Ертеңгілік "Қош келдің,Жаңа жыл!"

Жүргізуші:Ақ қар жапты даланы,

                   Ақ жамылды  айнала.

                   Жарқыратып шамдарын,

                   Шырша келді ортаға.

                   Кел балалар келіңдер,

                   Тамашаны көріңдер.

Музыка әуенімен балалар музыка залына кіреді.

Балалар,қараңдаршы жасыл шырша тағы да бізге орманнан қонаққа келіпті.Өзі сондай көрікті,ойыншықтары көп екен.Балалар жақынырақ келіп,амандасайық шыршамен.

Балалар:Сәлем саған жасыл шыршамыз!

Жүргізуші:Балалар,кәне осы шыршамызға арнап «шырша»әнін айтып жіберейік.

«Шырша»әні(хор)

Балалар,бүгінгі мерекеміздің қонағы кімдер?

Балалар:Аяз ата,ақшақар.

Жүргізуші:Дұрыс айтасыңдар,Аяз ата мен ақшақар.

Аяз атаның орнына Мыстан кемпір ұшып кіреді де шыршаны бір айналып барып,қонақтардың  алдына келіп тұра қалады.Пай,пай,міне менде келіп қалдым.Мына шыршаның кереметін ай!Үйге алып кетсем бе екен?Аяз ата мен ақшақар бар,енді маған шырша ғана жетіспейді(осы кезде мыстан төменге еңкейіп,шыршаның түбімен жұлып алғысы келеді)

Жүргізуші:Балалар,бұл кім?

Балалар:Мыстан кемпір

Жүргізуші:Тиіспеңіз шыршаға,кетіңіз бұл жерден.Бұл жерге неге келдіңіз.

Мыстан кемпір:Сендерге келе жатқан Аяз ата мен ақшақар менің үйімде.Жаңа жылды олар менімен қарсы алады.

Жүргізуші:Мыстан әже,жіберінізші аяз ата мен ақшақарды,оларды балалар асыға күтіп отыр.

Мыстан кемпір:Балалар менің көңілімді көтерсін.Би билеп берсін.

Жүргізуші:Мыстан кемпір,сіз билей аласыз ба?

Мыстан кемпір:(музыка қосылады)әрине,мен билемегенде кім билей алады,кәне қараңдаршы мен күшті билеймін.Өзінше би билеймін деп белі ауырып қалады.

Жүргізуші:Мыстан кемпір кәне біздің қыздардың биін тамашаланыз.

Би:Цыган

Жүргізуші:Мыстан кемпір бізге Аяз ата мен ақшақарды енді жібересіз гой

Мыстан кемпір:Әрине,сендерге жіберемін.Қой құрсын мен кетем,мен шаршадым,маған түкте қызық емес.Оданда сыпырғышыма мініп жортқаным жақсы.Ал сыпырғышым тарт алға.Мыстан әже кетіп қалады.

Музыка ойналып ақшақар келеді.

Ақшақар:ақшақар сөзі

Балалар Мыстан кемпір мен балаларды алдадым Аяз атаны оларға жібермеймін деді.Енді біз аяз  атаны құтқаруымыз керек.

Жүргізуші:Балалар бізге кім көмектесер екен.Кәне бәріміз көмек сұрайық

Балалар:Көмектесіңдер,көмектесіңдер

Музыка ойналып  «Шрек» пен «Фиона»келеді.

Шрек:Балалар,сендердің дауыстарынды естіп келдік.Сендерге қандай көмек керек.

Жүргізуші:Мыстан кемпір  Аяз атаны жібермей қойды.Сендер бізге көмектесе аласыңдар ма?

Шрек:Балалар,менің жақын достарым.Балаларға біз көмектеспегенде кім көмектеседі.

Шрек пен Фиона аяз атаны құтқаруға кетеді.

Музыка ойналып мешін келеді.

Мешін:Уа,халайық жараңдар,

              Айналаға қараңдар!

          Жаңа жылдың бұл тойын

          Салтанатқа санаңдар

          Қызық көріп,шат болып,

          Шаттық тойын тойлаңдар! менің жылымда көптеген жетістіктерге жеттік, елімізде көптеген жаңалықтар болды.Балалар бір жасқа өсті.Отбасымыз аман,еліміз тыныш болды.

Жүргізуші:Ескі жыл балалармен би билеңіз.

Би:Ковбой

Мешін:менің кететін уақытым келді,келе жатқан мерекелеріңіз құтты болсын.Келесі кездескенше сау болыңыздар!

Шрек пен Фиона Аяз атаны алып келеді.

Бірақ аяз атаны Мыстан кемпір сиқырлап тастаған.

Шрек:балалар мыстан кемпір аяз атаны сиқырлап тастапты.Аяз атаның сиқырын қайтару үшін менің сайқымазақ досым бар еді соған хабарласып көрейін.

Алло,достым сенің бізге көмегін керек,мыстан кемпір аяз атаны сиқырлап тастапты,сен мыстан кемпірге барып, оны алдап  сиқырлы сыпырғышын алып кел.

Музыка ойналып Сайқымазақ келеді.(сыпырғышпен)

Сайқымазақ мыстан кемпірдің сиқырлы сыпырғышымен аяз атаны сиқырлап қалпына келтіреді.

Аяз ата:Аяз атаның сөзі

Аяз ата:Балалар шыршаларыңның шамы неге жанбай тұр.Кәне,шыршаның шамын жағайық.

Балалар:Бір,екі,үш шырша біздің жайнай түс.

Жүргізуші: Аяз атаға арнап « аяз ата»әнін айтып жіберейік

«Аяз ата»әні

Жүргізуші:балалар енді атамызға өнерлерімізді көрсетейік,

тақпақ айтып берейік.

Тақпақтар:қыздар

Жүргізуші:Сайқымазақ сенің кішкентай достарын сенімен би билегісі келіп тұр.

Би: «клоун»

Сайқымазақ балалармен қоштасып кетеді.

Тақпақтар:ұлдар

Ата аналармен ойын:Шрек ойнатады. «Шар үру»(билеп жүріп шарды үру,үріп болған соң аузын байлау,оны жару, тапсырмасын орындау)

Шрек пен Фиона:балалар біздің кететін уақытымыз келді.Сау болыңдар.

Ақшақар:мен балалармен ойын ойнағым келіп тұр.Осы қағаз қиындыларын құрастырып беріңдер.(әтешті құрастыру).Қандай сурет шықты.

Балалар:әтеш

Жүргізуші:балалар жаңа жылды қарсы алайық

Бәрі:жаңа жыл,жаңа жыл,жаңа жыл

Музыка ойналып жаңа жыл келеді.

Жаңа жыл:Жаңа жыл боп келдім мен,

                   Жақсылықпен ендім мен.

                   Тыныш болсын еліміз,

                   Аман болсын жұртымыз.

Ата анамен ойын: «Менің қимылымды қайтала»(жаңа жыл ойнатады)

Ән: «Жаңа жыл»(хор)

Жүргізуші:Жаңа жыл келді міне жерімізге,

                   Әкелсін құт,береке елімізге.

                   Қуаныш пен жақсылық жылы болып,

                   Қиындық көрсетпесін бәрімізге.

Аяз ата сыйлықтарын таратады.(соңы)