kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

Исмаил Гаспринскийнинъ «Молла Аббас» романы

Нажмите, чтобы узнать подробности

Макъсат:

-И.Гаспринскийнинъ терджимеиалы, иджады ве маарифчилик фаалиети акъкъында бильгилеринипекитюв;

-«Терджиман» газетанынъ нешири акъкъында малюматларны умумийлештирюв;

-муэллифнинъ озь халкъы ичюн къайгьыргъаныны, онъа беслеген буюк

севгисини косьтермек;

-«Молла Аббас» романнынъ мундериджесинен таныш олув;

- талебелерни тарихий ве эдебий малюматларны менимсемеге азырлав;

- талебелернинъ нутукъларыны инкишаф этюв, озь фикирлерини ифаде этмеге огретюв;

-эдебиятымызгьа севги ашламакъ.

Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Наладить дисциплину на своих уроках.
Получить возможность работать творчески.

Просмотр содержимого документа
«Исмаил Гаспринскийнинъ «Молла Аббас» романы»




Мевзу:





Исмаил Гаспринскийнинъ «Молла Аббас» романы





10 сыныф

































Мевзу:И.Гаспринскийнинъ «Молла Аббас» романы).

Макъсат:

-И.Гаспринскийнинъ терджимеиалы, иджады ве маарифчилик фаалиети акъкъында бильгилеринипекитюв;

-«Терджиман» газетанынъ нешири акъкъында малюматларны умумийлештирюв;

-муэллифнинъ озь халкъы ичюн къайгьыргъаныны , онъа беслеген буюк

севгисини косьтермек;

-«Молла Аббас» романнынъ мундериджесинен таныш олув;

- талебелерни тарихий ве эдебий малюматларны менимсемеге азырлав;

- талебелернинъ нутукъларыны инкишаф этюв, озь фикирлерини ифаде этмеге огретюв;

-эдебиятымызгьа севги ашламакъ.



Дерснинъ донатылувы:

И.Гаспринскийнинъ аяты акъкъында фоторесимлер; иджады акъкъында джедвель; лугьатджедвели; презентация.

Дерснинъ кетишаты:

(1-мини-модуль)



Оджа: Бу дерсте И.Гзспринскийнинъ терджимеиалы, иджады, маарифчилик фаалиетини ве «Терджиман» газетанынъ нешири акъкъьында малюматларны умумийлештирип, И. Гаспринскийнинъ халкъы ичюн къайгъыргьаныны, онъа беслеген буюк севгисини косьтеререк , дерске къоюлгъан макъсатларымызгъа иришмек керекмиз. Шу себептен, бугуньки дерсимизнинъ шиары- Исмаил Гаспринскийнинъ сёзлеридир:

«Эр шейнинъ башы-окъув.бильги,эдебий тиль, миллий матбуат,эдебияттыр.Буларсыз не миллетнисакъламакь,не де онынъ инкишафыны темин этмек мумкюн» И.Гаспринский.

}

I.Эв вазифесини тешкерюв



  1. группа. «Эски усул мектеплери». Чыкъыш

  2. группа. «И.Гаспринскийнинъ янъы усул мектеплери». Чыкъыш.



«Эски усул мектеплери»:

-эски усул мектеплери-бу диний мектеплер;

- балаларны окъумагъа секиз яшындан он-он эки яшынадже къабул эте эдилер;

- оларнынъ окъувы элифбенен башлана ве элифбени беш йыл девамында огренелер;

-йылнынъ сонъунда ич бир имтиан алынмай эди;

- оджаларнынъ иши гъает кергин ве агъыр эди; -оджаларнынъ элинде не бир программа,не бир дерс планы-бир шей ёкъ эди; -талебелер мектепни не вакъыт истеселер, о вакъыт ташлап кете билелер, буны оларнынъ ана-бабасы чезе, бу арекетлер ич бир весикъада къайд этильмей; -талебелерге мектепни битиргени хусусында да ич бир тюрлю весикъа берильмей.

Бойле усулнынъ нетиджеси - балаларнынъ чокъусы джаиль къала.




