Ұшыңдар, Ақшақар шақырады.

Би: «Ұлпақарлар биі»

Ақшақар: Сендерді асыға қарсалудамын.

Менің көңілді достарым!

Бүгін залда жиналдық!

Яғни залда емес, орманда.

Қасқырды көрген жоқсыңдар ма? Ал, түлкіні ше?

Жоқ, асығудың керек емес,

Уақыт әлі келеді.

Шыдау керек,

Бізде бәрі алда.

Бәрі деген -күлкі, қуаныш

Ренжу, мұңайу.

Бірақ уақыт аз қалды. Шымылдықты ашып, ертегілер еліне қадам жасайық.

Міне алаң, ертегіде сияқты.

Шыршамыз тұр алдында, безендірулі, өте ғажайып!

Жаңа жылдың таңы неткен арайлы,

Ақ мамыққа бөлеп алды маңайды.

Жаңа жылмен құттықтаймын деген үн

Қанаттана кең алқапқа тарайды.

Ән: «Жаңа жыл»

Жасыл желек жамылған,

Асыл моншақ тағынған.

Міне сұлу шыршамыз,

Көптен күтіп сағынған

Кел, балалар, келіңдер,

Тамашаны көріңдер!

Ән: «Шырша әні»

Ақшақар: (Үйшіке жақындап)

Үй-үйшік тұр екен

Кім үйшікте тұрады?

Жинайды, сыпырады.

Қонаққа шақырады. (тарсылдатады)

Үйшіктің иесі үйде ме?

Тыныш, тыныш, ешкім жоқ!

Тыныш, тыныш біреу кележатыр.

Ол кім екен?

Бақа келеді:Мен үйшіктің иесімін.

Ерте-ерте тәңертен

Сүртіп, жудым бәрін мен

Үйшікті безендіріп

Шақырамын қонаққа

Шыршаны безендірдім,

Ойыншықтарды мен ілдім

Балалармен ойнайын

Қызықты ойын.

Шыршаны қалай безендіреді

Мен айтайын сендерге

Сендер мұқият тыңдап, жауаптарыңды беріңдер.

Егер айтсақ дұрыс,

Айтыңдар «ия» жауаптарыңды.

Егерде қате,

«Жоқ» деп айтыңдар.

Ойын: «Шыршаны безендіру» (Не ілеміз шыршаға?)

 Әр түсті хлопушкалар?

Көрпелер мен жастықтар?

Мармеладтар, шоколадтар?

Шыны шарлар?

Ағаш орындықтар?

Әліппе мен кітаптар?

Әр түсті маржандар?

Жарық гирляндалар?

Қар мен ақ мақта?

Етік пен пима?

Қасықтар мен кеселер?

Жылтыраған кампиттер?

Түрлі түсті  қағаздар?

Дождиктар, мешуралар?

Бақа: Балалар! Қараңдаршы қандай әдемі шырша! Сендерде қандай өнерлерің бар? Би билейтін балалар бар ма? Кәне шығындар ортаға.

Би: «Бақалар биі»

(Есік қағылады)

Ақшақар: Біреу есік қағып тұр! Бақа аш есікті, қонақты қарсы алайық. (Бақа есікті ашады, есіктін көзінде тышқан тұр).

Тышқан: Үй-үйшік, кім үйшікте тұрады? Көп орын алмаймын, пештін жанында ұйықтаймын.

Ақшақар: Бақа, досым менің, тышқанды кіргізейік,бірге тұрсын, көмек жасасын.

Балалар, кіргізейік тышқанды? (тышқан үйшіке кіреді)

Бақа мен тышқан достасты.

Тышқан:  Достар,қолдарымыздан ұстап,

                   Шеңберге тұрып

                   Ән шырқайық.

Қоян: (секіріп) Үй-үйшік, кім үйшікте тұрады? Алындаршы мені қастарына, мен сендерге ән айтып беремін.

Ақшақар:Бақа, досым менің. Алайық қоянды қасымызға, бізбен бірге көңіл көтеріп, жаңа жылды қарсы алсын. Кәне, қоян, әніңді айтып, биге шақыр!

Қоян: Келдік біз шыршаға, көңіл көтеруге

            Көңілді биді сендермен билеуге.

Би: «Кішкентай балапандар биі»

Ақшақар: Сұр тышқан, бақа бақылдақ, ұзын құлақ қоян достасты.

                    Есік қлупқа жабылды.

(Есік қағылады.)

Қасқыр: Тоңып қалдым мен! Үйім жоқ, бір апта болды. Сұр болсам да, мейірімдімін. Алыңдаршы мені қастарыңа!  

