Просмотр содержимого документа
«А?ан ?ай?ысы-заман ?ай?ысы»
САБАҚ ТАҚЫРЫБЫ: Ақан қайғысы-заман қайғысы
САБАҚТЫҢ МАҚСАТЫ: Ақан Қорамсаұлы шығармаларының
тарихи тағылымын, заманмен
үндестігін ашу.
Ақын шығармаларын зерделеу арқылы
оқушылардың ізденімпаздық,
танымдық қабілеттерін арттыру.
Ақын шығармалары арқылы өнерді
қастерлей білуге баулу.
Сабақта қолданылатын әдіс:
1. «Сыни тұрғыдан ойлау» технологиясының элементтері
(кластер, эссе, қос жазба стратегиялары).
2.Деңгейлік тапсырмалар
Сабақтың түрі: Дәстүрлі сабақ, қорытындылау сабағы.
Сабақтың көрнекілігі: Ақан Қорамсаұлының суреті.
Ақын туралы зерттеушілер, ғалымдар
пікірі.
Ақан Қорамсаұлына байланысты
шығармалар жинағы.
«Құлагер» өлеңіне байланысты оқушылар
салған суреттер көрмесі.
Сабақтың жүрісі:
І. Ұйымдастыру.
Ой қозғау стратегиясы бойынша берілетін сұрақтар:
Ақан шығармаларында қандай пафос басым?
Қайғы сөзінің антонимі қандай?
Қайғы деген сөзді қалай түсінесің?
1. Сабақтың тақырыбын хабарлау.
Неге сабақ тақырыбы «Заман қуанышы–Ақан қуанышы » деп алынбаған.
Ақан мұңы ақынның қай өлеңінде басым көрсетіледі?
Ақан есімін естігенде ойларыңа, көз алдарыңа не елестейді?
Ақан есімі немен егіз есім? Неге?
2. Сабақтың мақсатын хабарлау.
Міне, біздің бүгінгі мақсатымыз Ақан қайғысы неде, қандай жағдайға байланысты, қайғыны тудырған кім және не екендігін айтып, дәлелдеу. Бұған жауап іздеу үшін төмендегі сұрақтарға жауап берейік.
- Ақан қандай заманда өмір сүрді?
- Ақан заманына неге өкпелі, өлеңдеріне мысал келтіре отырып түсіндір.
- Кім Ғ.Мүсіреповтың «Ақан сері», І.Жансүгіровтың «Құлагер» поэмасы бойынша Ақанның қайғыға, мұңға батқан сөздерінен үзінді келтіреді?
- Енді мына үзіндіге назар аударыңдар, қай ақын сөзімен үндеседі, қандай үндестік бар?
Солардан келе-келе жаны безген.
Өмірде әлсіздігін әбден сезген.
Сезгір жан, нәзік көңілін адап алып,
Жабырқап жапан түзде жалғыз қалған.
- Ақан да соқтықпалы соқпақсыз жерде өсті. Сонда Ақан кім?
- Ақан трагедиясы неде?
- Ақан басындағы трагедияға кім кінәлі?
- Ақан тағдырымен тағдырлас таланттар өмірінен қандай дерек тауып келдіңдер? (оқушылар Балуан Шолақ, Сегіз Сері, Біржан өмірлерінен үзінділер келтірді).
- Бүгінгі Ақан шәкірттері не дер екен? (оқушы шығармашылығына кезек беру).
- Эссе «Ақан қайғысы-заман қайғысы».
3. Сабақты қорытындылау.
- Бүгінгі замандағы өнер адамдарының өнер көгіне самғауына заман кедергісі бар ма?
- Оқушы еңбегін бағалау ассистенттер арқылы жүргізіледі.
4. Үйге тапсырма: ХХ ғасырдың екінші жартысындағы әдебиет.
