«Ар-намыс керек адам?а».

Сабақ мақсаты: Ар-намысын жоғары қоюға, қадірлеуге,адамзаттық ақиқаттың құндылық ретіндегі тусініктерін кеңейту .

Міндеттері:

- ақиқатты өзінен іздеуге үйренуге ықпал ету;

- оқушыларды уақытша және өмірлік нәрселерді ажыратуға дағдыландыру;

- оқушыларды өз-өзіне сенімді болуға тәрбиелеу.

Ресурстар: музыка, видео, толықтырылмаған өлең жолдары – 6.

Сабақ барысы:

1. Ұйымдастыру кезеңi.

1. Амандасу.

2.Ұйымдастыру кезеңі 5 «Т» сақтау.

3. Тыныштық сәтi «Нұрға бөлену».

Сабақ барысын талдау.

2. Үй тапсырмасын тексеру. «Жақсылық жан жадыратады» тақырыбынан көрген видео үзінділерін ой елегінен өткізіп,ой-толғау жазып келу.

3. Дәйексөз:

«Ар-ождан алдындағы адалдық-өз қадір-қасиетіңе,ізгі іс-әрекетіңе байланысты».

(Әбу Насыр әл-Фараби)

Әл-Фараби 870жылы Сыр бойында,Арыс өзені жағасында,Фараб қаласында дүниеге келген.Аристотельден кейінгі дүниежүзі білімі мен мәдениетінің екінші ұстазы атанған данышпан,ұлы ойшыл,ғалым,математик.Басты еңбектері:«Метафизика», «Категория», «Ғылымдардың шығуы», «Музыканың ұлы кітабы»т.б.

Оқушылар дәйексөзді тыңдап,дәптерлеріне жазып алады және оқиды;

4. Мәтінмен жұмыс.

Өсиет әңгіме.

Бір күні Ар,Ұят,Намыс үшеуі бас қосады.Олар өткен-кеткенді әңгіме етеді.Әңгіме арасында үшеуі өздерінің өмірдегі пайдалары туралы айта бастайды.Мен адам бойына кішкентай бөбек күнінен әдептілік нұрын себемін,-деді Ұят.

Ал мен болсам адам баласына өзінің ғана емес,досының,туысының басқа адамдардың ағаттық істеріне жауапкершілікті сезіндіремін,-дейді Ар.

Сонда намыс тұрып:Мен болсам,адамға өзі,досы,туысымен қоса бүкіл отбасы,сыныпты,мектебі,ауылы,тіпті елі үшін жауапкершілігін сезіндіремін,-дейді.

Осылардың айтқанын сырттарынан бақылап,тыңдап тұрған Әдеп: О,достарым мен сендердің сөздеріңе толық қосыламын,үшеуіңнің де өмірдегі пайдаларың-адамды әдепті ету.Өйткені ұятты,арлы,намысшыл адам-нағыз адам.Үшеуің де адам баласына ауадай қажетсіңдер,біріңді-бірің толықтырасыңдар.Сондықтан да мәңгілікке ажырамастай туыс болыңдар деп бата беріпті.Содан бері намыс-ағасы,ар-інісі,ұят-кіші інісі болып,бірге өмір сүреді екен.Сондықтан да «ұяты бар бала арлы бала болып,арлы бала намысшыл болып өседі» деген осыдан қалған екен.

5. Шығармашылық жұмыс.

1топ.Осы оқылған мәтін бойынша сахналау көрінісін қояды,ақиқат өлең шумақтарын жалғастырады.

2топ.Мақал-мәтелдер жинақтап жазады,өлең шумақтарын толықтырып аяқтайды.

3топ.Плакатта тақырып бойынша ар,намыс,ұятты адамға теңеу арқылы сурет салып,сөздерін жазып қорғайды,өлең шумақтарын жаоғастырады.

Оқушылар тыңдайды, шығармашылық жұмыстары арқылы сұрақтар талданады

6. Видео көрсету (видео бойынша сұрақтар қою).

1. Бекболат Тлеухановтың айтуы бойынша қандай адамда намыс жоқ деді?

Бекболат Тлеухановтың видеосын көріп, тыңдайды. Сұрақтар арқылы талданады.

Топпен ән айту. (Бекболат Тлеухановтың «Елім менің» әнін интеракивті тақтаға шығару).

1. Арайлап таңым, асқақтап тауым,

Ән ойнап көгім, күй тартты көлім.

Қол жетті, міне, аңсаған күнге,

Жасай бер, жаса, қазағым менің.

Қазақстаным – жасыл орманым,

Қуанышымды жасра алмадым.

Аңсаған бабам, аңсаған елім!

Бостандық еді – ау асыл арманың.

Қайырмасы:

Елім менің аңсаған,

Тас бұғаудан босаған.

Құтты болсын отауың-оу,

Берік болсын-ау босағаң.

1. Бабамның қаны, анамның жасы,

Сіңген бұл далам, қымбатсың маған.

Береке – бірлік қамалдың басы,

Ұрпаққа мәңгі тіл қатшы, далам.

Күйінсін жауың, сүйінсін досың,

Жиылсын қауым, құйылсын көшің.

Ертеңің үшін аянба, ерім,

Ояншы, елім, жиылсын есің.

Қайырмасы:

Ұрпақ үшін, ел үшін,

Атамекен жер үшін.

Берекең мен бірлігің-оу,

Таси берсін-оу өрісің.

Ән орындалады.

. Үй тапсырмасы. «Бәрі өз қолыңда» мультфилімі көрсетіледі,талдау.Ұлы ойшылдардың, ақын-жазушылардың «ар-намыс» туралы жазған нақыл сөздерін, өлең жолдарын тауып, жазып келу тапсырылады.

. Тыныштық сәті Мұғалім: - Ыңғайланып отырып, көздеріңді жұмып, бүгінгі өткен сабағымызды естерімізге түсірейік. Осымен бүгінгі сабағымыз аяқталды. Сіздерге ризашылығымды білдіремін. Сау болыңыздар!!!

Баяу музыка ойнап тұрады.