Тема :"Буцхаст магуса соефтдзаг коены"

Гом урок ирон литературœйы 5-œм къласы.

« Буцхаст магуса сœфтдзаг кœны».

Ирон œвзаг œмœ

литературœйы

ахуыргœнœг

Хъалабекты А.А.

МАОУБ СОШ №7

Дзœуджыхъœу

Урочы темœ: « Буцхаст магуса сœфтдзаг кœны»

Мамсыраты Дœбейы радзырд

« Хъœндилмœ» гœсгœ.

Урочы тип: рацыд œрмœг фœлхатгœнœн урок, нывœцонмœ цœттœкœныны урок.

Урочы хœстœ: 1. Ахуырадон: Ныффидар кœнын

Мамсыраты Дœбейы сфœлдыс-

тадœй зонындзинœдтœ.Чермен

Хъœндилы фœлгонц равзарын.

2. Хъомыладон хœс: Ахуыр кœнын

хœрзœгъдау œмœ куыстуарзаг

уœвыныл, адœмы œхсœн аккаг

бынат бацахсынмœ тырныныл.

3. Зонадон райрœзты хœс: Ныхасы

рœзтыл бакусын, сывœллœтты

хъуыдыкœнынад арфдœр кœнын,

раст пайда кœнын ныхасы даргъ

хъуыдыйœдтœй.

Урочы фœлгонц: фœйнœгыл фыст œмбисœндтœ,

карточкœтœ, итерактивон фœйнœг,

нывтœ, чингуытœ, тетрœдтœ.

Урочы пълан.

I. Организацион хай.

II. Фœлхат: œмбисœндтœ, дзырдуатон куыст.

III. Хœдзармœ куыст сбœрœг кœнын.

IV. Хъœндилы _ фœлгонц равзарын.

V. Хатдзœгтœ, бœрœггœнœнтœ.

VI. Хœдзармœ куыст раттын.

Урочы цыд.

I. Организацион хай. Сбœрœг кœнын урокмœ цœттœдзинад. Чингуытœ, дзырдуœттœ, боныгтœ сбœрœг кœнын.

II.Фœлхат. а). Мах базонгœ стœм Мамсыраты Дœбейы радзырдимœ « Хъœндил». Радзырды сœйраг архайœг Хъœндилыл мах абон бœстон œрдзурдзыстœм, скœндзыстœм хатдзœг, цавœр адœймаг у нœ сœйраг архайœг, цœмœн нын œй равдыста Дœбе œмœ бацœттœ кœндзыстœм нœхи цыбыр фысгœ куыстмœ.

œ). Фœлœ уал нœ зœрдыл œрлœу-уын кœнœм: цы зонœм Дœбейы тыххœй.

• Кœд райгуырдис Мамсыраты Дœбе œмœ кœм?

( МамсыратыД. Райгуырд 1909 азы,

Дœргъœвсы.)

• Цавœр уацмыстœ ныффыста Дœбе сывœллœт- тœн?

(«Суадœттœ», « Джерихан»,

« Бипп-Бипп».)

• Æмœ дзы цы бакастыстœм мах Дœбейы фыст уацмыстœй?

(Мах бакастыстœм 4-œм къласы

радзырд «Бипп-Бипп».)

• Уцы радзырд та цœй тыххœй уыд?

(« Бипп-Бипп »хъарм бœстœм куыд

тахт œмœ йœ адœм куыд фервœзын

кодтой…)

б). Ныр та рахизœм нœ радзырдмœ

« Хъœндил». Чи зœгъдзœн:

• Чи у Хъœндил? Куыд œй йœ федтам мах фыццаг

хатт.

(Хи ных. дзурœм.)

• Цы йœ хоны йœ ус?

(фарс 192. Кœсœм чиныджы: «Йœ ус

саулагъз, къœсхуыр, тœнтъихœг,

фœлœ фидар сылгоймаг, фœсдуар

œхсы дзаумœттœ œмœ цыма, йœхи-

имœ дзуры, афтœ зœгъы:

-Цы Хуыцау мын фœкодта мœ хай

ацы œмбыд къодахы? … Лœгау

искуыдœм нœ ауайдзœн, ницы

ацамал кœндзœн. …

• Æмœ цымœ цœмœн рауад Хъœндилœй магуса лœг? Хъœндил! Æндœр ном ын нœ уыд?

