Ма?сат-жетістік желкені

Сабақ мақсаты:

- оқушыларды өз болашағы бағытын айқындап, мақсат қоя білуге үйрету.

Міндеттері:

- оқушыларға өмірлік мақсаттарын нақты белгілей білу және өз мұратына жету жолдары туралы түсінік беру;

- рухани адамгершілік құндылықтарды басшылыққа ала отырып, оқушылардың өзін - өзі жетілдіру арқылы болашаққа құштарлығын арттыру;

- оқушыларды өз болашағына деген жауапкершілікке, сенімділікке тәрбиелеу.

Ресурстар:

Кітап,

Дәптер,

Парақ

Сабақ барысы:

1.Ұйымдастыру кезеңi.

а) Оқушылардың сабаққа қатысуларын және оқу құралдарын тексеру.Зейіндерін сабаққа аудару.

ә) 5 « Т» ережесін еске түсіру.

Талап

Тәртіп

Тыныштық

Татулық

Тазалық

Тыныштық сәтi. «Нұрға бөлену» 5 минут

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға бағыттаңыз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер жасайды және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, сөздер ғана айтады. Нұрды ақырындап құлақтарыңызға жетті, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, ой келеді. Нұр бірте-бірте қарқындалып шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын Осы нұр бүкіл әлемге: барлық адамдарға, жан-жануарларға, өсімдіктерге таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын» Осындай Нұр, Махаббат және Тыныштық күйінде сәл отыра тұрыңыз... Енді осы Нұрды жүрегіңізге орналастырыңыз. Себебі нұрға толы бүкіл әлем сіздердің жүрекгеріңізде. Оны осындай әсем қалыпта сақтаңыз. Жаймен көзіңізді ашуға болады. Рахмет. Қандай сезімде болдыңыздар.

2.Үй тапсырмасын тексеру: 7 минут

№ 5- сабақ, 26– беттегі

Б. Төреқыздың әңгімесін оқу

Жұмыс дәптерінде берілген ой – тұжырымды оқып, өз толғаныстарыңмен жазыңдар

Әңгіме бойынша қойылатын сұрақтар

- Мақсатқа қол жеткізу оңай ма?

- Жетістік дегеніміз не?

- Мақсатсыз адам болуы мүмкін бе?

- Мақсатына жетуі үшін адамда қандай қасиеттер болу керек деп ойлайсыңдар?

Сабақ барысын талдау:

3.(Жағымды ой- пікір) Дәйексөз 3 минут

Егерде адамда мақсат болмаса, онда оған ынтаның да,

Жігердің де қажеті жоқ.

Дәйексөзді оқимыз,мағынасын ашып талдаймыз.Оқушылар есте сақтап қалу үшін бірнеше рет қайталаймыз. Дәйексөзді баланың жадында қалуы үшін дәптерге жазамыз.

« Адам өмірде мақсатсыз жүруі мүмкін емес. Мақсатсыз адам қанатсыз құспен тең. Қандай адам болмасын алдына мақсат қояды. Сол мақсатқа жету үшін адам жанталасып ізденіспен өмір сүреді.

Балдардың жауаптарына сүйене отырып қортындылаймын

4.(Әңгiме ) Мұғалім сыйы 10 минут

Адам өмірі

(Аңыз)

-«Үш ағайынды жігіт «Адам өмірінің өткені, қазіргісі, әлде болашағы маңызды ма?» деген сауалға дауласып қалады.

Біріншісі:

- Өткен өмірім менің қазіргімнің бастауы болды. Бұрын үйренгендерім қазіргі өміріме азық болып отыр. Мен өз – өзіме ризамын, себебі алға қойған мақсаттарыма жету үшін мен қажымай – талмай күресе білдім. Өз өміріме серік еткен жолдастарым да сенімді, - дейді.

Сонда екіншісі:

- Егер сенің айтқаның дұрыс болса, адам «Түйе көргенінен жазбас» дегендей, бір орнында дамымай тұрып қалар еді. Маған бұрынғы үйренгенім, қазіргі білетінім маңызды емес, болашағым маңызды. Сондықтан да мен өз болашағыма қажетті нәрселерге үйренемін. Маған «екі жыл бұрын мен кім едім?» деген сауалдан «екі жылдан кейін менің өмірім қандай болады?» деген сауал маңыздырақ. Менің қазіргі қаракетім бұрын қандай болғаныма емес, болашақта қандай болатындығыма бағытталып отыр. Маған жаңа таныстар өте ұнайды, олардан білмегенімді үйренемін, ал ескі таныстарымның білетінін өзім де білемін, - деп дауласа жөнелді.

- Өткен мен болашақ тек сендердің ойларыңда ғана болатындығын ұмытып кеттіңдер ме? – деп сөзге араласты үшіншісі:

- Өткенің енді қайтып келмейді, ал болашағың жеткізбейді. Сондықтан да өткеніңді қанша аңсасаң да, болашағыңды қанша қиялдасаң да, олар қолға түспейді. Тек қазіргі өміріңде ғана алдыңа ізгі мақсат қойып, өміріңнің әр сәтін осыған арнасаң ғана, өз өміріңді өзгертуге болады. Өйткені өткен бақытты ойлау – жаныңды жабырқатады, болашақ бақыт туралы ой жаныңды жегідей жейді, тек қазіргі өмірде ғана өз ойыңды жүзеге асыра аласың».

Сұрақтар:

1. Сіз қайсысының пікірімен келісесіз? Неліктен?

2. Қалай ойлайсыздар, адам өмірінің өткені, қазіргісі, әлде болашағы маңызды ма?

3. «Өткен бақытты ойлау – жаныңды жабырқатады, болашақ бақыт туралы ой жаныңды жегідей жейді» деген пікірді қалай түсінесіздер?

4. Мақсат қоюдың адам өмірінде алатын орны қандай?

Түйіндеме:

● Өткенді ризашылықпен есте сақтаймын!

● Болашаққа үмітпен сенім артамын!

● Қазір ақиқатпен өмір сүремін!

Балдардың жауаптарына сүйене отырып қортындылаймын

6.Шығармашылық жұмыс, жеке жұмыс. 7 минут

25-беттегі Алдиярдың хатына жауап жазу.

7.Топпен ән айту 5 минут

«Өмір күрес» әнін оқушылар әр түрлі жанырда орындайды.

«Опера» «Рэп»

8.Үйге тапсырма: 2 минут

№ 6- сабақ, 31 – беттегі

Қ. Мырза Әлидің «Мақсат» өлеңін жаттау.

Дәптермен дұмыс жасау

9.Кері байланыс «Ой түйін» 2 минут

Балалар бүгінгі сабақтан қандай ой түйдіңіздер. Не түсіндіңіздер мақсатқа қалай қол жеткізуге болады . Сол жөнінде ойланайық. Жайлап көздеріңізді ашуға болады. Сау болыңыздар!