Қазақ тілі пәнінің сабақ жоспары. "Біздің спортшыларымыз"

Бекітемін:               Пән мұғалімі: Есекеева Мадина Конакбаевна

Күні: 30.01.2017      Сыныбы: 4«Е»      Сабақтың тақырыбы: Біздің спортшыларымыз

Сабақтың мақсаты: Білімділік – Сан есім мен ортақ етісті пысықтау. Қазақстан спортшыларына қатысты айтылған ақпараттарды тыңдап түсіну, арқылы коммуникативтік сөйлеу дағдыларын қалыптастыру.

Дамытушылық – тақырып бойынша достарымен спорттың түрлері мен сүйікті спортшылары  туралы пікір алысу білуге дағдыландыру. 

Тәрбиелік – оқушыларды спортқа баулу, салауатты өмір салтың, жүргізуге үгіттеу. Қазақстанның белгілі спортшыларының данқын көтеру,үлгі алуға тәрбиелеу.

Сабақтың типі: жаңа білім беру сабағы

Сабақтың әдісі: топпен жұмыс, жеке дара жұмыс, сұрақ-жауап, ой қозғау.

Пәнаралық байланысы: дене шынықтыру сабағы

Сабақ көрнекілігі: интерактивті тақта қосымша оқулық, сурет, кесте, дидактикалық материал

І. Ұйымдастыру кезені а. Амандасу, сабаққа ұйымдастыру

ІІ. Үй тапсырмасын тексеру Қазақстан боксшылары туралы мәлімет теріп тексеру, тыңдау

ІІІ. Жаңа сабақ а. Ой қозғау.Сұрақ-жауап

Бокстан басқа Қазақстанда спорттың қандай түрлері жақсы дамыған?

Қандай қазақ спортшыларын білесіңдер ?

2012 жылы Лондонда қандай олимпиада өтті?

Біздің қалада спортпен айналысу үшін қандай жағдайлар жасалған?

Қазақстан спортшылары онда қандай жетістіктерге жетті?

ә.Сабақтың тақырыбың, мақсатын айту.

б. Топпен жұмыс: І топ «Күз» - Дәулет Тұрлыханов

Сөздік: Күрес – борьба

Зор табыстар – большие успехи

Жету – достичь

Бапкер – тренер

Ықпалы зор –большое влияние

Ғумыр – жизнь

Жеңімпаз – победитель

Сайыс – соревнования

Шәкірт – ученик

Демеу бере білу – уметь поддержать

     Дәулет Тұрлыханов Қазақстанның еңбегі сіңірген спорт шебері. Ол 1987 жылы Европа қубоктарының жеңімпазы. 1988 жылғы XXIV Олимпиаданың күміс жүлдегері. 1992 жылғы XXV Олимпиаданың қола жүлдегері.

Дәулет Тұрлыхановтың грек-римдік күресіне ыңтасын оятқан әрі бапкер, әрі тәрбиешісі әкесі Болат Тұрлыханов болған. Өзінің спортпен айналысқан ғұмырында, Дәулет әлем жеңімпаздарымен сайысқа түсіп, көптеген жеңістерге ие болған. Үш Олимпиадаға қатысты. Атлантадағы Олимпиадада Дәулет Тұрлыханов жарысқа да қатысты, бапкер де болды. Оның шәкірті Юрий Мельниченко Олимпиаданың жүлдегері болды.

Тапсырмалары: Мәтінді оқу, түсіну.Мәтін бойынша  жоба қорғау;

Берілген сөйлемдерден ортақ етістің мәнің білдіріп тұрған етістіктерге талдау жасандар.

Спортшылар жарысты. Жанкүйерлер айтысты. Балуандар күресті. Футболшылар сөйлесті. Топ басшылары ақылдасты.

Берілген сан есімдерді жинақтық сан есімге айналдыру. 1,2,3,4,5,6,7

ІІ топ «Қыс» - Жақсылық Үшкемпіров

Сөздік Күрес –борьба

Күміс женімпаз – серебрянный призер

Женімпаз – победитель

Дүниежүзі чемпионы – чемпион мира

Жалауын көтерген – поднял флаг

Еңбек сінірген  жаттықтырушы – заслуженный тренер

         Жақсылық Үшкемпіров 1951 жылы туған. Бірінші қазақ спортшысы, Олимпиада чемпионы. 1980 ж. XXII Олимпиада ойындарында Мәскеуде жеңіске ие болды. Бір неше рет греко – рим күресінің жеңімпазы,1981 Дүниежүзі чемпионы, 1982 ж Дүниежүзі кубығының күміс жеңімпазы.

