«Балабақша туған күніңмен!»

«Балабақша туған күніңмен!»

Балабақшамыздың туған күніне арналған мерекелік іс шара сценариі

Жүргізуші- : -Құрметті, қонақтар, әріптестер, біздің кішкентай бүдіршіндер!

Осы әсем залға біздің жиналған себебіміз, бүгін біздің балабақшаның туған

күні, біздің балабақша 14 жасқа толып жатыр.

–Өлең жаттап келеміз, биде билеп береміз,

Гүл сыйлаймыз бәріміз, айтқанына көнеміз.

Бақшаға біз барамыз, кітап сатып аламыз,

Сенің туған күнінде, қосылып ән саламыз.

Балалар балабақшамыздың туған күніне арнап ән шырқап берейік.

Ән: «Туған күн»

Жүргізуші-: -Бүгінгі мерекеде бізді құттықтауға қонақтар да келіп отыр. Құттықтау сөз кезегін бүлдіршіндерімізге береміз.

1.Балабақша базарлы үй Өмірсерік

Ауылдағы ажарлы үй.

Күлкісі бар шуақты

Өз үйіміз сияқты.

2.Біз кіщкентай бүлдіршінбіз Айғаным

Бақыт сыйлар ұл мен қызбыз

Қуанышты көңіл сыйлар

Мерекеге қош келдіңіз.

3.Бақшамыз бар таң қалдырар Нұрдана

Өнерімен тамсандырар

Бүлдіршінбіз жан шуақты

Ән мен жырдан нәр алдырар

4. Балдырғанда достарменен танысамыз. Амина

Әр түрлі ойын ойнап жарысамыз,

Балдырғанда жақсылыққа үйренеміз

Жамандықтан алыстап жиренеміз.

5.Бұл екінші үйіміз Дәуіржан

Бір туғанбызбәріміз,

Балдырғанның гүліміз

Балдырғанның сәніміз

6. Бірге ойнап бірге күліп. Нұрасыл

Туған күнді тойлаймыз

Күні бойы жүгіреміз

Қызықты ойын ойнаймыз.

7. Біз бақытты баламыз Даулет

Өсті ақыл санамыз

Үлкендерден тәлім ап

Үлкен адам боламыз.

8.Сарқанымда бәрі бар Амина

Өркен жайған гүл мекен.

«Балдырғандай» бақша бар

Сені күтіп жүр ме екен

Тәрбие бар тәлім бар,

Үйренесің жыр әнді

«Балдырғанда» жалын бар

Баптай білер ұланды.

Жүргізуші: –Білім беріп мәпелеп, өрлетер өмір шыңына,

Еркін өсер әр бала, біздің балабақшада.

–Балабақша, балабақша, шаңырағы шаттықтың,

Балабақша қорғанышы, балғын сәби жастықтың.

Біз балдырған баламыз, шырқап әнге саламыз,

Балабақша төрінде, алау болып жанамыз.

Кезекті сурет байқауына береміз.

«Біз бақытты балдырған» тақырыбына балалар асфальтқа сурет салады.

Жүргізуші  –Туған күн бұл тамаша, би билейміз жараса,

Туған күнде ән салып, көңілденеміз шаттана.

-Келесі кезекті әсем әнге берейік. «Балапан» тобының бүлдіршіндерінің орындауында «Мен бақшаға барамын» әнін қабыл алыңыздар.

Ән: «Мен бақшаға барамын».

Айғайлап, асығып басып Тымпи келеді.

-Дорогу! Жол беріңдер маған! Тез-тез-тез! Мені қуып келеді, ай, жолдан былай тұрыңдарсай, естімейсіңдер ме мені?!

Жүргізуші-: -Саған не болды? Қайдан келесің?

Тымпи: -Тшшш, мен қашып келемін, жаңа ойнап жүргенде доппен осы жердің әйнегін сындырдым, енді мені артымнан үлкен бір ағай қуып келеді, тшшш!!!

Жүргізуші-: -Осы жердің әйнегін? Қалай сонда? Біздің бастық апай осында, бүгінгі туған күнде, ол сені қазір естіп қалады.

Тымпи: (Тығылып) –Ааа, осында? Енді не болады? Не істеймін? Туған күн, қандай туған күн? Оййй, онда туған күн болса, мен ешкімнен қорықпаймын, қанекей, маған онда торт әкеліңдер! Тез-тез-тез (ортаға отырып алады)

Жүргізуші-1: -Сенің атың кім?

Тымпи: -Хехехе, манадан осылай сұрамайсыңдар ма? Енді дұрыс, қазір мен сендерге өз атымды айтамын, ал сендер маған торт әкеліп бересіңдер! Менің атым Тымпиииии.

Жүргізуші-: -Ол сонда қандай ат, біз ондай адамның есімін естімеппіз.

Тымпи: -Барлық әлемдегі ең әсем, ақылды адамның есімі, хехехе (секіреді)

Жүргізуші-: -Жарайды, енді неге бізбен, біздің қонақтармен амандаспайсың?

Тымпи: -Жарайды.. Эээх! Ал бәрің қолдарыңды созыңдар, сендермен амандасып алайын. (барлығының қолдарынан барып ұрады)

Тымпи: -Эх, вы! Кім олай тақпақ айтады? Менімен ойын ойнайсыңдарма?

Мен сұрақ қоям, ал сендер бас бармақтарыңды былай көрсетіп «Міне осылай» деп сұрақтарыма қимылмен жауап бересіңдер. Кетттік пе!

Ойын: «Міне осылай!»

(Тымпи балаларға сұрақ қояды, да балаларға қимылмен жауап береді, балалар қайталайды.)

Тымпи: -Қалдарың қалай?

Балалар: -Міне осындай! (бас бармақтарын көрсетеді)

Тымпи: -Бақшаға қалай барасыңдар?

Балалар: - Міне осылай! (жүргенді қимылмен көрсетеді)

Тымпи: -Бақшадан үйге қалай қайтасыңдар?

Балалар: -Міне осылай! (орындарында жүгіреді)

Тымпи: -Апайларың жоқта қалай шулайсыңдар?

Балалар: -! Міне осылай! (аяқтарымен топырлатады)

Тымпи: -Бұзық боласыңдарма?

Балалар: -Жоқққққ

Жүргізуші-: -Жоқ, тоқтаңдар, бұзық болуға болмайды, одан да би билейік.

Би: «Көңілді Балдырғандар»

Жүргізуші: –Өз үйіміз анамыз,

күнде-күнде барамыз,

Достарменен табысып,

қуанып бір қаламыз.

–Күлеміз, ойнаймыз, демалып алаңсыз,

Ризамыз саған біз, қымбатты бақшамыз.

Жүргізуші-2: -Балалар туған күнде туған күн иесіне не сыйлайды?

Ендеше сендердің Балдырғанға жасаған сыйлықтарың болсын.

«Біздің болашақ балабақшамыз!» атты құрастыру сайысы.

1.Қораптан

2.Құмнан

3. Конструктордан құрастырамыз.

Жүргізуші-2: -Балабақша туған күніне арналған ертеңгілігіміз осымен аяқталды, келгендеріңізге көп рақмет, марапаттау кезеңі.