Ақшақар: Бақа, бақа досым менің. Алайық қасқырды қасымызға, шатырды жөндейді, қоянмен достасады.

-Балалар, алайық қасқырды үйшіке?    

Қасқыр: Қоян менің ең жақын досым. Жаттығу жасап, ән айтайық Әніміз биге шақырады. Менің соңымнан қимыл жасаңдар.

Би: «Буги-вуги»

Қасқыр: Қазір балалар, сендерге жұмбақ жасырамыз.

Жұмбақтар:

Қасқыр:Жарайсыңдар балалар, жұмбақтарды шештіңдер.

Бар менде екі пима.

Сыңарын қиіп, шыршаны айналып жүгіріп, қайта орындарыңа оралу керек.

Бәріне тапсырма түсінікті ме?

Ойын эстафета откізіледі: «Пима»

Ақшақар: Үйшікте достық орнады: Тышқан пешін жағып, қоян баспалдақтың қарын сыпырып,

Бақа ас дайындап, қасқыр шатырын жөндеп, кештін түскеннін де білмейқалыпты.

Біреу есіктін жанына жақындады, қараса түлкі келіп тұр.

Түлкі: Үй-үйшік, қарасам шамдары жанып тұр.Жаңа жылды бірге қарсы алайық. Көп орын алмаймын, сендерге ертегі айтам.

 Ақшақар: Бақа, досым менің. Алайық түлкіні қасымызға.Балалар, үйшіке түлкіні алайық? Ол бізбен бірге ән шырқайды.

Ән: «Жаңа жыл»

 Түлкі: Жарайсыңдар балалар. Ән жақсы шырқадыңдар.

Ақшақар: Жаңа жылда келіп қалды балалар. Шыршамызды безендіруіміз керек, үлгереміз бе? Төбесіне қолымыз жетпейді.

(Есік қағылды, аңдар қорқып тығыла бастады, айнала тынышталды.) Аю келеді.

Аю: Үй-үйшік, үйшіке кіргізіңдерші, мен сендерге шыршаны безендіруге көмектесемін, бал әкелемін. Жалғыз өзіме қиын, жел соғады таңата.

Ақшақар: Қорқыттың Аю сен бізді.Ал, таныс енді. Аңдар тұрады үйшікте, үйдің иесі – бақа!

Бізбен бірге тұрсаң, бізбен қоңіл көтер.Шыршаны безендіріп, шеңберге тұр.

Аю:Жаңа жыл мерекесін, жылда біз қарсы аламыз!

        Көңіл көтеру үшін, шеңберге тұрамыз.

Ал балалар, ойын ойнайық!

Би-ойын: «Шырша жанында»

Кәзір біз оңға барамыз! 1,2,3!

Ал енді солға барамыз! 1!2!3!

Шыршаға тез жиналамыз! 1!2!3!

Ақырын біз отырамыз! 1!2!3!

Жеңіл және тұрамыз! 1!2!3!

Би билеңдер аяқтар! 1!2!3!

Алақандар соғыңдар! 1!2!3!   

(Музыканы тездетіп ойын қайталанады  2-3 рет)

Ақшақар: Міне Жаңа жылымызда келіп қалды, үйшікте бәріне орын табылды. Аяз-атамыз келген жоқ мерекеге, олай болса, бәріміз Аяз-атаны шақырайық.

Бәрі: Аяз-ата! Аяз-ата!

Ақшақар: Тыныш, тыныш, біреу кележатқан сияқты. Аяз-ата болар?Орманың іші борандатып кетті. Кәне, бәріміз бірге шақырайық.

Аяз-ата!, Аяз-ата!, Аяз-ата!

(Аяз-ата келеді).

Аяз-ата: Мерекеге  мен келдім, рас айтқан екен, балалар мені күтіп қалыпты.

Сәлеметсіндер ме, балалар! Сендерге қонаққа келуге асықтым.Борандатып, мерекеге дәл түстім.Сендерді көрген үшін, өте қуаныштымын. Былтыр да болдым, ешқайсын ұмытқан жоқпын. Мына отырған Нұрали, Даша, Адия. Міне Армангүл, Дидар, Вераника, Назым. Ал, сендер мені таныдыңдар ма?

 Ақшақар: Мереке жақсы өтіп жатыр, бірақ шыршаның шамдарын жағу керек.

Аяз-ата: Ия, дұрыс айтасын Ақшақар! Бұл дұрыс емес.

Ал енді біздің шыршамызды жағайық. Одан сайын әдемі болып, таң атқанша жарқырап тұрсын.

(Таяғымен тарсылдатып) 1,2,3, шырша жарқыра! Кәне, бірге, 1,2,3, шыршамыз жарқыра! (Шыршаның шамы жанады)

Ақшақар: Бекер әуре болған жоқпыз, шыршаның шамдары жанды.

