М?лдір б?ла? - жасыл ??ра?

Сабақ мақсаты: Оқушылардың адам мен табиғат арасындағы сүйіспеншілік құндылығы туралы түсініктерін кеңейту.

Міндеттері:

Оқушылардың табиғаттың тұтастығы туралы ұғымдарын кеңейту;

Оқушылардың табиғатты сақтау, аялау сезімдерің дамыту;

Табиғатқа сүйіспеншілікпен мейірімділікке, қамқорлыққа тәрбиелеу.

Ресурстар:

оқулық, дәптер

(аудио жазбалар,қима парақшалар)

Сабақ барысы:

1.Ұйымдастыру кезеңi: Сәлемдесу.

Оқу - құралдарына назар аудару. 5Т

2.Тыныштық сәтi.

«Күннің нұры» (3 - 4 мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

3.Үй тапсырмасын тексеру:

Жойылып,құрып кету қаупі төніп тұрған табиғат ғажаптары атынан жазған өтініш хаттарын тексеру.

Балалар бір - біріне сұрақтар қояды.

Хан жарлығы мен ел жұрттың әрекеті табиғатты қандай жағдайға душар етті?

Құнарлы жердің бетпақ далаға айналуының себебі неде?

Мен үшін табиғат маңызды, өйткені...

Сабақ барысын талдау:

4.Дәйексөз.

«Таза болса,табиғат,

Аман болар адамзат!»

(Ф.Оңғарсынова)

Қоршаған орта неғұрлым таза болса, адамның денсаулығы мықты,көңіл күйі көтеріңкі болады.

Бәріміз қосылып айту.

2-рет ұлдарға, 2- рет қыздарға айтқызу. Барлығы бірге.

5.Әңгiмелеу

Табиғатты аялайық!

Ғ.Құлахметов

Табиғаттың адам өміріне маңызы неде?

Табиғатқа өз қарым қатынасыңды қалай білдіресіңдер?

Табиғат пен адам арасындағы үйлесімділік дегенді қалай түсінесіңдер?

6.Шығармашылық жұмыс, топтық жұмыс.

Балаларға тапсырмалар беру:

1.Ынтымақ

2.Жанашырлық

3.Табиғат

Табиғатты қорғау,аялау жайлы сызбаны толтыру.

Ағашқа өз тілектерімізді жазып жабыстырайық. Оқушылар тіліктерін оқып, жабыстырады.

7.Топпен ән айту.

«Жас дәуірдің түлегіміз»

  Сөзі:Е.Өтетілеуовтікі

Әні:И.Нүсіпбаевтікі

Өзіміз туған,

Көбелек қуған

Өлкеде өсіп, толамыз.

Жалықпай оқып,

Көңілге тоқып

Білімді адам боламыз.

Жадырап күндей,

Жайнаған гүлдей

Бақытты біздер баламыз!

Аялар бізді

Қамқоршы ізгі

Сүйікті отан анамыз.

Отанды мақтап,

Айтамыз тақпақ

Шырқатып әнге саламыз.

8.Үй тапсырмасы.

21-сабақ. «Табиғатты қорғау және сақтау» атты жоба жасау.

9.Соңғы тыныштық сәтi.

(Тыныштық... бар жерде, тыныштық... бүкiл әлемде)

- Енді көзімізді жұмып осы сабақта айтылған ойлар мен істерді ой елегінен өткізіп көрейікші.

- Барлық айтылған жақсы ойларды жүрегіміздің түкпіріне апарып орналастырайық.

- Енді көздеріңді аша ғойыңдар. Сабақ аяқталды. Бүгінгі күндерің қуаныш әкелсін!