«И.Гаспринскийнинъ янъы усул мектеплери»:



-балаларны окъутмагьа еди яшындан алалар;

-бир оджа окъутмакъ ичюн отуз баладан зияде къабул этмемек керек; -эр сефер янъы къабул этильген балалардан айры сыныф тешкиль этильмели; -башлангъыч мектеп дёрт йыл девам эте; -мектепте дерслер ойле алынып барылмалы ки, талебелерде олар меракъ догъурсын ве олар о дерстен кейф алсынлар; -дерслер 45 дакъкъадан зияде олмамалы; -эски усулда беш йылда менимсеген бильгилерини,эки йылда менимсейлер ве даа етерлик дереджеде эсапны огренелер,язмагъа билелер, тиль къаиделерини, джография,тарих ве эдебият дерслерини де кечелер; -къалгъан учь йылы арап ее рус тилини огренмек ,яхут белли бир зенаат боюнджа бильги ве теджрибе эльде этмек ичюн файдаланмакъ мумкюн; -оджалар ичюн программалар тизильди; -олар дерс планлары боюнджа чалышалар; -эр бир дерстен сонъ тенеффюслер тешкиль этильди; -балалар ичюн дерсликлер чыкъарылды: «Балаларнынъ оджасы», «»Ходжа ве субьян» («Оджа ве талебе»), ве бу дерсликлер «Терджиман» газетасында басылып, бутюн ерлерге даркъатыла эдилер; -.янъы усул мектеплернинъ окъув программасы Авропа мектеплерине якъынлаштырылгъан эди

Бойле усулнынъ нетиджеси - талебелер темельден къавий бильгилер алалар. И.Гасприйнский чыкъаргъан усулнен шимди де къулланамыз.

Оджа: Чокъ сагъ олунъыз.

Эльбет, «Янъы усул мектеплернинъ» ильки тешеббюсчиси И.Гаспринский олды. «Ходжа ве субьян» дерсликни яратувынен маарифимиз саасында ойле бир къоджаман енъиш эльде этти. Ве бу енъиш акъикъатен,мектеп инкълябы олып,чет улькелерде джемаат анъынынъ осьмесине кучьлю тесир этти. И.Гаспринский озюнинъ бутюн фаалиетинен тюрк-татар халкълары маарифининъ негизини къоймагъа дегиль, оларнынъ бутюн маариф ишлерининъ земане инкишаф севиесине ,котерильмесине мувафакъ ола. Бу Гаспринский тарафындан япылгъан мисильсиз бир гьайрет, тарихий эмиетке малик бир къараманлыкъ эди. Шунынъ ичюн де тюрк-татар халкълары оны Улу педагог ве маарифчи деп, сая эдилер.

Энди И.Гаспринскийнинъ иджады, терджимеиалы, маарифчилик фаалиети акъкъында бильгилеринъзни умумийлештирмек ичюн, группалар боюнджа ишлерни девам этемиз .









Биринджи группа. «Несирджилер» Группаны шиары:

«Тильдефикирдеиштебирлик». И.Гаспринский.

(И.Гаспринскийнинъ терджимеиалы ве иджады акъкъында чыкъыш азырлай.)




И.Гаспринский 1879 сенесинде Багьчасарай шеэр идаресинде, рейс вазифесине сайланып, дёрт сене къадар бир муддет главалыкъ этти. Бу эснада, яни 1882 сенесинде Акчуринлер сойадына менсюп Зоре ханымгъа эвленип, 20 йыл омюр эттилер.Зоре -ханум эр хусуста Исмаил бекке рефикъа эди. Оларнынъ учь оглу ве учь кызы олган.

Озь вакътыны, сагьлыгъыны аямай, бутюн кучь-къуветини ишке берген Гаспринскийнинъ йылларнен зорукъып кельген вуджуды, кеткен сайын эп арткъан мисильсиз кергинликни, исрарны котерип оламады, 1914с,сентябрь 11-де, агьыр хасталыкътан юреги токътады.

Багьчасарайдан мемлекетнинъ бутюн кошелерине, тыш мемлекетлерге телеграммалар берильди. Бу хайырсыз вакъианен бутюн тюрк-татар миллетнинъ башына дюнья авдарылды. Къытайда, Мысырда,Тюркиеде мусульман алемини матем къаплады.

