Балаба?ша

«Сарқан аудандық білім бөлімінің Тасарық орта мектебі мектепке

дейінгі шағын орталығымен » коммуналдық мемлекеттік мекемесі

Отаным-Қазақстан

Орындаған:тәрбиеші А.А. Сарынбаева

Абай ауылы

Мақсаты : 16 желтоқсан «Тәуелсіздік күні» туралы және Қазақстан Республикасы туралы білімдерін сұрақ-жауап әдісі,ойын арқылы кеңейту.Көркем сөз және ән, әңгімелер арқылы балалардың бойында патриоттық сезім қалыптастыру. Музыка тәрбиесі арқылы Отанға деген сүйіспеншілікке тәрбиелеу. Балалардың шығармашылық белсенділіктерін арттыру

(Бөлме іші шарлармен,суреттермен безендірілген )

Жүргізуші:Құрметті қонақтар, сүйікті балалар! Биыл егеменді еліміздің тәуелсіздік алғанына 23 жыл толып отыр.Аспанымыз ашық,еліміз аман болсын!Сол болашақтың тірегі бұл –сендерсіңдер, бүлдіршіндер! Бұзылмасын,-дей отырып,сіздерді келе жатқан Тәуелсіздік күнімен құттықтаймыз!

Арнұр: Әнұраны елімнің

Шақырады бірлікке.

Егеменді халқымның

Болашағы бірлікте

Әнұран айтылады.

Інжу: Көк аспандай көкпеңбек

Қазақстан жалауы

Көк емес ол тектен тек

Елдің ашық қабағы

Данагүл: Айнымайды аспаннан

Біздің тудың бояуы

Оны халық қашанда

Биікке іліп қояды.

Айзере: Көк байрақ, көк аспан

Алтын күн,нұр шашқан

Әлемге танылған

Тәуелсіз қазақстан

Ерәли: Ақ ниеті-алтын күн

Асқақ арман қыраны

Жалауы бұл халқымның

Мәртебесі мақтаны

Би: «Қара жорға»ұлдар

Жайна:Әділеттің ұраны

Ақиқаттың шырағы

Тыныштықтың туы боп

Зор салтанат құрады

Жанерке:Елтаңбасы елімнің,

Неткен әйбат,әдемі,

Тынығындай көңілді

Ортада аспан әлемі

Арнұр: Құт береке шаңырақ

Орын алған ол төрден

Қанаты қос арғымақ

Екі жақтан көмкерен

Расул: Тәуелсіздік ұранымыз

Тәуелсіздік жыр -әніміз

Желтоқсанда бастау алған

Тәуелсіз ел ұланымыз

Ән: «Егемен елім» Арнұрдың орындауында

Балалар астанамыз кай қала?

Астана.

Айбын: Отан дейміз от жаққан жерімізді

Отан дейміз өсірген елімізді

Отан дейміз туған жер атамекен

Биік тау,арман,тоғай көлімізді

Еркежан : Отан деген- атамекен

Отан деген туған жер

Отан ана

Отан үлкен

Қазақстан туған ел

Айша: Астана арман қала

Бағы бір жанған қала

Тұрады ол жап-жасыл боп

Мен үлкен болғанда

Ән: «Біз өмірдің гүліміз» хормен

Арнұр: Он алтыншы желтоқсан

Ел мерейі тасыған

Қазақ деген қалың жұрт

Бәрін кешті басынан

Дарын: Әр қазақтың есінде сақталады

Желтоқсандық өрендер ақталады.

Ел намысын қорғаған сарбаздарын

Ерліктерің мәңгілік сақталады.

Балауса : Он алтыншы желтоқсан

Тәуелсіздік алған күн

Ерекше боп мәңгілік

Ел жадында қалған күн

Би: «Қамажай» қыздар

Қайсар: Қайраттай қайсар ұлдарың

Жанымен келген еркіндік

Жазира мен Ләззаттың

Арымен келген еркіндік

Қасірет пен қайғының

Бәрімен келген еркіндік

Бек: Қазақ елі, байтақ ел

Қайытпайтын ел, қайсар ел

Туған елім, туған жерім

Сүйемін мен қазақ елін

Кәусар: Алтын дәнді даласы бар

Ақ күмістей қаласы бар.

Неткен сұлу,неткен көркем,

Осы менің туған өлкем

Ән: « Атамекен» хормен

Жүргізуші: Құтты болсын тәуелсіздік мерекесі

Мықты болсын елімнің керегесі

Тату-тәтті боп халқымыз әрқашан

Кетпесін туған жердің берекесі