"Ана -күннің шуағы" ертеңгілігі

«Балдырған» балалар бақшасы

«Ана күннің шуағы»

(Ертеңгілік)

«Құлыншақ» ІІ кіші тобы

Тәрбиеші: Туребекова Н.

Сарқан қаласы 2016 жыл

Бекітемін:

балабақша меңгерушісі:

________Г.Иргебекова

Тақырыбы: «Ана күннің шуағы»

Өтілетін уақыты: 02.03.2017жыл

Матсаты: Анаға деген сүйіспеншіліктерін, сезімдерін ояту.

Ананы құрметтеп, сыйлай білуге тәрбиелеу. Адамгершілікке, игілікке, бір-бірін достыққа қадірлей білуге үйрету.

Өтілетін жері: Музыка залы.

Кейіпкерлер: Жалқаубек, анасы, түлкі, қасқыр, алтын балық.

Орындалатын әндер: «Аналар мейрамы», «Ақ әжем», «Әжемнің шәйі», «Мерекеңмен, Анашым»

Билер: «Қуыршақтар», «Вальс», «Аспазшылар», «Кір жуушылар»

Ойындар: «Үстел дайындау», «Балық аулау»

«Ана күннің шуағы» ертеңгілігі

Мақсаты : Анаға деген сүйіспеншіліктерін, сезімдерін ояту. Ананы құрметтеп,

сыйлай білуге тәрбиелеу. Адамгершілікке, игілікке, бір-бірін достыққа

қадірлей білуге үйрету.

Ана деген асқақ ан, Орындайтын әрқашан. Анадай қымбат сыйлықты,

Табалмайтын ешқашан.

Ана деген ақылшың,

Анаң барда батырсың.

Қасыңда кім болса да,

Тек анаңа жақынсың.

Жүргізуші: Құрметті ата-аналар, құрметті асыл аналар, әжелер,

қыз-қызғалдақтар, қадірлі ұстаздар! Бүгін біз жыл мезгілінің ең тамаша,

шуақты мейрамының бірі 8-Наурыз халықаралық әйелдер күнімен

құттықтап, ғұмырларыңызға сайлық, өмірлеріңізге сәттілік тілейміз!

Жүргізуші: Ортаға тобымыздың сұлтандары әдепті, ақылды, нәзіктікке

жаны құмар жігіттерімізді шақырамыз.(жігіттер музыкалық әуенмен ортаға).

Ұлдар қыздарымызды шақырады.

Жүргізуші: Балалар қар еріп, күн жылынып, құстар оралып, көктем мезгілі де жетті.

Ән: «Аналар мейрамы»

( Музыка әуенімен Жалқаубек пен анасы кіреді)

Жалқаубек: Ой, анашым, ішім пісті! (есінейді)

Анасы: Әрине ішің пысады, кешке дейін жата бересің. Маған бір уақыт

көмектессеңші. Бүгін 8- Наурыз аналар мейрамы емес пе? Балалар Жалқаубектікі

дұрыс па?

Балалар: Жоқ.

Жалқаубек: Кешіріңіз анашым мен мүлде ұмытып кетіппін (құшақтайды).

Мен сізге бір себет әдемі гулдер алып келемін.

Анасы: Жалқаубек керек емес сыйлығың, одан да маған шелекпен су алып келсеңші!

Жалқаубек: (шелекті алып) Ой, анашым қазір тез барып алып келейін!(кетіп қалады)

(Жүргізуші: Анасы, Жалқаубек келгенше біраз отырып демалып, қыздарымыздың

тамаша «Қуыршақ» биін тамашалаңыз.

Би: «Қуыршақ»

Жалқаубек: Ой, мен адасып кеттім бе? Өзен де көрінбейді( артындағы түлкінің

аяғын басып кетеді). Ой, бұл кім? А, сен баяғы бауырсақты қуалап жүрген түлкісің бе?

Түлкі: Жоқ, Жалқаубек ол бұрынғы ертегіде ғой. Ал қазір мен ән сабағына

қатысамын. Қане, менің достарым ортаға келіңдер.

Ән: «Ақ әжем»

Жүргізуші: Түлкіжан сен енді біздің балалардың тақпақтарың тыңда.

Айсұлтан: Ана десем, алғыс алам халқымнан,

Ана десем, теңіз болам шалқыған.

Ана десем, ашылады қабағым,

Ана десем, әділдікті ұғамын.

Бағжан: Армысыздар, халайық!

Бармысыздар, халайық!

Аналарды ардақтап,

Әсем әнге салайық.

Айзере: Жыл басы Наурыз мереке,

Ақ нұрға әлем боялды.

Аналар тойы береке,

Тіршілік жаңа оянды.

Аңсар: Гүл-гүл жайнап бәріміз,

Кірді біздің сәніміз.

Аналарды тойымен,

Құттықтаймыз бәріміз.

Медина: Баланың да тірегі,

Даланың да тірегі,

Шаншымасын ешқашан,

Аналардың жүрегі.

Амина: Әлпештеген баласын,

Ана бақыт, ана күн.

Әркім сүйіп өзінің,

Мақтан етер анасын.

Кәусар: Әр сөзіңді жаттаған,

Жүрегімде сақтаған.

Анашым деп мақтанам,

Айналайын ақ мамам!

Сейфулла: Құрметіне кешінің,

Тақпақ айтып береміз.

Шаттық толы әр күнің,

Мақтап айтып береміз.

Інжу: Өмірге мені әкелген,

Жақсы көрем анашым.

Бағып-қағып өсірген,

Кең ғой сенің құлашың.