Асан Сабри Айвазов бойле хатырлай: эртеси кукю, сентябрь 9-да: «Бугунь вазиетим агьыр»,-деп сыкъ-сыкъ сув ичип башлады. Шу куню акъшам о бизим эпимизни, огъуллары Рефат ве Айдерни,къызлары, Шефикъанен Ниярны ве мени янына чагьырды да , озюнинъ къарарларыны тариф этти: «Къабримни «Зынджырлы медресеси» якъынында, Менли Герай ханнынътюрбеси янында къаздырынъыз. Бир адамда, меним онъа берген 600 кумюш парам бар, оны алып, дёрт юз кумюшини фукъаре адамларгъа дагьытырсынъ, къалгьанынъ бир йыл ичинде мектеп ве джамиге сарф этерсинъ. Менден сонъ «Терджиман»нынъ баш редакторы Асан Сабри Айвазов оладжакъ».



Бу И.Гаспринскийнинъ васиети эди.



«И.Гаспринский-бутюн мусульман дюньясы тарафындан танылгьан аддыр ки, бизлер бу аднен гъает мемнюнмиз. Онынъ айдын хатырасы бизим юреклеримизде сёнмез, ве онынъ руху огюнде буюк урьмет иле тиз чёкмеге азырмыз». Амет Озенбашлы.




Экинджи грппа: «Маарифчилер». Группанынъ шиары :


«Биз келемиз ве кетемизамма маариф эбедий яшайджакътыр». И.Гаспринский.

(И.Гаспринскийнинъ маарифчи фаалиети акъкъында чыкъыш азырлай.)



И.Гаспринский 1883 сенеси,апрель 10-унджы кунюнден башлап, омюрининъ сонъунадже «Терджиман» газета ве «Миллет» адлы журналны нешир этти. Кендисининъ шахсий басмаханесинде куньделик матбуатындан гьайры. Илим ве турмушнынъ чешит сааларында юзлернен китап ве рисалелер басып, миллий тасильнинъ дереджесини чокъ керелер юксельтти. «Тильде, фикирде, иште- бирлик!» шиарынен тюркий халкъларнынъ бири-бирине якъынлашмасы ве миллий медениетлери, сиясий анълары осьмеси огърунда буюк хызмет япты.

«Терджиман» газетасынынъ энъ тантаналы мерасими -онынъ 25-йылльжъ юбилеи эди. 1908 сенеси майыс айында къайд этильген бу юбилей тек Къырымда дегиль, бутюн тюрк-татар халкънынъ умимий бир миллий байрамына чевирильди.

И.Гаспринскийнинъ ве «Терджиман»нынъ гьает буюк ролю даа шунда ки, бу газета этрафында пек чокъ истидатлы къырымтатар языджылары ве шаирлери, медениет эрбаплары осип чыкътылзр. Булар ичинде эдебиятымызнынъ классиклери сайылган Р.Медиев, О.Акъчокъракълы,А.Чергеев, Ш.Тохтаргьазы, М.Нузет, А.Сабри Айвазовлар эди. И.Гаспринский ве онынъ «Терджиман»ы къырымтатар эдебиятынынъ гурьдели осьмесинде буюк роль ойнагьандыр.

Белли тарихчы ве языджымыз Осман Акъчокъракълы озюнинъ якъын досту Исмаиил бей Гаспринский акъкъында бойле гузель ве къыйметли сёзлер айткъан:

«Миллий маариф яшай экен ,халкъымыз да яшар. Халкъымыз яшар экен,

Улу Исмаил бей Гаспринскийнинъ ады да яшар».



II.РЕФЛЕКСИЯ

Оджа: группалар чыкъышларыны екюнледи, энди эшиткен малюматларынъызны пекитмек ичюн «Сен-манъа,мен-санъа» ярышыны кечиреджемиз ве нетиджелер чыкъарып, биринджи мини-модуль дерсимизни екюнлейджемиз.

« СЕН-МАНЪА, МЕН-САНЪА »

«Маарифчилер» командасы «Неширджилер» командасына мевзу боюнджа

суаллер берелер».

(Учь талебе жюри азасы ола ве энъ меракълы суаллерни къайд эте).

-И.Гаспринский къаерде ве къчан дюньягьа келе?

-Исмаил бейнинъ анасы, бабасы ве даясынынъ адлары?

-И.Гаспринский ильк тасильни къайда алды?

-Эдибимиз Воронеж ве Москва шеэрлеринде насыл окъув юртунда окъуды?

-И.Гаспринскийнинъ къайсы шииринде бу сатырлар бар?

«Унутманъыз, чоджукъларым,

Къырым сизинъ Ватанынъыз!»