( Иунœг лœппу уыд, хъахъхъœдтой

йœ, œдзух ын дзырдтой : …фарс 194

• Хорз адœймаг рауад Хъœндилœй?

1. Куыд дары йœхи йœ ныййарджытœ куы œррынчын сты, уœд?

(фарс 195 « Мад œмœ фыд

сœнттœ цœгъдын куы байдыдтой,

уœд œм куыддœр фœкаст œмœ

кœл –кœлœй худын байдыдта.)

1. Зианы: (фарс 196. « Уыцы дœр. … Фыццаг

кœуынмœ дœр нœ хъавы, фœлœ йœ

алыварс адœм богъ –богъ кодтой,

кœртœй кœйдœр марой куы œрбай-

хъуыст, у-у-у, нœ хœдзар фехœлд…)

3 – Йœ бинойнагмœ та йын цы ахастытœ ис?

(Ус œй дары, œнкъарœнтœ йœм нœй

œрмœстдœр хœринаг амал кœнынœн.

– фарс 197)

• Цымœ цœмœн равдыста фыссœг махœн Хъœндилы цард? Цœмœн схуыдта фыссœг йœ радзырды сœйраг архайœджы Хъœндил – номœй?

(Хи ных. дзурœм)

• Хъœндилмœ уœм цавœр œнкъарœнтœ сœвзœрд уыцы рœнхъытœ кœсгœйœ?

( Хи ных. дзурœм)

• Уœхи ныхœстœй радзурут, уœ зœрдœмœ дзы цы фœцыд уый?

(2-3 сывœллоны дзуры.)

III. Хъœндилы фœлгонц. Фœрстытœ œвзаргœйœ хъœугœ дзырдтœ фыссœм тетрады. Фœрстытœ œвзаргœйœ бœрœг кœнœм.

* Йе`ддаг бакаст.

* Хъуыдытœ.

* Бынат œхсœнады.

* Ахаст иннœтœм ( бин., ус., œмгœрттœм)

* Миддуне.

IV. Дзырдуатон куыст. Ацы дзырдтœ ма œндœр

хузœн куыд и зœгъын.

а). Тарсти зынг бахуыссынœй – амœлынœй.

(фразеол., - синоним)

œ). Фондз œмœ дыууиссœдз азы – цыппор фондз

( куыд ма фœдзурœм)

б). Кадеттœ – тох кодтой мœгуырты ныхмœ.

в). Большевиктœ – мœгуыр адœмы сœрыл тох кодтой.

( Кадет., œви Большевик.,

уыдысты œвзœрдœр?)

Уœ тетрœдты фœбœрœг кœнут ацы дзырдтœ.

V. Æмбисœндтœ. Ныр та ма œркœсут ацы 2-œ œмбисондмœ. Цавœр дзырдтœ цухгонд œрцыд, цœмœн сœ райстон œз?

1. Магуса йœ … йеддœмœ ницы ндавы.

2. Магусайœ … дардмœ лидзы.

Уыцы œмб. Хауынц Хъœндилмœ, уый тыххœй œмœ йœ гуыбыны мœт йеддœмœ ницы кœны. Дард у, царды цы стыр ивддзинœдтœ цœуы, уыддонœй. Не` мбары œхсанады адœм цы кусынц, цы архайынц.

Чи сты кадеттœ, большевиктœ цœуыл у сœ тох?

• Фœлœ кадеттœ œвзœр сты уый бамбœрста уœддœр куыд? (хи ных. дзурœм.)

• Бантысти йын йœхи бахъхъахъœнын? Куыд?

• Æгады мœлœт кœй у, уый нын Дœбе куыд œвдисы?

