Оқу сауатылығына арналған оқылым бойынша тест сұрақтары

&&&

Ел арасына кең тараған аңыз бойынша Қорқыт бір күні түс көреді. Түсінде көр қазып жатқан кісілермен сөйлеседі. «Сендер не істеп жатырсыңдар?» - деп сұрайды. Олар «Қорқытқа көр қазып жатырмыз»,- дейді. Содан шошып оянған Қорқыт өлімнен құтылудың жолын іздейді. Өзінің Желмаясына мініп алып, өлмейтін жер іздейді. Ол дүниенің төрт бұрышын түгел аралайды. Барлық жерде «Қорқытқа көр қазып жатырмыз»,- дейді. Амалы таусылған Қорқыт өзінің еліне – Сырдарияға қайтып келеді. Содан кейін Желмаясын сойып, оның терісінен қобыз жасайды да, ажал маған жете алмас деген оймен Сырдарияның ортасына жайғасып, күндіз-түні қобыз тартып, күйлерімен табиғатты, жан-жануарларды тыңдатып ұзақ жылдар ажалды маңына жолатпапты.

Әбден қалжырап, Қорқыт ата бір күні ұйықтап кетеді де, қобыздың үні шықпай қалады. Сол кезде аңдып тұрған ажал улы жылан болып келіп ұйықтап жатқан Қорқытты шағып өлтіреді. Халқымызды «Қайда барсаң да, Қорқыттың көрі» деген сөз бар. (132 сөз)

1. Ел арасына кең тараған аңыз бойынша Қорқыт бір күні ... көреді.

A) Гүл.

B) Түс.

C) Бала.

D) Қобыз.

E) Досын.

2. Қорқыт ... мініп алып, өлмейтін жер іздейді.

A) Атына.

B) Тұлпарына.

C) Құлагеріне.

D) Тайбұрылға.

E) Желмаясына.

3. Қорқыт Желмаясын сойып, оның терісінен

A) Үкі жасайды.

B) Қобыз жасайды.

C) Сырнай жасайды.

D) Домбыра жасайды.

E) Сазсырнай жасайды.

4. Мәтіннің тақырыбы.

A) Қасиетті қобыз.

B) Ажалды жылан.

C) Сырдария өзені.

D) Қобыздың сыры.

E) Қорқыттың өлімі.

5. Қорқыттың ажалы қалай келеді?

A) Күй болып.

B) Адам болып.

C) Жануар болып.

D) Табиғат болып.

E) Улы жылан болып.