-И.Гаспринский къаерде ве къайсы рус шаирнинъ иджадий кятиби ола?

-25 яшына кельгенде И.Гаспринский къаерде чалышып башлай?

-«Зынджырлы медресе» кимнен ве не вакъыт къурула?

-Не себептен медресени «Зынджырлы»деп адлагъанлар?

-Къачынджы йылы эдибимиз Багъчасарай шеэр башлыгьы олып сайланды?

-И.Гаспринскийнинъ бедиий эсерлернинъ адларыны айтынъыз?

-И.Гаспринскийнинъ эски усул мектебинде биринджи оджасы ким эди?



«Неширджилер» командасы» «Маарифчилер» командасына мевзу боюнджа суаллер берелер.



-И.Гаспринский маарифчи оларакъ насыл ишлер беджерди? -«Терджиман» газета не вакъыт басылып башланды? -«Терджиман» газетасы насыл шиар алтында чыкъа эди? -«Терджиман »газетасы чыкъкъан девир эдебиятта насыл девир деп адлана? -Насыл вакъиалардан сонъ, «Терджиман »газетасы куньделик газетасына чевирильди ве тек къйсы тильде нешир этилип башлады? -«Терджиманнынъ»янында къырымтатар тилинде даа насыл меджмуалар нешир этильди? -И.Гаспринский кирсеткен янъы усуллар неден ибарет? -«Алем ве нисван», «Алем ве субьян» «Ха-ха-ха» насыл меджмуалардыр? -И.Гаспринскийге не ичюн тюрк халкъларнынъ Улу атасы дейлер?

III.Нетидже чыкъарув.



Оджа: биринджи дерсимизде И.Гаспринскийнинъ терджимеиалы, иджады, маарифчилик фаалиети акъкъында бильгилеримизни умумийлештирдик, «Терджиман» газетанынъ тюрк-татар халкълары ичюн олгьан буюк ролюни тасдыкъладыкъ ве дерсимиз огюнде къоюлгъан макъсадымызгьа ириштик. Баалав.





(2-мини- модуль)



IV.Янъы мевзу И.Гаспринскийнинъ «Дар уль-Рахат мусульманлары»романынен танышув.

Оджа:

биринджи дерсте «Маарифчилер », «Неширджилер» командалары фааль

чалыштылар,бу дерсте исе иджадий группамыз чалышаджакъ, оларгъа эвельден вазифелер берильген эди.



Иджадий группа озюни «Назариеджилер» деп адлады. Группанынъ шиары:


«Эр шейнинъ башы- окъув, бильги, эдебий тиль миллий матбуат, эдебияттыр.

Буларсыз не миллетни сакъламакь,не де онынъинкишафыны темин этмек мумкюн»  И.Гаспринский



Бу дерсте И.Гаспринскийнинъ мешур «Молла Аббас» роман-эпопеянынъ къысымы -«Дар уль-Рахат мусульманлары» романынен таныш оладжамыз, романнынъ баш къараманыны бельгилеп, мевзу ве гъаесини акс этеджеми ве бу романны И.Гаспринский не себептен бойле адлагьаныны анълайджамыз. .Дерсимиз огюнде бойле вазифелер тура.



ДЕРСНИНЪ КЕТИШАТЫ.

Оджа :

И.Гаспринскийнинъ «Дар уль -Рахат мусульмамлары»романы,онынъ иджадында пек буюк роль ойнады.Бу эсер 19 асырда Русие ве къырымтатар эдебиятында тюркий тильде язылгъан биринджи романлардандыр.Роман эдибимизнинъ мешур «Молла Аббас»роман-эпопеянынъ 2-къысымы сайыла.(корьгезме джедвель)




«МОЛЛА АББАС» роман-эпопея.


1. Къысым -«Френкистан мектюплери»; 2.Къысым - «Дар уль-Рахат
 мусульманлары»; 
3. Къысым- «Африка мектюплери»; 4. Къысым- «Къадынлар улькеси».



