План-конспект урока "Казан театрлары"

Дәрес темасы: Казан театрлары.

Дәреснең максаты:

1. Укучыларның алдагы дәресләрдә театрлар турындагы алган белемнәрен искә төшерү, ныгыту

2. Аралашу һәм коллективта хезмәттәшлек итү күнекмәләрен, логик фикерләү, уйлау сәләтен үстерү

3. Театрларга карата мәхәббәт, ихтирам тәрбияләү

Дәрес тибы: белем һәм күнекмәләрне системалаштыру дәресе.

Җиһазлау: проектор, компьютер,экран, кәгазь битләре, җилем, маркерлар, рәсемнәр, презентация.

Дәрес барышы:

1.Оештыру.

Уңай психологик халәт тудыру. (ХАЙ ФАЙВ)

Исәнләшү.

Укытучы:Исәнмесез, балалар! Хәерле көн! Кәефләрегез ничек?(...)

Ә хәзер каршыдагы партнерыгызны сәламләгез (сәламлиләр), һәм яныгыздагы парнерыгыз белән кул биреп исәнләшегез (исәнләшәләр). Бер-берегезгә карап елмаеп алырга да онытмагыз.

- Бүген ничәнче число?

- Атнаның кайсы көне?

1. Өй эшен тикшерү.

Укытучы: Бүгенге дәрестә без театрлар турында белемнәребезне тирәнәйтербез. Өй эше Г.Камал исемендәге татар дәүләт академия театры турындагы текстның эчтәлеген өйрәнергә иде. Өй эшен тикшерү өчен, сезнең алдыгыздагы кәгазь битләре кирәк булыр. Һәр төркемнең 2 нче номер астындагы укучысы әлеге кәгазьне урталай бөкләп ерта һәм каршы як партнерга бирә; ә болар икесе әлеге кәгазьне урталай бөкләп янындагы партнерга бирә. Ә хәзер һәр укучы текстның эчтәлеген өйдә өйрәнгән кадәр кәгазьгә яза. (3 минут вакыт бирелә).

Укытучы: Укучылар, хәзер һәр укучы үзенең язганнарын чират буенча укып чыга, калганнар өстәмәләр кертә.(2 минут вакыт бирелә).(ОЛ РАЙТ РАУНД РОБИН). Вакыт бетте. Хәзер җавапларны тикшерәбез. Кемнең күзе зәңгәр, шул укучы җавап бирә. (...)

1. Яңа материалны үзләштерү.

Укытучы: Укучылар, мин сезгә сораулар бирәм, ә сез җаваплар бирәсез.

• Казанда ничә театр бар? Исемнәрен атагыз. (1-3 слайдлар)

• Ирек мәйданында кайсы театр урнашкан? (4 слайд)

• Ул ни өчен М.Җәлил исемен йөртә?

• Казанда нинди зур халыкара фестивальләр уза? (5 слайд)

• Татар дәүләт драма һәм комедия театры кем исемен йөртә?

• В.Качалов исемендәге зур рус драма театры кайсы урамда урнашкан?

• Сез спектакльләр карарга яратасызмы? (6 слайд)

• Нинди спектакльләр күбрәк ошый?

• Казанда балалар өчен нинди театрлар эшли? (7 слайд).

Яхшы, рәхмәт.

1. Ныгыту.

Укытучы: Ә хәзер театрлар турындагы белемнәрне ныгыту максатыннан постер (афиша) төзибез. Постер башлангыч сыйныф укучылар өчен төзелә. Сезнең максат нинди? Башлангыч сыйныф укучыларына театр турында мәгълүмат бирү. Сезнең өстәлләрдә рәсемнәр, маркерлар, җилем бар. Сезгә 10 минут вакыт бирелә. (балалар эшлиләр).

Укытучы (вакыт бетү белән): Вакыт бетте. Ә хәзер 2 нче номер астындагы укучы әлеге эшне яклап чыксын. (РАФТ)

1. Йомгаклау.

а) Сез бүгенге дәрестә белемнәрне тирәнәйттегезме? Сезгә бүгенге дәрес ошадымы? Үз эшегезне бәяләгез.

Дәрес материалын яхшы үзләштердем дип уйлый, шулар бассыннар. (...)

Кемнәр канәгатьләнерлек булды ди, шулар бассын. (...)

Кемгә авыр булды? (..) (ТЭЙК ОФ – ТАЧ ДАУН)

б) Өй эше бирү:

үзегез караган берәр спектакльгә афиша (постер) ясарга.

в) Укучыларны бәяләү.

г) Саубуллашу.

Сау булыгыз. Уңышлар сезгә. Рәхмәт.