Мевзу: Энвер Селямет. «Алтын балла акъкъында масал», экинджи къысым.
Макъсат: талебелерде джумертлик, намуслыкъ киби табиат
чизгилерини тербиелев.
Дерснинъ донатылувы: языджынынъ сурети (Э. Селямет);
дерснинъ эпиграфы, метин, джедвель.
Дерснинъ эпиграфы: «Къыдыргъан мевлясыны да булур,
белясыны да»
(Аталар сезю)
Дерснинъ кетишаты.
I. Тешкилий къысым.
1. Талебелернен селямлашув.
2. Дерснинъ мевзу ве макъсадыны илян этюв.
II. Эв вазифесини тешкерюв.
1 .Янъы сезлер устюнде иш.
2. «Мий уджюми» усулынен фронталь сорав:
- «Алтын балла акъкъында масал»ны ким язды?
- Энвер Селямет ким? Сиз бу шайр акъкъында не билесиз?
- Экинджи Джиан дженки вакътында шайр не япты?
- Шайр бир заманлар яшавнынъ агъырлыгъы акъкъында насыл тарифлей? Метинде бу фикирни ифаде эткен сатырларны тапынъыз.
- Бу озеннинъ тыйнагъында ким яшай экен? Сув анасы къарттан не сорай?
- Акъикъатны бильмек ичюн сув анасы койлю къартны насыл сынай?
- Акъ къальпли койлю не ичюн алтын балтаны алмады?
- Койлю догъру яптымы?
III. Янъы мевзуны анълатув.
1. Масалнынъ экинджи къысмыны оджа окъуй.
2. Лугъат иши.
текмилинен - бутюнлей,
сильтемек - атмакъ,
уфукъ – горизонт
зия- ярыкъ
къыч - пычакъ къоюлгъан къап
алев-атеш
3. Талебелерге суаллер.
1. Сув анасы экинджи койлюге не ичюн ярдым этмеди ве онъа алтын балтаны бермеди?
2. Бу эки койлюнинъ бири-биринден фаркъы недедир?
Вазифе.
Тахтада ве дефтерлерде эки койлюнинъ бири-биринден фаркъ
эттиджи чизгилер боюнджа джедвельни толдырув.
Биринджи койлю
Экинджи койлю
Факъыр, бичаре ёлджу; акъ
къальпли; намусына садыкъ;
эмеги элял; джумерт.
Пахыл; косе сакъал; айнеджи;
«ала бота»; азыргъа дуваджы.
5 Талебелер масалнынъ экинджи къысымыны роллерге болип
окъуйлар, янъы сезлернинъ манасыны анълаталар.
IV. Пекитюв.
1.«Микрофон» оюны. Талебе сыныфдашларына суаллер бере, олар
исе тез-тез джевап берелер.
1. Масалнынъ серлевасы?
2. Бу насыл масал?
3. Масалнынъ къараманлары кимлер?
4. Масалнынъ эсас фикри насыл?
5. «Азыргъа дуваджы» ибаренинъ манасыны анълатынъыз.
2. Ассоциатив зынджырджыкъны девам этинъиз.
Факъыр, ...
Пахыл, ...
VII. Дерснинъ нетиджесини чыкъарув.
VIII. Эвге вазифе.
1 .Масалны роллерге болип окъумакъ.
2. Янъы сезлерни эзберлемек,
З.Эмек ве ишкирлик акъкъында аталар сезлерини язып эзберлемек.
