"Айналайын анашым"

Тақырыбы: «Айналайын , анашым»

Мақсаты: Балаларға көктем туралы, 8-наурыз мерекесі туралы түсінік беру,отбасындағы анамыздың орнын анаға деген құрметті ұғындыру,ана мен баланың арасындағы байланысты жанрлар бойынша көрсету.(театр қойылымы, өлең, би)

Жеті лақ ертегісінің қойылымы

Балалар сазды әуенмен залға кіреді жартылыай шеңбер болып отырады.

Жүргізуші:-1 Құрметті аналар, ақ жаулықты әжелер, апайлар және қыздар сіздерді 8- наурыз «Халықаралық аналар» мерекесімен құттықтаймыз ! Ардақты аналар мерекелеріңіз құтты болсын! Отбасыларыңызға құт-береке , бірлік, дендеріңізге саулық тілейміз.«Балбөбек» тобының бүлдіршіндерімен өткізілетін «Айналайын, анашым» атты ертеңгілігімізге хош келдіңіздер !

Жүргізуші:-2 Ана десем, сезім билер тым ыстық

Жарасымды адамдарға туыстық

Бар адамға берсе ананың мейірімін

Орнар еді бар әлемде тыныштық!

Жүргізуші:-1 Айнамкөз Азаматқызы бүгін тақырыбымызға байланысты мен саған жұмбақ жасырғым келіп тұр. Таба аласыңба?

Жүргізуші: -2 Әрине!

Жүргізуші:-1 Бала, бала, бала деп,

Түнде шошып оянған

Түн ұйқысын төрт бөліп

Түнде бесік таянған

Бұл кім?

Жүргізуші:2 Ана!

Жүргізуші:-1 Әрине, бұл біздің аналарымыз.Ана перзент тәрбиелеуші. Ендеше аналарымызға арналған тақпақтарымызға кезек берейік.

Алина: Күнім,жаным дегенді

Құлыншағым дегенді

Ботақаным дегенді

Ойлап тапқан аналар.

Румия: Әр сөзіңді жатағам

Жүрегімде сақтағам

Анашым деп мақтанам

Айналайын ақ мамам.

Жүргізуші-2: Шалқып тасып әніміз,

Жадырасын жанымыз.

Ана сені құттықтап,

Әндетеміз бәріміз.

Ән: «Анашым»

Жүргізуші: -1 Балалар көктем мезгілі аналарымыздың мейрамын алып келеді. Көктем мезгілінің ерекшеліктері көп.Күн жылына бастайды,ағаштар бүршік атады,құстаржылы жақтан ұшып келеді, гүлдер көп болып өседі. Тобымыздың әсемде сұлу қыздарымыздың орындалуында көбелектер биі қабыл алыңыздар.

Би: «Көбелектер»

Жүргізуші: 2 Енді өз балаларын баптат өсірген мейірімді Ешкі ана туралы ертегіні тамашалайық.

Жеті лақ ертегісінің қойылымы.

Залға көңілді әуенмен Ешкі ана келіп лақтарымен билейді, әңгімелеседі,билейді

1.лақ – Инжу: Мама мейрамыңыз құтты болсын, әдемі болып жүре беріңіз.

2.лақ- Жания: Мама біз сізді жақсы көреміз.

Ешкі ана: Рахмет, балаларым, енді сендер үйді жинап қойыңдар мен базарға барып үстелге дәмді тағамдар, тәттілер алып келейін.Есікті ешкімге ашпаңдар, мен келгенде тек менің әнімді тыңдап қана есікті ашыңдар ,-деп лақтарымен құшақтасып шыға кетеді.

Жүргізуші:1 Үйді жинайық, үстел әзірлейік.

Дидактикалық ойын: «Үстел мәзірі»

Қасқыр: Лақтар есікті ашыңдар мен келип турмын сендердің аналарыңмын деп есік қағады.

Лақтар: Біз есікті ашпаймыз,сен біздің анамыз емессің, сенің даусың жуан, сен қасқырсың анам бізге өзінің жұмсақ дауысымен ән айтады,-дейді.

(Қасқыр амалы құрып, даусын өзгертетінін айтып кетіп қалады.Жақын жерден аңдып тұрады.)

Ешкі ана: Әндетіп келеді. Лақтарым,қарақтарым

Балаларым, шұнақтарым

Аналарың келіп тұр

Базардан сыйлық әкеліп тұр. (әнге салып айтады.)

