Достық фестивалі

«Достық» фестивалі

Мақсаты: Балаларды Қазақстанда тұратын ұлт өкілдерімен таныстыру. Басқа ұлт өкілдерінің мәдениетімен таныстыру.Қазақстанның өркендеуіне достық арқылы өз үлестерін қосуға баулу. Өзара достыққа, Отанын құрметтеуге тәрбиелеу.

Жүргізуші: Құрметті қонақтар, тәрбиешілер, балалар! 1-мамыр достық, ынтымақ, татулық мерекесі құтты болсын!!! Біздің Қазақстанымыз кең байтақ ел. Бейбітшілік пен татулықты әлемге үлгі еткен, достық пен ынтымақ елі. Қазақстан көп (130) ұлттар өкілдері тұрады. Олар бір ананың баласындай бір шаңырақ астында еңбек етіп тату тәтті өмір сүріп жатыр. Сол үшін біз де шаттанамыз, бала болсақ та жүрегіміз бейбітшілікті қалайды.

Жүргізуші: Балалар, бүгін біз сіздермен Қазақстанда тұрып жатқан қазақ, өзбек, украин, орыс, қырғыз ұлттарымен танысып, оларға деген сый құрметімізді, парасаттылығымызды көрсетеміз. Ортаға қошеметпен қонақтарымызды шақырайық.

1.Қазақ ұлты - («Тұлпар» ересектер тобы)

2. Орыс ұлты- (№2 сәбилер «Бөбек» тобы)

3. Қырғыз ұлты – («Күншуақ» ересектер тобы)

4. Украин ұлты – (№2 сәбилер «балапан» тобы)

5. Өзбек ұлты – («Құлыншақ» естиярлар тобы)

ӘН «Атамекен» орындайтын муз.жетекшісі Борашева Ұ.Б.

Жүргізуші: Бәрекелді, қандай өлең десеңізші! Қазақта Отаны бірдің – тілегі бір, жүрегі бір деген жақсы сөз бар. Бүгінгі мерекеміздің беташары қазақтың ұлт өкілдері болмақшы. Сөз кезегін қазақтарға береміз.

Жетекші тәрбиеші:

Мен қазақпын, биікпін, байтақ елмін

Қайта тудым, өмірге қайта келдім,

Мың да бір тірілдім мәңгі өшпеске,

Айта бергім келеді, айта бергім.

-Көк туды асқақ көтерген,

Қазақстанды мақтан етем мен!

Терезесі тең, сыйлас,

Алыс, жақын шет елмен!

Жүргізуші:

Ұлы Достық!

Жазира өлке, гүл маусым.

Жасыл әлем, саған мәңгі нұр жаусын!

Қарсы алдыңнан тарқамасын тыңдаушың.

Мың құбылтқан бұлбұл болсын жырлаушың!- дей келе төрімізгн орыс ұлт өкілдерін шақырамыз.

Жетекші тәрбиеші:

-Біз орыс халқымыз. Біз Қазақстан әрқашанда осындай тұрақты қалыпта болып, төбемізден күннің көзі күліп тұрса екен дейміз.

Россия-Родина моя!

Есть на земле края иные,

Где шум лесов и звон ручья

Почти такие же, как в России!

Жүргізуші: Бәріміз, доспыз туыспыз. Ортақ бір шаңырақ астындабейбіт өмір сүрудеміз. Тек «Еліміздегі ынтымақ-бірлік ұзағынан болса екен дейміз» Ортаға қырғыз ұлт өкілдерін шақырамыз.

Жетекші тәрбиеші:

ЖЕР-АНА бәрімізге ортақ. Осынау сахара кең қазақ даласында қазақтармен бауырлас болып қырғыздар да тұрып жатыр.

Жетекші тәрбиеші:

Байтақ қырғыз жерінде

Ақ толқын теңіз өрінде.

Бірлік құрдық туысып,

Ыстық бізге туыстық.

Жүргізуші: Иә, біз бақыттымыз! Ынтымақ бірлігі жарасқан елдің ұландары әрқашан бақыт құшағында шалқып жүре берсін! Сондай бақытты ұлттарымыздың бірі – украин халқы.

Жетекші тәрбиеші:

Біз украиндар жүзіміз жарқын, көңіліміз шат болып жүретін, ұлтаралық ынтымақтастықты нығайтатын халықпыз. Қазақстандықтар бейбіт өмірде, жақсы тұрмыста өмір сүргенді қалаймыз!

Кім сүймейді ет жақынын туысын,

Украина, туысымның бірісің.

Тұрды биік туымыздай бұл достық,

Ел басына төнгенде де ұлы сын!

Жүргізуші:

Достық екен өмірде ең керегі,

Достық болып дүние дөңгеледі.

Өзендегі толқындар дос боп ағып,

Қанымыздай жүгіріп кеудедегі.

Ортаға өзіміздің қандас туыстарымыздың бірі өзбек ұлт өкілдерін шақырамыз.

Жетекші тәрбиеші:

Біз өзбектер мен қазақтар бір тамырдан шыққан халықпыз. Біз Қазақстан Республикасының азаматы болғанымызды мақтан тұтамыз.

Өзбекстан мақтаны

Еліміздің мақтаны,

Еңбек сүйгіш халықпыз.

Ел бірлігін сақтайды.

Жүргізуші:

Бүгін қызық, бүгін той.

Біздер үшін біліп қой.

Әнді шырқап, би билеп,

Жалғастырсын ойды ой,- деп ортада әр ұлттың билерін тамашалайық.

(Қазақ биі, орыс биі, қырғыз биі, украин биі, өзбек биі)

Жүргізуші:

Елміз байтақ, іргелі,

Қуатты да жүлделі.

Аспандаса жалауым,

Аласартар кім мені?!

Ілем биік жерге оны,

Қашандағы төрде орны.

(әр ұлт өз елдерінің туы туралы түсінік береді)

ӘН «Ағайынбыз бәріміз»

Әр ұлт өкілдерінен бір бала ортаға шығып, шаңырақ астында барлығы қосылып ән орындайды.

Жүргізуші: Бүгін біздің бақшада үлкен мереке. Ән айтып, би билеп көңілімізді көтердік. Енді бойымызды сергітіп осы ұлт өкілдерімен ойындар ойнап алайық.

Қазақтың ұлттық ойыны: «Бес асық»

Орыстың ұлттық ойыны: «Петушиный бой»

Өзбектің ұлттық ойыны: «Ақ терек, көк терек»

Қырғыздың ұлттық ойыны: «Түйе мен бота»

Украин ұлттық ойыны: «Хлебчик»

Жүргізуші: Бір шаңырақтың астында бірлік пен ынтымақ құрып, бақытты өмір кешіп жатқан осынша ұлт өкілдеріне ән шашуымыз бар.

(Әр ұлттың жетекші тәрбиешілері қосылып ән айтады)

ӘН «Әрқашан күн сөнбесін»

Жүргізуші:

Қазақстан жасасын!

Бейбіт болсын болашақ!

Татулық табылмас бақыт!

Достығымыз берік болсын!

Қазақстан – ұлы достық отауы!

Ақмола облысы

Зеренді ауданы

Зеренді селосы

«Достық» фестивалі

(топтар арасында)

Өткізген: Бексеитова А.М.

әдіскер

2016 жыл