Аяз-ата: Жаңа жыл құтты болсын! Бәріне бақыт әкелсін!

Жаңа жылдың шыршасына,

Достарды мен шақырам

Тезірек балалар,

Тұрыңдар ортаға.

Әнмен, бимен, көңілмен,

Жаңа жылды қарсы алайық.

Ән: «

Би: «Қолғап»

Ақшақар: Аяз-ата, сен емес пе қолғапты жоғалтқан?

Аяз-ата: Ия, ия менікі!

Ақшақар: Олай болса, қуып жет.

Ойын: «Қолғап»

Аяз-ата: Қалай шаршадым, қолғапты қуамын деп. Енді демалайын. Жаңа жылды әнмен, бимен қарсы алады, ал кім тақпақ біледі?

Тақпақтар оқылады:

1.Аяз –ата ақ сақалды,

   Ақ таяқты паң ата,

   Асып өтіп асқар тауды

   Жеттің бізге таң ата

2.Жапалақтап ақша қар

   Жауды күнде қайталап

   Қырға шықты балалар

   Шаңғыларын арқалап.

3.Қайда қызық думан болса,

   Аяз ата сонда болды.

   Балалармен бірге ойнап

   Балалармен бірге қонды.

4.Аяз келді қаһарлы

   Айналаны қар жапты.

   Ақ тон киіп орман тұр

   Дәл атамдай салмақты.

5.Жаңа жыл, жаңа жыл.

   Жаңа жылда-жаңа жыр.

   Жасыл шырша жанында

   Жадырап бар бала жүр.

6.Тамаша.тамаша!

   Шыршамыз тұр жараса.

   Басында әсем жұлдызы

   Көз тоймайды қараса.

7.Жасыл желек жамылған,

   Асыл моншақ тағылған,

   Miнe, сұлу шыршамыз.

   Көптен күтіт, сағынған,

8.Жаңа жыл Жаңа жыл

   Жаңа жылға жаңа жыр

   Жасыл шырша жанында

   Билеп барлық бала жүр

   Жаңа жылым мол болсын

   Баскан қадам он болсын

   Төрле Төрле Жаңа жыл

   Бізге Құтты жыл болсын

9.Аяз ата келіп тұр,

   Бизге сәлем беріп тұр.

   Сақалының ұзыны-ай

   Кесіп алсам шіркін-ай!

10.Жасыл желен жамылған,

     Асыл моншақ тағылған.

     Міне сұлу шыршамыз

     Көптен күтіп сағынған.

11.Тілеймін мен бар әлемге

     Дос көп болсын жаңа-жыл

     Ата-әже, әке - шеше

     Құтты болсын Жаңа жыл

12.Жылдың әнін бастайын,

      Аяз- Ата кеп қалды.

      Майысады жас қайың,

      Көтере алмай көп қарды.

13.Бақша іші мереке,

     Ойын күлкі асқақ ән.

     Жақсы әпкелер жаңа кеп,

     Мерекені бастаған.

14.Жаңа жылды қарсы алдың,

     Мініп алып күймеге.

     Мен де бүгін ән салдым,

     Араластым биге де.

     Оралдың өлкеме,

     Жаңа жыл армысың.

     Оранды ақ көрпеге,

     Асқартау, қарлы шың.

(Балалар тақпақ оқып, Аяз-ата кампиттер береді).

Аяз-ата: Жарайсыңдар балалар! Жақсы демалдық, көңіл көтердік, ән айтық, би биледік. Мен сендерге қардан лақтырып кетейін, сендер шаңғымен жүргендей, коньки тепкендей, қарлар аспанда ұшқандай, қыс бойы сендермен  қыстың  қызығына тоймайық.

Бақа: Жаңа жыл есікті қағып тұр!

Тышқан: Сендерге сыйлаймыз бақыт, күлкі.

Қоян: Жаңа жылда бәріне денсаулықты тілеймін.

Қасқыр: Жаңа жылды жақсы қарсы алайық, достар! Бәріне бақыт, көңіл сыйлаймын!

Түлкі: Кәне достар, шырша бізбен қоштасқысы келеді. Айтайық шыршаға:

Аңдар: Қош бол, келесі жылға дейін.

Аю: Балалар, бізге өте ұнады сендермен, бірақ қоштасатын  уақыт келді. Қош болыңдар, достар!

Аяз-ата: Біздің мерекеміз аяқталған сияқты.

Ақшақар: Ия, Аяз-ата қоштасайық балалармен.

Бірге: Қош болыңдар, келесі жылға дейін!