Ол Қазақ мемлекеттік спорт комитетінде нұсқаушcы. 1984 жылы Красноярск қаласында 33 жастағы Жақсылық Үшкемпіровты үлкен спорттан рәсми түрінде шығарып салды.

1984 жылдан бастап республикалық кәсіподақ комитетінің спорт мектебінің директоры. 1993 жылдан «Жақсылық» спорт клубының директоры.

Спорттағы жетістіктері үшін «Құрмет белгісі» орденімен, бірнеше медальдар, «Қазақ еңбек сіңірген жаттықтырушысы » атағы берілді.

Тапсырмалары: Мәтінді оқу, түсіну.Мазмұны бойынша диалог құру.

Мәтіннен сан есімдерді теріп, мағынасын ажырат.

Берілген сөйлемдегі сан есімге морфологиялық талдау жаса. Ж.Үшкемпіров 1951 жылы туған.

ІІІ топ «Көктем» - Бекзат Саттарханов

Сөздік: Әуесқой – любитель

Дәреже - степень

Шебер - мастер

Санаулы - считанные

Автокөлік апаты – автокатастрофа 

    Бекзат Саттарханов – қазақтың әуесқой боксшысы,Сидней олимпиадасының чемпионы, Қазакстаға еңбек сіңірген спорт шебері.1980 жылы Түркістан қаласында дүниеге келген. 2000 жылдың  31 желтоқсаныңда, Шымкент қаласының жанында автокөлік апатынан қаза болды.

Бүгін де Түркістан қаласында Бекзат Саттарханов атындағы спорт кешені бар. Алматы қаласында көше аты берілді.Спорт журналисі Қыдырбек Рысбекұлы «Бекзат» атты кітап жазды. Режиссер Сатыбалды Текеев «Бекзат» атты деректі фильм түсірді. Әнші композитор Гүлнұр Өмірбаева «Бекзат» әнін арнап жазды. Президент Нұрсултан Назарбаев Бекзат Саттархановқа «Барыс» орденін  табыс етті.

Тапсырмалары: Мәтінді оқу, түсіну. Мәтіннің мазмұнын айту.

Берілген сандарды топтау сан есімге айналдыру.  5,7,10,4,50

3. Мәтін бойынша сұрақ құру.

ІV. Бекіту: І топ-спорт туралы эссе жазу

                     ІІ топ-спорт туралы 5 жол өлең жазу

                     ІІІ топ-спорт, денсаулық туралы мақал-мәтел жазу

V. Қорытынды: Тест

1. Сан есімнің сұрақтары?

А) қанша? нешінші? нешеу?     Ә) кім? не?

Б) қандай?     В) неге?

2. Реттік сан есімің жұрнақтары?

А) -ға -ге

Ә) -да -да

Б) -ншы -нші

В) -мен –бен

3. Бекзат Саттарханов қайда туған?

А) Түркістан

Ә) Тараз

Б) Алматы

В) Астана

4. Дәулет Турлыхановтың шәкірті кім?

А) Илья Ильин

Ә) Ольга Рыпакова

Б) Юрий Мельниченко

В) Александр Винокуров

5. Күрделі сан есімді табыңдар?

А) сөз таптары

Ә) ала жаздай

Б) келе жатыр

В) жиырма бес

6. Жақсылық Үшкемпіров қай жылы туған?

А) 1990 ж.     Ә) 1949 ж.

Б) 1951 ж.     В) 1956 ж.

7. Берілген сөлемдегі етіс түрін табындар. Бапкерлер ақылдасты.

А) өздік етіс

Ә) өзгелік етіс

Б) ырықсыз етіс

В) ортақ етіс

8. Жақсылық Үшкемпіров кім?

А) биші

Ә) батыр

Б) қазақ спортшысы, күресші

В) ақын

9. Бекзат Саттарханов атында Алматыда не бар?

А) мұражай

Ә) мектеп

Б) көше

В) кинотеатр

10. Жинақтық сан есімнің жұрақтары?

А) -ау -еу

Ә) -дан -ден

Б) -на -не

В) -ншы –нші

 VI. Үй жұмысы: Белгілі спортшылар туралы қысқаша шығарма жазу

VII. Қорытынды.Бағалау