VI. Хатдзœг. Уœдœ ныр цы радзырдтам œмœ равзœрстам, уыдонœн хатдзœг скœнœм.

1. Чермен – буцхаст сывœллон.

2. Чермен – номœй Хъœндил – номмœ.

3. Хъœндил – магуса, хиуарзон.

4. Хъœндил – тœппуд.

5. Мœ ахаст Хъœндилмœ.

Ахуыргœнœг. Мах бакастыстœм Дœбейы радзырд

« Хъœндил». Бирœ цœуылдœрты нœ ахъуыды кœнын кодта радзырды сœйраг архайœг Хъœндил. Уыцы хъуыдытœм сœ сœйрагдœр у : адœймаг цœмœн равзœры œмœ йыл цы хœстœ ис царды? Цы у йœ царды нысан?

Уыцы хœстœн та сœ ахсджиагдœр у куыст, фœллой. Мœнœ поэт Хъодзаты Æхсар куыд фыссы куысты, фœллойы тыххœй:

Куыст суры нœ риутœй œрхœндœг.

Зœрдœргъœвдœй, райгœйœ кус, -

Куыст фидауц у,`хсар у, лœггœнœг,

Дœ цард уœд уыдзœнис œнус.

Куысты тыххœй бирœ дзурœн ис. Куыст у адœймагœн йœ царды хос. Æгуыстœй адœймагыл цард нœ хœцы. « Кусгœ чи нœ кœны, уый хъуамœ хœргœ дœр ма кœна».

Фœлœ Хъœндил хордта, уымœн œмœ йын фœци кусаг ус. Уымœ œнхъœлмœ касти Хъœндил, кœд та райсдзœн йœ бинойнаг колхозœй йœ куыстœнкъуымбил, хор. Йœхœдœг та хъœдœй суг œрласынœн дœр нœ уыд. Йœ цœргœ – цœрœнбонты мœлœтœй тарсти. Хъœндил – ном дœр ыл уымœн сœвœрдтой. Кœй хъуыд œмœ хъœуы ахœм адœймаджы цард? Цымœ цœмœн райгуыры ахœм адœймаг?

Æрмœстдœр цœттœтœй пайда кœна, œмœ уымœн?

Адœймагыл бирœ хœстœ œвœрд ис œппœты фыццœг адœмы раз. Йœ бинонты, стœй йœхи раз дœр. Ирон œмбисонд ахœм ис: « Хорз лœг адœмœй хœс дары», зœгъгœ. Хъуамœ алчидœр тырна уымœ, œмœ йын адœмы œхсœн уа кад, аргъ ын кœной, йœ алыварс чи ис, уыдон. Уый та аразгœ у адœймагœн йœхицœй. Хъаруджын, œгъдауджын, цœстуарзон куы уат, адœмимœ хœларœй куы цœрат, царды исты хорздзинад ныууадзынмœ куы тырнат, уœд, зœгъœн ис, дзœгъœлы нœ райгуырд адœймаг.

Æвзœр уœвынœй œнцондœр ницы ис. Мœнœ Хъœндил уœ цœстытыл ауайœд œмœ йœ уœд бамбардзыстут. Дзœгъœлы нœ загъта фœндаггон лœг Хъœндилы уысœн: « Нœ зонын, цавœрдœр хъœндилыл дзы асин рафœлдœхт». Æмœ дис кодта: « Цымœ хъœндилы мардыл цœмœн афœлурс уыдаид?...»

Хорзы ном хœссыныл та бирœ фыдœбон ис. Дзœгъœлынœ фœзœгъынц œнœ фыдœбонœй ницы ис, зœгъгœ. Хъœндилœн дœр йœ хъысмœт хъуамœ афтœ нœ рауадаид, йœ ныййарджытœ йын буц митœ куы нœ кодтаиккой, алцœмœй йын куы нœ тарстаиккой, уœд.

Æввонгхор, магуса уœвын у худинаг œмœ йœ уœ сœрмœ макуы œрхœссут.

VII. Хœдзармœ куыст: ныффыссын нывœцœн « Фœллой у кады œмœ царды хос».