Оджа: Акъылынъызгьа кетиринъ, 1871 сенеси И.Гаспринский озь бильгилерини арттырмакъ ичюн къайсы мемлекетлерге сеяхаткъа чыкъа? (Тюркие, Париж, Джезаир, Тунис, Мысыр ,Греция)



«Назариеджилер» группанынъ чыкъышы:

1 талебе. «Дар уль-Рахат мусульманлары» романы «Терджиман» газетанынъ 1887 сенеси январь 25-те басылып башлангъан ве ,ниает,190б сенеси айры китап шекилинде нешир олуна.Бу эсерде тасвир олунгьан базы вакъиалар Гаспринскийнинъ Авропагъа сеяаткъа чыкъкъан, яни 1870 сенелери олып кече. Эсернинъ баш къараманы 27-яшлы Ташкентли Молла Аббас. Бутюн эсер девамында Молла Аббас бир чокъ мемлекетлерни долаша, чокъ шей коре ве огрене, чешит алларгъа огърай, лякин эр ерде, эр вакъыт илим ве медениетнинъ юксельмесине, мусульман дини ,онынъ тарихы ве келеджегини къайгьыра. 27 яшлы Молла Аббас сеферге чыкъкъанда 22-яшта эди.

2 талебе.

РУСИЕ БОЙЛАП СЕЯХАТЫ

«Френкистан мектюплери» эсеринде Молла Аббас Русие бойлап сеяхаткъа чыкъып, мусульманларнынъ медений аятынен таныш ола.Тесадуфен,о, Одесса театринде франциалы мадмуазель Жозефина адлы къадыннен таныша. Лакъырды арасында Жозефина Аббаскъа Франция акъкъында чокъ икяелер эте. (дерсликтен 178-180 с. Жозефина -Молла Аббас арасындаки субетни окъуй)

З талебе.

МОЛЛА АББАС ФРАНЦИЯДА

Шу куньлерден сонъ, Аббаснынъ Франция улькесине мерагъы догърула ве тез вакъытларда о Франциягьа барып чыкъа. Анда Франциянынъ сиясий ве маариф системасыны огренип башлай. Мында Аббас мусье Шалоннынъ къызы Маргаританен таныш ола ,ве мусье Шалоннынъ риджасы иле Маргаритагъа фарс ве тюрк тиллерини огрете. Оларнынъ арасында олгъан мунасебет буюк достлукъкъа чевириле. Парижде Молла Аббас чокъ алларга огърай, чокъ акъыллы инсанларнен таныш ола. (Шейх-Джелял, Шейх Абдулла). Шейх Абдулла онъа насылдыр Рахат улькеси акъкъында икяе эте. «Аль- Хамра » сарайын тарихыны икяе эте. (корьгезме « Аль-Хамра» сарайын фоторесими). Шеэрнинътеслим олунувы якъынлагьанда «,Аль-Хамра» сарайында меджлис топланды. Укюмдар топлангъанларгьа душмангъа къаршы энди къаршылыкъ имкяны олмагьаныны беян этти. Эписи башларныны тёбен алып ,укюмдарнынъ фикиринен разылаштылар. Тек бир арбий етекчи Муса Эль-Гъазал джесаретнен бу теклифлерни ред этти.

Дамарларында даа эджадларнынъ бозулмагьан къаны акъкъан бу йигит: «Ёкъ,укюмдарым, куреше билирик ,шеэрни гонъюлли суретте теслим этмек исе, озюнни озь къолунънен сатмакъ,демектир!»-деди.
«Я гьалебе,я да намуслы, шерефли олюм!!!»

О догърусыны айткъан, испанлар укюмни алгьан сонъ, мусульманларгъа аман бермедилер. Джемааткъа ибадет ясакъ олунды, окъув юртлары къапалды, джамийлернинъ эшьясы, мулькю таланып алынды ве кешитханелерге (монастырь)берильди. Яхшы ки, мемлекеттен чыкъып кетюв ясакъ олмады. Джанлы аят ерине Испан джаиллиги ве фанатизм кельди. 
Муса Эль Гъазанынъ сойлары,.достлары гедже шеэрден чыкъып кетилер.Оларны бир къарт багьчеван, тек озю бильген кечитлер иле къырларнынъ артына алып чыкъа. Бу ишни кимсе дуймай, ве оларнынъ къайда кеткенлерини кимсе бильмей Оларнынъ арасында чешит саада аджайип усталар, улемалар ве алимлер бар, чешит китаплар, алетлер алып кельгенлер. Шай этип олар Дар уль- Рахаткъа келип чыкъалар.

