"Жастар мен жасөспірімдердің діни сауаттылығын дамыту" аудандық семинар

«Жастар мен жасөспірімдердің діни сауаттылығын дамыту» атты аудандық семинар.

Семинардың мақсаты: Қазақстанның болашағы-жастарымыздың өзге діндердің бұғауына түсіп кетпей, саяси сауатты, ынтымақ пен бейбітшіліктің тірегі, өз елінің ұлтжанды азаматтары болуға тәрбиелеу және діни бағыттағы сауаттылығын жетілдіру.

Қазіргі таңдағы маңызды болған мәселенің бірі, бұл – дәстүрлі емес діни қозғалыстардың қызметтерін ретке келтіру. Себебі, олардың әрекеттері қоғамда кереғар көзқарастар туғызып келеді. Қоғам мүшелерінің біршамасы өзінің тарихи, дәстүрлі діндерінен шығып, секталардың шылауында адасып жүр. Атақты тарихшы Л. Гумилев: «Бір халықты идеологиялық тұрғыда жаулап алу, қару қолданып, күш жұмсаудан арзан, әрі анағұрлым тиімді» - екенін айтқан.

Біз тілімізді, дінімізді, салт-дәстүрімізді мәнгі ұмытпауға, оны әрдайым есте сақтауға міндеттіміз. Басқа діни секталардың арбауына түсіп өз дінін, өз отанын сату деген сөз. Себебі, дін біздің рухани болмысымыз, бүгінгіміз бен ертеңіміз және болашағымыз.

Қоғамда жастардың діни сауаттылығын жетілдірудің қажеттілігі немесе адастырушы діни ағымдармен күресудің жолдары қолға алынған. Мектепте және жоғарғы оқу орындарында дінтану, теология курстарын тереңдету оқытуды қажет етеді. Мемлекет тарапынан арнай бағдарлама құрылып, жастардың өзге діннің шырмауында кетпесі үшін алдын алу жұмыстары атқарылады, осыған орай «№35 орта мектеп» мемлекеттік коммуналдық мекемесінде 2017 жылы 26 сәуір күні «Жастар мен жасөспірімдердің діни сауаттылығын дамыту» атты аудандық семинар өткізілді. семинарға аудандық білім бөлімінің мамандары, директордың тәрбие ісі жөніндегі орынбасарлары қатыстырылды. Мектептің мәжіліс залында алғы сөзбен мектеп директоры Исаева Т.С. семинарды ашты. Мектеп психологы М.Ибрагимова «Психологиялық жағымды ахуал қалыптастыру» атты тренинг өткізді. Дінтану пәнінің мұғалімі С.Еменов 9-10 сынып оқушыларымен «Религиозная грамотность-основа стабильности общества» атты сыныптан тыс шараны өткізді. Дінтану пәнінің мұғалімі С.Дюсембаев 9 сынып оқушыларымен «Діни экстремизм мен терроризмнің ұлттық қауіпсіздікке қатері» атты топтық жұмыс көрсетті. 11 сынып жетекшісі М.Ибрагимова «Духовно-нравственное воспитание» атты ата-аналар жиналысын өткізді. Жиналыста әр түрлі тренинг, сауалнамалар жүргізілді. Семинардың соңынан талдау жұмыстары жүргізіліп, қорытынды шығарылды.

ДТІЖО К.Майлыбаева

Алматы облысы

Іле ауданы Жаңаарна ауылы

«№35 орта мектеп» МКМ