Д.Исабеков "Ата үміті"

қазақ тілі мен әдебиеті

пәнінің мұғалімі.

Ормаханова Л.Қ.

Сабақтың тақырыбы: Д.Исабеков «Ата үміті»

(«Дермене» повесінен үзінді)

Сабақтың мақсаты:

Білімділік: Оқушыларды шығармаға талдау жасай отырып, негізгі

ойды, идеяны ұғындыру. Мәтін бойынша тапсырмалар беріп, өз ойларын тұжырымдап айтуға дағдыландыру.

Дамытушылық: Сөздік қорларын, тіл байлығын, сын тұрғысынан

ойлауын дамыту.

Тәрбиелік: Мейірімділікке, имандылыққа, еңбексүйгіштікке

тәрбиелеу.

Сабақтың әдісі: қарама-қарсы элементтермен мінездеме, «екі жақты күнделік», «топтастыру», «түсініктеме күнделігі», «еркін жазу», сэнкуэн әдісі, «үш қадамды сұхбат» әдісі.

Көрнекілігі: «Күрделі гүлді тұқымдастар» суреті, ҚР картасы, мәнжазбалар.

Сабақтың барысы:

1. Ұйымдастыру.

1) Ой қозғау. Д.Исабековтің «Дермене» повесін оқығанда қандай нәрселерді үйретеді?

ДЕРМЕНЕ

«Үш қадамды сұхбат» әдісі арқылы сұрақ-жауап.

1. Тоқсанбай қарт пен Ергешбайға Омаш неге қосылды?

2. Омаштың қандай қылығы оларға ұнамады?

3. Тоқсанбай қарт неден секем алды?

4. Омашқа не үшін кіріптар болды?

5. Ергешбайға Омаш не үшін ұнамады?

Дермене шөбі туралы білетіндерін сұрау, қай жерде өсетінін картадан көрсету.

2) Мағынаны тану.

«Қарама-қарсы элементтермен мінездеме»

Тоқсанбай шал – жақсылықтың, сабырлықтың иесі, немересі бар, адамгершілігі бар, адал, жақсылық ниетте жүрген қарт.

Омаш жігіт – жамандық жасаушы, ұрлыққа, өтірік айтуға арланбай, дүниеқоңыз, ойы пасық, қатыгез адам.

Ергешбай бала – Тоқсанбай қарттың немересі, атасы мен әжесінің қамқоршысы, жамандыққа жаны қас, Омаштың қылықтарын ұнатпайды.

(үш қатар оқушыларынан алынған мінездемелер)

«Түсініктеме күнделігі»

Мәтіннен тұрақты сөз тіркестерін, мақал-мәтелдерді теріп жазу. Оған оқушы өз пікірін қосады.

«Екі жақты күнделік»

(Мәтін бойынша үзінді келтіріп, соған оқушы өзінің пікірін қосады.)

«Сэнкуэн» (Беса жолы өлең құрастыру)

Үш қатарға берілген тапсырма

І қатар – Қарт

ІІ қатар – Жігіт

ІІІ қатар – Дермене

3) Ой – толғаныс.

«Еркін жазу»

Оқушылардың еркін отыруына, қиялдауына жағдай жасап, «Егер сен жазушы болсаң, шығарманы қалай аяқтар едің немесе қандай өзгеріс енгізер едің?»

Сабақты қорытындылау.

Оқушы ойларын «Автор орындығында» отырып қорытындылау.

Оқушылар білімін бағалау.

Үйге тапсырма.

Хикаятты толық оқып, аяқтау.

«Адамгершілікті мен қалай түсінемін?» тақырыбына шығарма жазу.