БЦП бар балалардың аяқ буындарына арналған түзету жаттығулары

«Алматы облысының білім басқармасы» мемлекеттік мекемесінің Ақсу ауданының «№6 психологиялық-педагогикалық коррекциялық кабинеті коммуналдық мемлекеттік мекемесінің емдік дене тәрбиесі педагогы Жексембекова Дания Темировна

Сабақ жоспары

Тақырыбы: БЦП бар балалардың аяқ буындарына арналған түзету жаттығулары

Сабақтың мақсаттары:

Білімділік мақсаты:

• Баланың психо – эмоционалдық күйін жақсарту;

• Бала ағзасын жаттығулар жасауға дайындау;

Коррекциялық мақсаты:

• Жаттығулар арқылы баланың аяқ буындарын дамыту;

• Арнайы жаттығулар арқылы аяқ бұлшық еттерін нығайту, күшейту;

• Бұлшық еттердегі гипертонусты төмендету

Тәрбиелік мақсаты:

• Баланы еңбек етуге ынталандыру;

• Қозғалыс функциясын белсендіру;

Сабақтың көрнекілігі: кушетка, үлкен сенсорлық доп;

Сабақтың барысы:

ІҰйымдастырукезеңі:

- Сәлемдесу

- Баланың қал-жағдайын, көңіл-күйін сұрау.

ІІ Жаңа сабақ мазмұны:

Дайындық кезеңі

1. Үлкен сенсорлық допқа етбетінен жатқызып, баланы тербету. Арқа, аяқ бөліктеріне классикалық массаж тәсілдерін: сипау,илеп – жұмсарту, ысқылау орындау. Сол арқылы бұлшық еттерін босаңсыту

Негізгі кезең

1. Етбетінен жатқызып, қолын көтеру және түсіру, жанға созу, босаңсытып күшпен итеріп түсіру;

2. Етбетінен жатқызып, қолдарынан ұстап тұрып, кеудесін көтеріп, түсіру;

3. Табанын алдыға бүгіп, артқа созу; Жаттығуды әр аяққа10 рет орындау;

4. Аяғын тізеден бүгіп, сол қалыпта 5 – 8 секунд ұстап тұру, аяғын жазу, сипау, илеп – жұмсарту, бұлшық еттері босаңсығанша сілку.

5. Шалқасынан жатқызып, аяғын тізесінен бүгіп, сыртқа және ішке аяғын айналдыру. Қайталануы 10 рет;

6. Оң жақ қырымен жатқызып, аяғынан ұстап көтеріп түсіру;

Сол жақ қырына жатқызып, аяғынан ұстап көтеріп түсіру;

1. Шалқасынан жатқызып, аяғы тізеден бүгулі. Аяғын оңға және солға итеру, бастапқы қалыпқа келтіріп, жаттығуды бірнеше рет қайталау

2. Дәл сол қалыпта жатқызып, оң аяғы бүгулі, сол аяғын жазу, алма кезек бүгіп жазу; аяқты бүккен кезде сол қалыпта 5-6 секунд ұстап тұру;

3. Шалқасынан жатқызып, 2 аяғынан ұстап көтеру, сол қалыпта 2-3 секунд ұстап тұрып, төмен түсіру;

4. Шалқасынан жатқызып, екі қолынан ұстап көтеріп, түсіру;

5. Нұсқаушының алдына отырғызып, артқа еңкейту; алдыға бүгіп, қолын созу;

6. Шалқасынан жатқызып, баланың ішке қарай аударылуға әрекеттену;

7. Құрғақ бассейнге жатқызып демалдыру;

Қорытындылау:

Барлық дене бөлігін массаждау, сол арқылы бұлшық еттерін босаңсытып, ағзасын тыныштандыру, демалдыру.

Үйге тапсырма:

Жаттығуларды үйде қайталап, орындату; Күніне 2 рет, 10 – 15 минуттан;