Ж.Аймауытовты? «?нші» ??гімесі.

7- сыныпта Ж.Аймауытовтың«Әнші» әңгімесін оқыту

Сабақтың тақырыбы: Ж.Аймауытовтың «Әнші» әңгімесі.

Сабақтың мақсаты: білімділік-Жүсіпбек өмірі мен шығармашылығына түсінік бере отыра «Әнші» әңгімесінің мазмұнын меңгерту, шығарманы талдау, ән өнерінің құдіретін таныту.

Тәрбиелік: Өнерді сүюге, қадірлеуге, әнге құштарлық, өнер адамдарына деген көзқарасты қалыптастыру.

Дамытушылық: Оқушылардың шығармашылықтарын арттыра отырып, тіл байлықтарын, сөздік қорларын дамыту.

Пәнаралық байланыс: тарих,музыка.

Көрнекіліктер: Кітап көрмесі, газет-журнал материалдары т.б.

Сабақтың түрі Жаңа сабақты меңгерту, түсіндіру, талдау, өзара талқылау.

Әдісі: талдау, топтастыру арқылы мәтінді меңгерту.

Сабақтың барысы. I. Кіріспе. а)Ұйымдастыру кезеңі.

ә)Үй тапсырмасын сұрау.

Үйге берілген тапсырманы сұрау.

Берілетін сұрақтар.1.Әміре Қашаубаев туралы не білеміз?

2. Семей қаласының шығу тарихы жөнінде не айтамыз?

3.Семей өңірінен шыққан қандай әншілерді білеміз?

4.Әміре мектебін жалғастырушылар туралы не

айтамыз?

Оқушылардың іздену жұмыстары тыңдалады.

II.Жаңа сабақ.

Мұғалімнің кіріспе сөзі: Қазақ әдебиеті алыптарының бірі- Ж.Аймауытов. Қазақ әдебиетін жанр жағынан дамытудағы еңбегі өте зор.Оләдебиеттің барлық жанрында қалам тартқан. Әдебиетіміздің, театрдың, ғылымның дамуына айырықша қызмет еткен қаламгердің еңбектері 60 жыл бойы оқушы назарынан тыс қалды. 1988 жылдан бастап қана оның өмірі мен шығармашылығы оқытыла бастады. Жүсіпбектің артында мол мұра қалды. Интерактивті тақтамен жұмыс жүргізу.

1.Прототип туралы түсінік беру.

2.Жүсіпбектің отбасы туралы қысқаша шолу жасау.

3.Жүсіпбектің шығармаларына тоқталу.

4.Ж.Аймауытов топтастыру әдісі бойынша жұмыс.

III.«Әнші» әңгімесін талдау үшін сыныпты топқа бөлеміз.

1-топ 43-44 бет

2-топ 45-46 бет

3-топ 47-48 бет

4-топ 49 беттерді оқу,талдау, мазмұндау, жоспар құру.

Жетелеуші сұрақтар

1.Әңгіме экспозициясы қалай басталады?

2.Автор Әмірқанның түр-түсін қалай суреттейді?

3.Әмірқанның мінез-құлқы мәтіндегі қандай жолдардан байқалады?

4.Ән,өнер туралы Әмірқанның өзі не не ойлайды? Өнерді қалай түсінеді?

5.Жазушы ән құдіретін қалай көрсетпекшіболады?

6.Әмірқан әншілік өнерді кімдерден үйренеді?

7.Жұмабек прототипі кім?

IV.Әңгімеге композициялық жоспар құру.

Интерактивті тақтамен жұмыс. Әр топқа тапсырма қағаздары таратылады.

I топ - мінезі;

II топ - қарым-қатынас;

III топ - кәсібі;

IV топ - дауысы.

V. Мәтінмен жұмыс.Шығарманың тілдік ерекшелігіне талдау жүргізу.

Кесте 1 – Мәтінмен жұмыс жүргізу үлгісі.

VI.Шығармашылық жұмыс.Өнер, ән құдіреті туралы өлең шығару, «Ақтамақ хикаясы» эссе жазу.

Сабақты бекіту сұрақтары беріледі.

1.Әңгімедегі әнші есімі кім?

2.Жазылған жылы.

3.Әмірқанның өмірдегі бейнесі кім?

4.Әмірқан кім? Әншілік өнерді кімнен үйренді?

5.Әмірқан әнді қалай орындайды?

6.Автор әншімен қайда кездесті?

7.Әмірқанның тұрмыс-тіршілігі қандай?

8.Наурыз мейрамы қалай ұйымдастырылды?

9.Жазушының әңгіме жазудағы түпкі ойы қандай?

10.Әңгімеден қандай әсер алдыңдар?

11.Әңгіменің идеясы қандай? Өнер адамының халыққа,туған елге қызмет етуі.

12. Ән, өнер туралы Әмірқанның өзі не ойлайды.? Өнерді қалай түсінеді?

13.Жазушы ән құдіретін қалай көрсетпекші болады?

Ж.Аймауытов - қазақтың ән өнерін жоғары бағалаған талантты жазушы.Ол әнді сүйіп өсті, өзі де ән айтқан. «Ахау Семей», «Бір бала» әндерін жазған.

Әміре Қашаубаев -ән асқары, қазақ өнерінің жарық жұлдызы, ұлттық мақтанышымыз. Қазақ халқының бай өнері мен жоғары мәдениетін барша халыққа паш етті. Франция сияқты өркениетті елге өнеріміздің құдіреттілігін мойындатты.Француздың әйгілі жазушысы, үлкен музыка сыншысы Ромен Роллан Әміре өнеріне сүйсініп: «Мен Шығыста әншіні бұлбұл құсқа неге теңейтінін енді түсіндім»,-деген.

VII. Сабақты бағалау. Үйге тапсырма беру. «Егер мен жазушы болсам» эссе жазу. Әңгімедегі кейіпкерлер бейнесін ашу.

I. топ. 43-44 беттерді оқу.

1.Оқу, қысқаша мазмұндау, композициялық жоспар құру.

2.Әмірқанның мінезі қалай суреттелген, мәтіннен тауып оқу, топтастыру әдісі бойынша түсіндір.

3.Шығараманың тілдік ерекшелігіне талдау жаса.

Мәтіндегі жер, су аттарын теріп жаз.

II. топ.45-47 беттерді оқу.

1.Оқу, қысқаша мазмұндау, композициялық жоспар құру.

2.Ән, өнер туралы Әмірқанның өзі не ойлайды? Өнерді қалай түсінеді? Автор оны қалай баяндайды? Мәтіннен тауып оқу.

Кәсібін топтастыру әдісі бойынша түсіндіру.

3. Шығарманың тілдік ерекшелігіне талдау жаса.

Мәтіндегі адам есімдерін теріп жаз.

III. топ.48-49 беттерді оқу.

1.Оқу, қысқаша мазмұндау, композициялық жоспар құру.

2.Тыңдаушыға Әмірқан әнінің әсері, Әмірқан әнді қалай орындайды? Мәтіннен тауып оқу.

Адамдармен қарым - қатынасын топтастыру әдісі бойынша түсіндіру.

3. Шығарманың тілдік ерекшелігіне талдау жаса.

Мәтіндегі кездесетін тау аттарын теріп жаз.