Ғаламторды қолдану әдебі.

Тақырыбы: Ғаламторды қолдану әдебі. Шылауларды қайталау.

Білімділік:Ғаламторға байланысты оқушылардың білімдерін кеңейту, жүйелі сөйлеуге, жүйелі баяндауға үйрету
Дамытушылық: Оқушыларға ғаламтор туралы мәлімет беру, оқушылардың тапқырлық, ізденімпаздық қасиеттерін қалыптастыру, шығармашылыққа баулу, пәнге қызығушылығын арттыру;
Тәрбиелік: Оқушылар өз ойларын тиянақты жете айта біліп, сабырлы әрі тәртіпті ұстауды ескеріп, бір-бірін  тыңдай білуге тәрбиелеу;

Сабақ түрі: аралас сабақ

Сабақтың әдіс-тәсілдері: Блум таксомониясын қолдану,деңгейлік тапсырмалар, ағаш суреті, интербелсенді тақта.

Өтубарысы

1. Шаттық шеңбері

2. Сынып оқушыларын 3 топқа бөлу

3. Қызығушылық ояту

     4.  Слайд көрсету

3. Мағынаны тану

а) Топтық жұмыс (постер қорғау)

4.Кері байланыс.

І. Ұйымдастыру кезеңі (оқушымен сұхбат)

І кезең. Төмендегі көпір тапсырмаларын оқушылар үйде орындап, бүгінгі сабаққа дайындалып келеді. Мұғалім алғашқы 5-7 минутта: а) ұйымдастыру сәтін, көпір тапсырмаларын үйде аяқтап орындап келу дәрежесі тексеріледі, өткен тақырыптар бойынша жаңа сабақты меңгеруге негіз болатын қайталау тапсырмалары пысықталады.

Шаттық шеңбері.

-  Оқушылармен айналып шеңберге тұрамыз. Сіздер бір-бірлеріңізді 9 жыл бойы жақсы танып білдіңіздер. Ендеше, бүгінгі шаттық шеңберіміз «Менің көршім қандай адам?» деп аталады. Шеңберде қастарыңызда тұрған көршілеріңіздің бойындағы қасиеттерін айтасыздар.

Топқа бөлу

Оқушыларға  әр тақырыпқа қатысты әріптер жазылған кішкене парақшалар беріледі. Сол парақшада берілген сөз арқылы 3 топқа бөлінеміз.Бұл жерде топқа бөлінген кезде оқушылардың сыни тұрғысынан ойлауға мүмкіндік туады. Топқа бөлу тақырыппен тығыз байланысты алынған.

Үш топ өз араларынан топ басшысын тағайындайды және топ ережелерін құрастырады.

Үлгі: Топ ережелері:

1. Тыңдау мәдениетін қалыптастыру.

2.Уақытты үнемдеу.

3.Топта ұйымшылдықпен жұмыстану.

4.Тапсырма орындау барысында белсенділік таныту.

5. Өз пікірлерін ашық айта білу.

І топ: ғаламтор.

ІІ топ: әлеуметтік желі.

ІІІ топ: жүйе.

Осы сөздерді оқушыларға таратып, сол бойынша 3 топқа бөлінеді.Балалар , бүгін сабақта бір-біріңді бағалап отырасыңдар. Бағалау критерийлерін таратып беремін.

21-ғасыр адамзат ақпараттық кезенге өтумен ерекшеленеді. Ғаламтор- ақпарат көзі. Сондықтан ғаламторды меңгеруіміз керек. Заман техникасымен шұғылдана бергеніміздің адамзат өміріне тигізетін өзіндік пайдасымен қатар зияны бар.

«Ғаламтор »туралы жалпы мәлімет ретінде слайд көрсетіп топпен жұмысқа көшемін.

« Ой шақыру» Слайдтар не туралы?

Мағынаны ашу.

Компьютерлік желі ? Ғаламтор табу?

Байланыс? Ақпаратты табу?

Әлеуметтік желі? Құпия сөз?

Хаттасу?

Сонымен бүгінгі сабағымыздың тақырыбы қандай? Бүгінгі сабағымыздың тақырыбы: « Ғаламторды қолдану әдебі» деп аталады.

Сабақтың мақсаты:ғаламторға байланысты оқушылардың білімдерін кеңейту.

Жаңа сөздермен танысу

Кеңінен-широко распространен Танымдық-познавательный

Жүйе-система Маңыз-смысл, содержание

Мүмкіндік-возможнось Қауіп-опасность, угроза

Тіркелу-зарегестрировать Қиындық-затруднение, сложность

Жаңалық-новшество Қолжетімді-доступный

Мәтінмен жұмыс (Әр топ өз әңгімесін оқып,аударып, мазмұндайды)

1-қадам( топтық жұмыс)-теория « Білу» Топтардың постермен жұмыстарын бағалау.