Жанасыл: Айналайын анашым,

Ақылы асқан данасың

Бала үшін не керек,

Бәрін іздеп табасың.

Әмір: Тату өскен баламыз,

Айтқан тілді аламыз.

Нанға кетсе мамамыз,

Үйде өзіміз қаламыз.

Арман: Бізді өсірген маматай,

Еңбегіңде зор екен.

Құтты болсын маматай,

Құтты болсын мерекең!

Сабыржан:Сенен өскен балалар,

Батырлар мен даналар.

Құттықтаймыз мейраммен,

Құрметті аналар!

Айым: Айтсаң болды тіл алам,

Әйбат мамам, әй мамам,

Сені көрсем қуанам.

Сен керексің әрқашан.

А.Алихан:Әже маған базардан.

Алма сатып әкелді,

Ең үлкенің жақсысын,

Маған таңдап әперді.

Саяра: Ең қымбатты өмірде,

Ана екенін біліңіз.

Ана жанын түсініп,

Ойнаңыз да күліңіз.

Алуа: Мерекені қарсы алып,

Мәз болады барша жұрт.

Гүл ұсынып анаға,

Бердім өзім ән салып.

Ж.Алихан: Тату-тәтті жүреміз,

Біз қыздарды сүйеміз,

Әрқашанда оларға,

Басымызды иеміз.

Дина: Әр сөзіңді жаттаған,

Жүрегімде сақтаған,

Анашым деп мақтанам,

Айналайын ақ мамам.

Жания: Мені жақсы көреді,

Күндей күліп келеді.

Көп ертегі біледі,

Маған айтып береді.

Санжар: Құшағына кіргенде,

Жылынамын бір демде.

Не жетеді көзіңе,

Мейірімді күннен де.

( Музыка әуенімен қасқыр кіреді)

Жалқаубек: Сәлеметсің бе! Қасқыр сен қызыл телпекті қуалап жүрмісің?

Қасқыр: Жоқ, Жалқаубек. Ертегіде мен қаһарлы болғанмын, ал қазір мен мейірімдімін, мен балық аулауға бара жатырмын. Сен де жүр.

Жалқаубек: Әрине менің достарымда барады.

Ойын: «Балық аулау»

( Судың дауысы шығады)

Жалқаубек: Міне, өзенге де жеттім, енді су алайын (алтын балықты ұстап алады).

Алтын балық: Мені жіберші Жалқаубек, айтқаныңды орындаймын.

Жалқаубек: Жіберейін алтын балық! Бірақ менің шелегімді суға емес гүлге толтырып бер!

Алтын балық: Айтқаныңды орындаймын, рахмет саған!

Жүргізуші: Жалқаубек, әне алтын балық айтқаныңды орындады. Енді балалардың әжелеріне арналған тақпақтарын тыңда.

Ануар: Тентек болсам кешірген,

Айналайын ақ әжем.

Аялаған өсірген,

Ардақтысың сен әжем.

І.Алима: Әже деген көп шығар,

Әжемдей менің жоқ шығар.

Мейірімді көп кісі,

Қандай ғажап бұл кісі.

Адия: Әжемізді ардақтап,

Қуанатын күн келді.

Мейрамымен құттықтап,

Ән салайық біз бүгін.

Е.Айым: Менің әжем гүл әжем,

Алтын әжем күн әжем.

Апам үшін, мен үшін,

Нағыз ана, тіл әжем.

Ән: «Әжемнің шәйі»

Жалқаубек: Анама мына гүлдерді апарайын, мені күтіп қалды ғой.

Анасы: Су әкелдің бе, Жалқаубек?

Жалқаубек: Анашым мен су емес, сізге мейрамға әдемі гүл әкелдім.

Анасы: Рахмет, Жалқаубек! Мына кішкентай балалар да аналарына үстел жасап көмектеседі екен.

Жүргізуші: Ал, Жалқаубек қалай үстел жасап көмектесу керек екенін көргің келеді ма? Сен де балалардың қасына келеғой.

Ойын: «Үстел жасау»

Жүргізуші: Біздің балалар тек қана үстел жасап қана қоймай, аналарына қір жуып, ас дайындап көмектеседі.

Би: «Кір жуушылар» (ұлдардың орындауында)

Би: «Аспазшылар» (қыздардың орындауында)

Жалқаубек: Жігіттер біз аналарымызды қатты жақсы көремізгой, аналарымызды биге шақырайықпа?

Би: «Вальс» (ұлдар аналарын биге шақырады)

Жалқаубек: Анашым, мен бүгіннен бастап ақылды боламын. Сізге әрдайым көмектесемін, жалқаулықты тастаймын. Мейірімді, тіл алғыш боламын.

Жүргізуші: Олай болса Жалқаубек, біздің балалардың аналарға арналған сәлемдемесін көрейік.

Ән: «Мерекеңмен, Анашым»

Жүргізуші: Анасыз жоқ бір күнің,

Әжесіз жоқ бір күнің.

Ұсынамыз біз бүгін,

Сіздерге сұлу шоқ гүлін.

Балалар аналарына сыйлықтарын үлестіреді.

Анасы: Жалқаубек екеуміз балалардың әнін, тақпағын, биін тамашалап, көңілімізді көтердік.

Жүргізуші: Ана біздің гүліміз,

Біз ананың гүліміз.

Біздер үшін аналар,

Ұзақ өмір сүріңіз.

Жүргізуші: Аналарымызға, апаларымызға арналған ертеңгілігіміз аяқталды. Көңіл бөліп келгендеріңізге көп рахмет.