БЦП бар балалардың қол буындарына арналған түзету жаттығулары

«Алматы облысының білім басқармасы» мемлекеттік мекемесінің Ақсу ауданының «№6 психологиялық-педагогикалық коррекциялық кабинеті коммуналдық мемлекеттік мекемесінің емдік дене тәрбиесі педагогы Жексембекова Дания Темировна

Сабақ жоспары

Тақырыбы: БЦП бар балалардың қол буындарына арналған түзету жаттығулары

Сабақтың мақсаттары:

Білімділік мақсаты:

• Баланың психо – эмоционалдық күйін оптимальді күйде ұстау;

• Бала ағзасын жүктемеге дайындау;

Коррекциялық мақсаты:

• Жаттығулар арқылы баланың қол буындарын дамыту;

• Арнайы жаттығулар арқылы қол бұлшық еттерін нығайту, күшейту;

• Баланың физикалық жағдайын, ептілік, шыдамдылық қабілетін арттыру;

Тәрбиелік мақсаты:

• Жаттығуларды дұрыс орындауға тәрбиелеу;

• Салауатты өмір салтын ұстануға тәрбиелеу;

• Сабаққа қызығушылығын арттыру;

Сабақтың көрнекілігі: гимнастикалық таяқша, доп, жүгіру жолы

Сабақтың барысы:

І Ұйымдастырукезеңі:

- Сәлемдесу

- Баланың қал-жағдайын, көңіл-күйін сұрау.

ІІ Жаңа сабақ мазмұны:

Дайындық кезеңі

1. Жүгіру жолында 2-3 минут амплитудасын сәл көтеріп, жүгіру;

2. Терең мұрынмен дем алып, ауызбен дем шығарып тыныс алуын қалыпқа келтіру;

3. Орнында тұрып 10 рет секіру;

4. Терең дем алып дем шығару;

5. Аяқтың ұшымен, өкшемен, сыртқы және ішкі қырымен жүру;

Негізгі кезең

1. Қолды айқастырып, алдыға артқа айналдыру; 10 рет

2. Қолды айқастырып, алдыға қарай созылу; 6 рет

3. Кіші допты алып, екі қолдың арасында ұстап жоғары төмен допты айналдыру;

4. Жұдырықты ашып жұму; 10 рет

5. Қолды білезік буынынан айналдыру ішке және сыртқа;

6. Қолды жоғары көтеріп терең мұрынмен дем алып, ауызбен дем шығарғанда қолын төмен түсіру;

7. Иығын алдыға және артқа айналдыру;

8. Иығын жоғары көтеріп ,терең дем алып, дем шығарғанда иығын төмен түсіру;

9. Аяқ алшақ қойып, қолы шынтақтан бүгілу, ұшу әрекетін орындау;

10. Аяқ алшақ , қолын алдыға артқа алма кезек айналдыру;

11. Аяқ алшақ,қол жанда; шапалақ ұру: төменде, жоғарыға, оңға және солға;

12. Допты алдында ұстап тұрып, төменнен жоғарыға лақтырып, ұстап алу;

13. Доппен баскетбол ойынының қимылдарын орындау;

14. Оң қол кеудеде, сол қол құрсақта мұрынмен дем алып, ауызбен дем шығару;

15. Аяқтың ұшына тұрып, қолын жоғары көтеріп терең дем алу, қолын тез төмен түсіріп дем шығару;

Қорытындылау:

• Біз бүгін сабақта не жасап үйрендік?

• Сабақ ұнады ма?

• Қандай жаттығу көбірек ұнады?

Үйге тапсырма:

Ертеңгілік гимнастиканы күнделікті орындау; көрсетілген жаттығуларды қайталау;