Тақырып мазмұны бойынша не? қалай? қашан? сияқты сұрақтарға жауап беретін толық ақпарат іріктеліну керек.

Ғаламтор-Интернет жиырмасыншы ғасырдың аяғында пайда болды.

Ғаламтордың шығу тарихы 1957 жылы Кеңестер Одағы жасанды жер серігін ғарышқа ұшырған соң, АҚШ Қорғаныс министрлігі « егер соғыс бола қалған жағдайда Америкаға сенімді ақпарат алмасу жүйесі керек болады» деп есептеген.

Ғаламтор бүгінгі күні кеңінен қолданысқа ие болды. Өйткені, ол – ақпарат көзі. Ғаламтордан өзімізге қажетті танымдық ақпарат аламыз. Кез келген ақпаратты көшіріп алуға болады. Мен де өз достарыммен, туысқандарыммен ғаламтор арқылы хабарласамын. Сонымен қатар мен әлемдегі күллі жаңалықтарды ғаламтор арқылы оқып, біліп отырамын. Сол себепті де ғаламтордың маңызы зор. Бірақ, ғаламторда қауіпті желілерден сақтану керек. Кез – келген әлеуметтік желіге кіру үшін тіркелу қажет. Әлеуметтік желі арқылы кез – келген елдегі адаммен дос болып, сөйлесуге мүмкіндік бар. Хат алмасып тұру да еш қиындық тудырмайды. Соңғы жаңалықтардың барлығын ең алдымен ғаламтор көздерінен көруге болады. Ғаламтор компьютер арқылы да, ұялы телефон арқылы қолжетімді болып отыр. Қазіргі кезде көптеген адамдар өз өмірін ғаламторсыз елестете алмайды.

2-қадам( топтық жұмыс ) теория бойынша « Түсіну» критерийінің индикаторлары:( қай? не үшін? қандай? не?)

Ғаламтор ұғымы қай ғасырда пайда болды? Америка әскеріне не үшін қажет болды? Ғаламтор қай елде пайда болды? Ғаламтордың маңызы қандай? Ғаламтор не тудырмайды?

3-қадам ( топтық жұмыс)теория бойынша «Талдау»Топтар тақырыптың басты идеясын ашады. АҚШ елінен конвертке салынған тапсырмалар келді.

І топ пайдасы

ІІ топ зияны

ІІІ топ шығу тарихы ( әр топтан бір оқушы шығып өзіне ұнаған конвертті алады) жұмыстарын топ алдында шығып қорғайды.

4-қадам( топтық жұмыс)теория бойынша « Жинақтау»Қорытынды шығар, ережеге анықтама бер, тапсырманы жазбаша орындайды.

Венн диаграмасы: Шылау дегеніміз не? Оның түрлері.

Жалғаулық шылау

Септеулік шылау

Ортақ белгілер: Түрленбейді,Сөйлем мүшесі болмайды, лексикалық мағынасы жоқ

Демеулік

шылау

Көп нүктенің орнына демеулік шылауларды қойып жаз.

Әлеуметтік желілердің пайдасы...... . Әсел бүгін әлеуметтік желіде..... ұзақ отырды. Айжан ..... оның кішкентай інісі де әлеуметтік желіде отырды. Бұл әлеуметтік желі-

Қажетті сөздер: бар ма? тым, түгел, ғой.

5-қадам( топтық жұмыс) Практика жүзінде «Қолдану» критерийіне жұмыс жүргізу барысында тек қарапайым тапсырмалармен бекіту.

Сызба бойынша сөйлемдер құрастырыңдар.

Ғаламтор көптеген-----------------

Ғаламтордың көмегімен--------------

Қазіргі заманда ғаламторсыз өміріміз қандай болар еді?--------------

6-қадам ( топтық жұмыс): «Баға беру» Сен қалай ойлайсың? деген тапсырмалар арқылы оқушының жоғарыда алған білімін тексеру. Сен ғаламтор туралы не білесің?

Бірішіден, менің ойымша:------------------------

Үйге тапсырма: Ғаламтордың пайдасы мен зиянын мазмұндау. Сөздікті жаттау, Егер интернет болмаса,..... ой толғау жазу.

Бағалау. Досының бағалауы.

Рефлексия:Сендерге қай тапсырма қызықты болды?

Қандай қиындықтар кездесті және оны қалай жеңдіңдер?

Сабақтан қандай көңіл – күймен қайтасыңдар? Алған әсерлерін алманың суретіне жазып, бағалаңдар.

Бағалау критерийлері (досының бағалауы)

Аты-жөні

Үй

тапсырмасы (топтық жұмыс)

Сыныптағы жұмыс

Грамматикалықтапсырма

Топтағыбелсенділігі

12 – 10 = «5» 9 – 7 = «4» 6 – 4 = «3»