Оджа. Проблем-суаль:

-Муса Эль-Гъазанынъ сёзлерини : «Я гьалебе, я да намуслы, шерефли олюм!» сиз насыл анълайсыз? Бойле инсанлар акъкъында не айта билесиз?



Нетидже: учюнджи дерсте мевзумызны девам этерик, ве Молла Аббас Дар уль- Рахат мусульманлары улькесинде насыл алларгъа огърагъаныны корерик.







Баалав.



(3-мини модуль).

V. Дерснинъ кетишаты.



Оджа. Мевзумызны девам этип, бу дерсте И.Гаспринскийнинъ «Дар уль -Рахат мусульманлары» романнынъ серлевасыны анъламакъ керекмиз, ве романнынъ гъаесини ачыкъ-айдын косьтермек керекмиз.



4талебе:

МОЛЛА АББАСНЫНЪ ДАР УЛЬ-РАХАТКЪА СЕЯХАТЫ



Молла Аббас бу улькени корьмек ичюн Франциядан демирёл иле Пириней дагъларына тараф ёнеп, Испанияда токътала. Мында Андолусия улькесинде долаша. Тамам шу арада апансыздан Дар уль-Рахат улькесине тюше...

(Дерсликнен чалышув ... «Къарангъы ер тюбюнден..»).Парчада расткельген таныш олмагьан сёзлернен ишлев.

Лугъат иши

Муджизе-чудо.

Аман бермеди-не пощадил.

Аизар-плач, стон.

Ясакъ-запрет.

Афат-бедствие.

Музакере-обсуждение.

Баде-сонъ.

Къырае-здание.

Шадырван-фонтан.



5талебе: «Дар уль-Рахат» улькесини тасвир эткен парчаны окъуй: «…Улугь ве мейдан тогъай…Эр тарафлы юксек ве орманлы дагьлар иле чеврилиб къошулмыш, дагьларнынъ устю кумюш иле зийнетленмиш, акъ тадж киби, бир тогьайлыкъта булундыгьымызны корьдим …».

Лугъат иши



Накъиль итдигим - икяе этмек. Эджа-илядж. Рутебет- дым,сылакъ. Лягъым-ер тюбюнден ёл. Захир-белли. Джаиз -мумкюн.




Оджа. 
Метинни талиль этип Молла Аббас тюшкен муджизели улькеге характеристика беринъиз.

VI. Рефлексия.

«Микрофон» усулынен «Маарифчилер» ве «Несирджилер» «Назариеджилер»ге суаллер берелер.



-Молла Аббас бу улькеде нелер корьди?

-Не себептен бу ульке онъа Рахат улькеси олып корюнди?

-Молла Аббас насыл муджизелерге шашып къалды?

-Рахат улькени корип, насыл ойларгьа далды?

-Рахат улькеде яшагьан инсанлар окъумышлы эдими?

-Олар бир-биринен насыл мунасебетте булуналар?

-Бойле Рахат улькеде Молла Абаскъа къалмакъ риджасына о насыл джевап

берди?

-Молла Аббаснынъ джевабында онынъ насыл табиат чизгилери корюне?

-Бу чизгилер кимге ляйыкъ?

-Не себепен роман автобиографик романы сайыла?

-Романнынъ баш къараманнынъ образыны талиль этип олурсыз?

-Не себептен Молла Аббас сеяхаткъа чыкъты?

-Мусульман улькесин насыл корьмек истей ? -Роман насыл газетада басылды?

-Романнынъ муимлиги ве актуаллиги неден ибарет?



VII. Умумий нетидже.



-Бугуньки дерске насыл макъсатлар къоюлгьан эди?

-Къоюлгъан макъсатларгьа ириштик?

-И.Гаспринскийге япкъан хызметлери ичюн Русиедеки тюрк-татар халкъларнынъ миллий къараманы демек мумкюнми?



VIII. Эв вазифеси.

1.Романны окъуп битирмек.

2. «Муджизели улькеде яшамакъ истейим». Инша.




Получите в подарок сайт учителя

Предмет: Всем учителям

Категория: Уроки

Целевая аудитория: 10 класс

Скачать
Исмаил Гаспринскийнинъ «Молла Аббас» романы

Автор: Моладжиева Эльнура Рефатовна

Дата: 20.11.2017

Номер свидетельства: 439734


Получите в подарок сайт учителя

Видеоуроки для учителей

Курсы для учителей

Распродажа видеоуроков!
ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства