Сыйластық. Жалғау, оның түрлері. Көптік, тәуелдік жалғаулары

Сабақтың тақырыбы: Сыйластық. Жалғау, оның түрлері.

Көптік, тәуелдік жалғаулары

Сабақтың мақсаты:

Білімділік:әрбір сөздің белгілі бір ұғымды білдіретінін, сөйлемдегі сөздердің орны мен өзара мағыналық байланысы болатынын түсіндіру.

Дамытушылық:өз бетімен жұмыс жасау арқылы теориялық ойлауын, жазба тілін, байланыстырып сөйлеуін дамыту.Шығармашылық қабілеттерін, пәнге деген қызығушылығын арттыру.

Тәрбиелік:білімпаздыққа, еңбексүйгіштікке, ұқыптылыққа тәрбиелеу.

Ынталандыру: оқушылар алған білімдерін болашақта тәжірибе барысында жүзеге асыруы қажет.

Сабақтың әдісі: түсіндіру, сұрақ-жауап, ойын, өз бетімен жұмыс, СТО әдістері.

Сабақтың түрі: аралас

Сабақтың көрнекілігі:сандықша, интерактивті тақта, кеспе қағаздар.

Сабақтың барысы:

І Ұйымдастыру кезеңі

ІІ Жаңа материалды меңгертуге арналған жұмыс түрлері

Мұғалім алдымен бүгінгі сабақтың тақырыбына оқушылардың назарын аударады. Сабақ тақырыбына байланысты тіл дамыту, оқушы қызығушылығын ояту мақсатында 1-тапсырма бойынша ой қозғау сұрақтарын береді.

• Сөздік дегеніміз не?

• Сөз құрамы дегеніміз не?

• Сөз құрамының түрлерін ата?

ІІІ Жаңа сабақ

Адамның басшысы – ақыл, шолушысы – ой, жетекшісі – талап, қорғаушысы – сабыр, сынаушысы – халық, таусылмайтыны– арман, ең қымбаттысы – ар сақтау, бәрінен ардақтысы – өмір сүру, соның ішінде ең тәттісі – сыйластық.

1 тапсырма. Көп нүктенің орнына тиісті жалғауларды қойып, жалғау түрлерін айтыңыз.

1. Қазақ... қымыз... көбінесе, жылқы терісі... жасалған саба..., торсық...

ашытады. 2. Өзім... бақыт...бөлеген Қазақстан... мақтан ете... 3. Мәди өзі... білген өнер... жолдастар... үйретуден жалықпайды. 4. Құс... ұя... шығар мезгілі таң шапағы... басталады. 5. Бала... өнегелі де атақты адамдар... өмірі мен қызметі жайындағы кітапты оқудың пайдас... зор.

2 тапсырма.Лексика-грамматикалық тест

3 тапсырма. Тиісті қосымшаны қойып көшіріп жаз.

Пирамида –  бейбітшілік пен келісім сарай…. Оны салған көрнек… британ… сәулет… Норман Фостер.  Пирамида… табанында опера зал… бар. Жоғары бөлігінде ғимарат… негізгі бөлме… бар. Онда Қазақстан ассамблеясының кеңселер…, мұражайлар, көрмезалдар… орналасқан.

4 тапсырма. Көп нүктенің орнына тиісті жұрнақтарды қойып, сөз тудырушы жұрнақтардың астын бір сызықпен, сөз түрлендіруші жұрнақтардың астын екі сызықпен сызыңдар.

1. Ерін...тің ісі – екі.

2. Балық... балық...ны алыстан таниды.

3. Өнер... өрге жүзер.

4. Бір... болмай тірлік болмас.

5. Кедей... – кемдік емес.

6. Білім... күнің жоқ.

7. Ер ... айтпас, айт... қайтпас.

8. Таза... – тамаша әсем...тің басы.

9. Ізде... табады. Сұра... алады.

ІV Үй тапсырмасы. Өтілген тақырыптар бойынша ережелерді оқып, жаттау.

V Рефлексия. Сыныпқа рефлексиялық-танымдық тапсырмалар беріліп, талданып, оқушылар бүгінгі сабақ бойынша өз ойларын айтып, ой қорытады.

VІ Сабақты қорытындылау. Мұғалім оқушылар арасында жағымды психологиялық жағдай қалыптастыра отырып, сабақты аяқтайды.