Лақтар: Қуанып есікті ашып жібереді Анашым,анашым бізге қасқыр келді,біз есікті ашқан жоқпыз,тсізді тындадық үстел жасап әзірледік,-теп таласа айтады.

Ешкі ана: Жарайсыңдар, балаларым дұрыс жасағансыңдар, ешуақытта бөтен адамға есікті ашуға болмайды. Кәне үстелге тәттілерді қояық.

-Ой, балалар мен торт әкелуді ұмытып кетіпін , жылдам барып, әкелейін сендер есікті ешкімге ашпаңдар деп кетіп калады.

Жақын маңда жүрген қасқыр аңдып жүріп тағы келеді.

Қасқыр: Ешкінің анасының дауысын салып әнін айтады. Сол кезде лақтар есікті ашып қалады.Лақтарды қуып жүріп қапқа сала бастайды. Кішкентай лақ пешке тығылып қалады.

Ешкі Ана: Қасқыр сен мында нағып жүрсің, менің лақтарым қайда?! Қазір мен орманшыға телефон соғайын, сені дереу алып кетсін.

Қасқыр: Ой ешкі соға көрмеші, мен лақтарыңды қайтып беремін, кешірші, саған гүл сыйлайын. Бүгін мейрам екен ғой.Қасқыр лақтарды қаптан шығарады. Лақтар мама, ма ма деп,- ешкі ананы құшақтайды.

Ешкі ана: Көрдіңдер ме, балаларым бөгде адамға есікті ашуға болмайды.

Қасқыр: Мені кешіріңдер, мен қазір гүл жинаймын балалар маған көмектесесіңдер ме?

Қимылды ойын: «Гүл жинау»

Шарты: Музыка әуенімен шашылған гүлдерді тез құмыраға жинау.

Қасқыр: Жинаған гүл шоқтарын ешкі анаға береді.Екеуі татуласады.

Жүргізуші: 2 Тобымыздың ер балаларының орындалуындағы Комбет биін мерекеге шашу ретінде қабыл алыңыздар.

Би : «Камбоет»

Жүргізуші: 1 Балалар, аналарымыздың, әкелеріміздің анасын кім дейміз?

Балалар: Әже!

Жүргізуші:2 Дұрыс айтасыңдар!

Жүргізуші:1 Әже дейміз, бәрімізде аңқылдап,

Әже дейді жас сәбиде жарқылдап.

Әже деген бәйтерегі өмірдің

Әже деген алтын қазық , алтын бақ

Немере үшін ең мейірімді жан әже

Жалықпай ойнаған ол жасырынбақ.

Жүргізуші:2 Бүгін біздер құрметті де ардақты әжелерімізді ерекше атап құттықтаймыз! Қариясы бар үйдің қазынасы бар,- деп халқымыз текке айтпаған.Сіздерге арналған тақпақтарымызбар ортаға Аймира мен Айсананы шақырайық!

Аймира: Мен әжемді сүйемін,

Киімді өзім киемін

Ақылына көнемін

Тақпақ айтып беремін.

Айсана: Аналарды сүйеміз

Сөзін ойға түйеміз

Әжені де ардақтап

Әдеппен бас иеміз.

Ән: «Әжетайым»

Жүргізуші:2 Ана! Ана! Ана! Не деген мейірімді не деген шапағатты сөз еді. Осынау үш әріптен құралған қасиетті сөздің түп төркінінде қаншама ұлы сезім жатыр десеңші.Жақсылық атаулының барлығы ананың сүтінен жаралған. Қадірлі әжелер, аналар, сүйікті де сүйкімді қыздар мерекелеріңіз құтты болсын!

Жүргізуші:1 О, анашым неткен жансың мейірімнен жаралған

Мәңгілікке арамызда шалқып-тасып жүр аман

Егер де сен еш ауырмай, күліп-ойнап қуансаң

Бұл тәңірден одан басқа, ешбір тілек сұрамаң

Өмірдегі ең асыл жан-Ана! Сол үшін балалар аналарымызды сыйлайық, ардақтайық, еш уақытта ренжітпейік.

Сіздерді тағыда 8-наурыз мерекесімен құттықтаймыз! Балаларымыздың сіздерге арнап жасаған сыйлықтарын қабыл алыңыздар.Осымен «Айналайын , анашым» атты ертеңгілігіміз аяқталды. Келесі кездескенше сау болыңыздар!